Jueces 13:8 - La'aqtaqa Ñim Lo'onatac 'Enauacna 2013

⁸ Huaña, nache so Manoa nqouagaxaunot Ñim Nataxala', 'eeta': «'Am Ỹataxala', 'am ñachoxonnot da qaltaq 'añe'eguelaxat qome se'eso ỹale maye qomi' 'anamaxalo, da yaqto' qomi' ỹapaxague'n chaq shenaqtec qome que'eca nogotolec maye taỹa'a da ñiguiñi.»

Jueces 13:8 Referans Kwoze

Hechos 9:6

Nache so Saulo ỹataqta iviloxolaqchet da lcolanaxa, nache 'enapeco': –'Am Ỹataxala', ¿chaq negue't ca 'auauotaique da so'ot? Nache So Qarataxala' 'enapego' somaye, 'eeta':] –Qoñisheguem, nache 'anqo'oneua'a ye nỹecpi. Nache huaña qome da 'auaỹaten cam 'auo'ot.

Da na'aqtaguec so Job 34:32

Qaq ỹoqo'oye aỹem 'auachaxana ca saishet da sela'a. Qaq da qauem ca so'ottac, nache saishet qome da she'eguelaxalec da so'ot.›

Jueces 13:3

Qalaxaye so nale piguem le'ec Ñim Nataxala', nachaxana co'ollaxa asomaye, nache 'enapego', 'eeta': 'Am sa ỹauanega da huo'o ca 'aỹa'alaqpi, qalaxaye nagui 'am hualaxai, nache huo'o qome ca 'aỹa'alec.

Jueces 13:6

Nache asa'aso 'alo jec da da'aqtaxanem so lhua, 'eeta': «Huo'o so nale Ñim Lo'onatac 'Enauacna maye naỹa ye soota'a. Qaq da lataxac somaye ỹataqta ỹo'ot da ỹa'aalaxa, cha'aye 'eeta'am da lashiguiỹaxac nam nale piguem le'ec Ñim Nataxala'. Qaq aỹem saishet da senat ca chegaqa'ague, qataq somaye saishet da aỹem da'aqtaxanem ca 'eetec ca le'enaxat.

Jueces 13:7

Qalaxaye somaye aỹem da'aqtaxanem da aỹem hualaxai qome, nache huo'o qome ca ỹalec, qaq ỹoqo'oye nagui saishet da ñeỹomgui na lataxa huo'otaq ca lỹa maye ishet da qantaxac, qataq saishet da sachec ca nallec maye sa qaỹashen da qanallec, cha'aye que'eca nogotolec qom saxanaxa da ñiguiñi, nache nale'ena da mashe qaiỹotauga da qoỹanot Ñim Lo'onatac 'Enauacna, nache choche ivitta'a qom ileu.»

Jueces 13:9

Nache Ñim Lo'onatac 'Enauacna ỹasateguet co'ollaxa da nachoxonnaxac so Manoa, nache so nale piguem le'ec Ñimaye qaltaq ñe'eguelaxa aso 'alo, co'ollaq huetauga so no'onaxa. Qaq cha'aye saishet da nnaictague' so Manoa,

Jueces 13:11

Nache so Manoa ñisheguem, nache ca'ateueegue aso lhua da tauga so hueta'a se'eso ỹale. Nache somaye, 'eeta': ¿Nache 'am peta'a maye 'autaqtague' ara ihua so lỹa na'a'q? Nache se'eso ỹale 'enapeco': Aja', nachaỹem.