Jueces 13:6 - La'aqtaqa Ñim Lo'onatac 'Enauacna 2013

⁶ Nache asa'aso 'alo jec da da'aqtaxanem so lhua, 'eeta': «Huo'o so nale Ñim Lo'onatac 'Enauacna maye naỹa ye soota'a. Qaq da lataxac somaye ỹataqta ỹo'ot da ỹa'aalaxa, cha'aye 'eeta'am da lashiguiỹaxac nam nale piguem le'ec Ñim Nataxala'. Qaq aỹem saishet da senat ca chegaqa'ague, qataq somaye saishet da aỹem da'aqtaxanem ca 'eetec ca le'enaxat.

Jueces 13:6 Referans Kwoze

1 Samuel 9:6

Nache som lamaxashec 'enapeco': Ne'ena huaqta'a't nỹecpi huo'o ñi ỹale maye la'aqtaxanaxanec Ñim Lo'onatac 'Enauacna, qaq ñimaye ỹataqta 'enauac da huo'o naq 'enec qanqa'en, cha'aye 'enauac nam la'aqtaxanaxacpi ỹataqta tachigui. Qaq qolaq ñeqo'onaxaua'a, shapegueto' da qomi' da'aqtaxanema ca saqteuga.

Deuteronómio 33:1

Qaq co'ollaq mashe sa qaỹapeque so laloqo' da ileu so Moisés, maye nale Ñim Lo'onatac 'Enauacna, nache somaye ỹanem da no'on la'aqtac na Israel le'ecpi,

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

Hechos 6:15

Nache se'eso nta'alpi maye 'amaqtaqaicpi qataq 'enauac som laỹepi, co'ollaq ỹamato'ot so Esteban, nache ila'a na le'eraxa na lashec da ỹataqta 'eeta'am da lasheguiỹaxac nam namaxashec piguem le'ec.

Lucas 9:29

Qaq co'ollaq ñaq nqouagaxaueetac, nache da lasheguiỹaxac nqochen, qataq soua alogo ỹataqta ỹapaga'q qataq qashelectrapiguiñi.

Lucas 1:19

Nache so namaxashec ỹasateguet somaye, 'eeta': –Aỹem maye nachaỹem Gabriel, maye so'onataxaatacot Ñim Lo'onatac 'Enauacna. Qaq Ñimaye aỹem namaxa da 'am sa'aqtaxanem de'era no'on 'ara'axaỹaxac.

Daniel 10:11

Ime, nache aỹem 'enapega, 'eeta': «'Am Daniel maye 'am lauotaxat Ñim Lo'onatac 'Enauacna, ñaq 'ana'axaỹaxaachigui dam 'am sa'axatem: ñaq qoñisheguem, cha'aye aỹem qanamaq da 'am ñanaỹa.» Qaq so choche ime da nasaxauec se'eso la'aqtac, nache aỹem ñachaañi qalaxaye ñaq seviloxoltai'.

Daniel 10:5

qaq so ñamatasheguem nache sela'a so ỹale, ỹaatrañi soua alogo maye chegaqaiguilo na lino, qataq so nsaataxaqui oro.

Daniel 8:17

Qaq huaña, nache somaye aỹem nquigueua'a. Qaq aỹem ỹataqta she'e, nache sa'alyiñi naua illecte, seviraxata'aguet na ỹatap na 'alhua, qalaxaye somaye aỹem 'enapega, 'eeta': «'Am shiỹaxaua llalec, iuen da 'auaỹateeta de'era 'arauanaqchec da ỹa'axatta'alo caua pa'atrec na'axa'te.»

2 Reyes 4:9

Nache asa'aso 'alo 'enapego' so lhua, 'eeta': «Se'eso ỹale maye saq ỹet naxa da qomi' nateua'alo da ivita da nateuga ne'ena, aỹem saỹaten da somaye ỹataqta qui'itta la'aqtaxanaxanec Ñim Lo'onatac 'Enauacna.

1 Timoteo 6:11

Qalaxaye 'am Timoteo, 'am lamaxashec Ñim Lo'onatac 'Enauacna, 'auataueeguesop 'enauac ne'ena sa ỹaỹamaxañi. Ime, nache 'ampogoxoinapegue' da 'aualaxaguet Ñimaye qataq da 'am no'on lapaxaguenatac So Jesucristo. Saishet da 'axanec da 'arpi'iỹaxac Ñimaye qataq 'auauotec 'enauac na qarqaỹañicpi maye qara'amqaanataxanaxauapi. Qataq da ivita da 'auataỹa'aguet na lqalaiguesat qalaq 'auauo'o qome da 'arhualaxavic, qataq 'auauotec na laỹepi shiỹaxauapi.

2 Reyes 4:16

Nache so Eliseo 'enapego' asomaye, 'eeta': Ne'ena vi'i maye ñaq natauo, nache huetoiguilo caua na'axa'te maye 'eeta'ama nagui, nache huo'o qome ca 'ansoqtauo 'aỹa'alec. Qalaxaye asomaye 'enapeco': 'A'i, 'am ỹataxala', maye 'am nale Ñim Lo'onatac 'Enauacna, saishet qome da 'auatenachet ana'ana 'aramaxashe.

1 Reyes 17:24

Nache aso 'alo 'enapeco': Nagui, aỹem saỹateeta, da ỹoqta 'eesa da 'am nale Ñim Lo'onatac 'Enauacna, qataq cam qonapec, qalaq ỹoqta 'eesa la'aqtac Ñim Nataxala'.

1 Reyes 17:18

Nache aso pa'ai 'enapega so Elías, 'eeta': 'Am nale Ñim Lo'onatac 'Enauacna ¿negue't cam qonetapeguec da sheeta? ¿Peta'a 'auanac da aỹem 'antoonaxanaxanec na ỹasouaxashetpi, nache 'auo'ot da ileu na ỹalec?

1 Samuel 2:27

So ỹale maye la'aqtaxanaxanec Ñim Lo'onatac 'Enauacna nqo'ona so Elí, nache 'enapega, 'eeta': «Da la'aqtac Ñim Nataxala', 'eeta': 'Am 'auaỹateeta da Aỹem ỹoqta ñachaxana som hua'au 'arhuo', co'ollaq hueta'a ye Egipto da choche ỹo'onataxanaxaatac so faraón.

Jueces 13:22

nache somaye 'enapega aso lhua, 'eeta': Yo'oqta da seleuaq qome, cha'aye mashe ñauanaxai' Ñim Lo'onatac 'Enauacna.

Jueces 13:8

Huaña, nache so Manoa nqouagaxaunot Ñim Nataxala', 'eeta': «'Am Ỹataxala', 'am ñachoxonnot da qaltaq 'añe'eguelaxat qome se'eso ỹale maye qomi' 'anamaxalo, da yaqto' qomi' ỹapaxague'n chaq shenaqtec qome que'eca nogotolec maye taỹa'a da ñiguiñi.»

Josué 14:6

Qaq huo'oi co'ollaxa soua chegoxogueta so Judá, da nqo'oora ye Gilgal da yaqto' na'aqtaxaneto so Josué, nache so Caleb som llalec so Yefune, so lauo' le'ec so quenezitapi, 'enapego' so Josué, 'eeta': «'Antoueeta'aco' naua la'aqtaqa Ñim Nataxala' co'ollaq 'enapega so lamaxashec Moisés, co'ollaq huaña ye Cadés Barnea, da qomi' detaqtacoto, 'am qataq aỹem.

Éxodo 3:6

Nataqa'en 'enapega, 'eeta': «Aỹem maye Nachaỹem Natamnaxala' soua hua'au' 'arta'al. Nachaỹem Natamnaxala' so Abraham, Isaac qataq so Jacob.» Nache so Moisés, ỹapogui na lashec cha'aye ỹataqta huo'o da lcolanaxa da ỹamato'ot Ñim Lo'onatac 'Enauacna.

Éxodo 3:2

Qaq huaña, nache Ñim Lo'onatac 'Enauacna nachaxana so Moisés, huetaigui so le'eraxa so norec maye huetaigui asotai' qo'oipaqole maye huo'o ana le. Nache so Moisés ichemaxata asomaye. Huaña, nache nanoma da 'ettaigui asomaye qalaxaye saishet da ỹavic.

Génesis 32:29

Qaq huaña nache so Jacob inato' somaye, 'eeta': «Nagui nache aỹem 'aua'aqtaxanem 'eetec ca 'are'enaxat.» Nache se'eso shiỹaxaua 'enapeco': «¿Ta'ainco' da 'aunataxaateguec ca ỹe'enaxat?» Qaq nache huaña yemaye da se'eso shiỹaxaua, ỹasaxalec da lchoxonnataxanaxa so Jacob.

Génesis 18:2

nache somaye co'ollaq namatasheguem, nache soua tres shiỹaxau' nachattrañi huetra'a so saqaỹapeque somaye. Qaq co'ollaq ilaugalo, nache nqalgaqasheguem da ilo'ogueta soomaye, nache ỹa'alyiñi naua l-llecte, ivira'aguet na latap na 'alhua,

Jueces 6:11

Qaq huaña nache anac so nale piguem le'ec Ñim Nataxala', nache nso'ooñi, taỹot na la'a' aso qo'oipaq late'erai maye naña ye Ofrá, asom lalamaqte co'ollaxa so Joás, maye lalamaxat lauo' le'ec so Abiezer. Qaq so Gedeón, maye llalec so Joás, somaye ichegoqtac co'ollaxa so trigo, nqañoxottañi huetaigui som no'onataqa' aso uva da qaỹo'ot na lataxa, nqañoxottapiisop so madianiitapi.

Jueces 13:3

Qalaxaye so nale piguem le'ec Ñim Nataxala', nachaxana co'ollaxa asomaye, nache 'enapego', 'eeta': 'Am sa ỹauanega da huo'o ca 'aỹa'alaqpi, qalaxaye nagui 'am hualaxai, nache huo'o qome ca 'aỹa'alec.

Jueces 13:7

Qalaxaye somaye aỹem da'aqtaxanem da aỹem hualaxai qome, nache huo'o qome ca ỹalec, qaq ỹoqo'oye nagui saishet da ñeỹomgui na lataxa huo'otaq ca lỹa maye ishet da qantaxac, qataq saishet da sachec ca nallec maye sa qaỹashen da qanallec, cha'aye que'eca nogotolec qom saxanaxa da ñiguiñi, nache nale'ena da mashe qaiỹotauga da qoỹanot Ñim Lo'onatac 'Enauacna, nache choche ivitta'a qom ileu.»

Jueces 13:10

nache asomaye nqalgoqtaua'a so lhua da icoyeguen, 'eeta': «¡'Aỹala, ten da ỹale maye aỹem nachaxana so lỹa na'a'q, qaltaq ñe'eguelaq da aỹem nachaxana!»