Jueces 13:23 - La'aqtaqa Ñim Lo'onatac 'Enauacna 2013

²³ Qalaxaye asomaye 'enapeco': Ñim Nataxala' da nshapeque taxa da qomi' ỹalaua't, nache saishettaxa da ỹaconeguet so qarachetaqtaxanaxat maye qaỹavigaxatta, qataq aso qarachetaqtaxanaqte maye chegaqaigui ana ala nam nañiguishec, qataq saishettaxa da qomi' nachaxanalo qataq da qomi' da'aqtaxanema 'enauac de'era.

Jueces 13:23 Referans Kwoze

1 Corintios 12:21

Qaq ỹoqo'oye ana na'aite sa ỹañoxot da 'enapega na nhuaq da 'eeta': «'Am sa seuen.» Qataq na nqaic sa ỹañoxot da 'enapegalo naua napia'ate da 'eeta': «Qami' sa seue'n.»

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Juan 15:15

Nagui saishet da qami' samata'aque da qami' nlataqa, cha'aye ca choche nlatac saishet da ỹaỹaten cam ỹo'ot ca na'aco'. Qaq nagui qami' samata'aque da qami' ñauochaxau', cha'aye qami' sa'aqtaxaatema 'enauac nam la'aqtacpi Ñim Ita'a maye Aỹem ỹami'.

Juan 14:20

Nache que'eca na'a'q qami' qauaỹachiñi da Ñim Ita'a qataq Aỹem 'oonolec da qarataxac. Qataq nataqa'en qami' qataq Aỹem 'oonolec da qarataxac.

Salmos 86:17

Aỹem 'auachaxana qome ca la'anaxat da 'arauotaxanaqtaic, yaqto' da ỹauaachigui na ñepa'aguenaxauapi nache na'aloxon. Cha'aye 'Am Nataxala', aỹem 'aỹa'anem da 'artaunaxanaxac qataq aỹem 'aua'añaqchet.

Proverbios 3:32

cha'aye Ñim Nataxala' ỹataqta ỹaỹemec na qauemaicpi, qalaxaye nauochaxaua ca no'on da lataxac.

Juan 14:23

Nache So Jesús 'enapeco': –Ca Aỹem ỹauotec, camaye nataqa'en ỹalaxaguet cam shenapec, nache Ñim Lo'onatac 'Enauacna maye Ita'a ỹauotec camaye. Nache Ñimaye qataq Aỹem ñanaguenaq da souaqta'aguet camaye.

Salmos 27:13

Cha'aye aỹem ỹataqta saỹateeta da ñauane' qome da lchoxonnataxanaxa Ñim Nataxala' da ñaq soota'a ana 'alhua maye netalec nam huo'o da lca'alaxa.

Jueces 13:24

Qaq co'ollaq ivita da ñiguiñi so llalec asa'aso 'alo, nache ỹanagui da le'enaxat Sansón. Nache so nogotolec nquictasheguem da lañaxataxac, qaq Ñim Nataxala' ỹanem da lchoxonnataxanaxa somaye.

Salmos 20:4

Qataq ipacchigui naqa'en 'enauac na qonetapeguecpi, qataq imeta naqa'en 'enauac na huotaique da 'auo'otpi.