Jueces 14:1 - La'aqtaqa Ñim Lo'onatac 'Enauacna 2013

¹ Qaq huo'o so na'a'q, nache so Sansón taỹa ye Timná, nache ila'a aso 'alo filistea nache ỹataqta nqopita.

Jueces 14:1 Referans Kwoze

Josué 19:43

Elón, Timnat, Ecrón,

Josué 15:10

Qaq nache huaña ye Baalá, da se'eso loga't qaltaq ñe'eguelaxa nam pa'aỹa'ague da avit, nache ivitta'a añi qasoxonaxa ye Seír, qataq nlectelec ye Quesalón qataq nlectot na loigue añi qasoxonaxa Jearim, da yaqto' qaltaq naỹaña na npa'aguiñi ye Bet Semes qataq nlectelec ye Timná.

1 Juan 2:16

Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

Salmos 119:37

Qataq saishet da aỹem 'auashenem da selogui ca qaica ca naigui, qataq aỹem 'aỹa'anem da ica'alaxa yaqto' shectegue so 'anqa'aic.

Da na'aqtaguec so Job 31:1

Aỹem maiche iuennataxa co'ollaxa da ne'enaua ỹa'ai'te, saishet da iloguilo ñaqa'en aca 'alo maye saxanaxa da huaron.

2 Samuel 11:2

Qaq so mashe avit, nache ñisheguem so David, chegoqtelec so lmala', nache somaye queuotapeguelec na pa'asheguem so lma' lta'araic. Qaq huaña co'ollaxa nache ila'a aso 'alo nacheltac, qaq asomaye ỹataqta 'onaxai.

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Jueces 13:25

Nache huo'o so na'a'q da so Sansón hueta'a yem lanataqa' so Dan maye naña yem laiñi so huaqta'a't nỹecpi maye huaigui ye Sorá, qataq ye Estaol, qaq nache huaña co'ollaxa da so Saqcha'a La'añaxac Ñim Nataxala' yo'oq naqa'en da la'añaxac somaye.

Jueces 14:2

Qaq co'ollaq ỹe'eguelaxa so lma', nache da'aqtaxanema soua lta'al, nache 'eeta': Aỹem sela'a aso 'alo filistea, huaña ye Timná, ỹoqo'oye sauotaique da qauỹaxañiiua'a asomaye da yaqto' saroneguet.

Jueces 16:1

Huo'o so na'a'q nache so Sansón taỹa so huaqta'a't nỹecpi ye Gaza. Huaña, qaq ila'a co'ollaxa aso 'alo quisheguetaxai, nache nqo'oneua'a so lma' da lauañi' asomaye.