Jueces 13:24 - La'aqtaqa Ñim Lo'onatac 'Enauacna 2013

²⁴ Qaq co'ollaq ivita da ñiguiñi so llalec asa'aso 'alo, nache ỹanagui da le'enaxat Sansón. Nache so nogotolec nquictasheguem da lañaxataxac, qaq Ñim Nataxala' ỹanem da lchoxonnataxanaxa somaye.

Jueces 13:24 Referans Kwoze

Lucas 1:80

Nache so nogotolec Juan nquictasheguem da llaxa qataq lta'araic da la'añaxac saqcha'a maye chegoqo'ot Ñim Lo'onatac 'Enauacna. Somaye netauga so toolec 'alhua, choche ivitta'a so na'a'q co'ollaq Ñim Lo'onatac 'Enauacna ỹamaq da ỹache de'era la'aqtaxanaxac, da da'aqtaxanem na Israel le'ecpi.

1 Samuel 3:19

Qaq so Samuel, nache nquictasheguem da llaxa, qaq Ñim Nataxala' nache hueta'aguet somaye, qataq ipacchigui naqa'en 'enauac nam la'aqtacpi maye ỹanem co'ollaxa somaye.

Hebreos 11:32

Qaq ¿negue't ca lỹa ishet da qami' sa'aqtaxanema? Cha'aye mashe qaica ca iraqa' da qami' sa'axatema da lpi'iỹaxac Ñim Lo'onatac 'Enauacna so Gedeón, Barac, Sansón, Jefté, David, Samuel, qataq so laỹepi la'aqtaxanaxanecpi Ñimaye.

Lucas 2:52

Nache So Jesús nquictasheguem da laỹaanec qataq ye locta. Qaq Ñim Lo'onatac 'Enauacna qataq 'enauac na shiỹaxauapi ỹataqta ntootapeguec Somaye, qataq ỹataqta lta'araic da nauoche.

1 Samuel 2:21

Nache Ñim Nataxala' ỹanem da lqouagaxanaqtaic aso Ana, qaq ỹoqo'oye asomaye qaltaq hualaxai. Qaq 'era da 'eetec da aso Ana ivi' tres soua llalqa ỹale't, qataq dos soua 'alo. Qaq Ñim Nataxala', nache nquictasheguem naqa'en so nogotolec Samuel maye qoỹanot Ñimaye.

1 Samuel 2:26

Qaq so nogotolec Samuel, nache nquictasheguem da llaxa, qaq Ñim Nataxala' qataq som shiỹaxauapi ỹataqta ỹaỹamaxareeta da lataxac somaye.