Jueces 13:12 - La'aqtaqa Ñim Lo'onatac 'Enauacna 2013

¹² Nache so Manoa 'enapeco': Qom ivita da ipacchigui de'era qomi' 'aua'axattapeguema, ¿qaq chaq shenaqtec ca lataxac da sapaxaguenaq que'eca nogotolec? Qataq ¿chaq 'eetec ca lo'onataxanaxac camaye?

Jueces 13:12 Referans Kwoze

Efesios 6:4

Qaq qami' maye mashe huo'o na qaỹa'alqui, saishet qome da qaunogoqchichi namayepi. Nachaqrata da qauapaxagueñi, qataq qaỹa'añim dam napaxaguenataxanaxac maye quetague' nam ỹa'amaqteetac So Qarataxala'.

Proverbios 22:6

'Auapaxaguenec qome ca nogotolec da no'on ñecỹaxac, yaqto' qom ivita da ỹa'axaiqui nache saishet da ỹaxanec.

Proverbios 4:4

so ita'a naxa da aỹem ỹapaxagueetac nache, 'eeta': «ỹataqta 'oxotoiguilo qome añi 'arquiyaqte naua ỹa'aqtaqa, qataq 'aualaxagueta naua ỹamaxasoxonaxaco yaqto' nache 'eetai' da 'anca'altauec.

Génesis 18:19

Aỹem lleca'aua'a co'ollaxa namaye, da yaqto' ỹamaxalec ca llalaqpi, qataq cam chegoxoguetpi, da ỹalaxalec na ỹapaxaguenataxanaxacpi, qataq da ỹo'ot 'enauac cam ỹaỹamaqchiguiñi, qataq ca no'on lataxac, yaqto' Aỹem sepaqueelec 'enauac nam sachaxanapeguempi.»

Jueces 13:11

Nache so Manoa ñisheguem, nache ca'ateueegue aso lhua da tauga so hueta'a se'eso ỹale. Nache somaye, 'eeta': ¿Nache 'am peta'a maye 'autaqtague' ara ihua so lỹa na'a'q? Nache se'eso ỹale 'enapeco': Aja', nachaỹem.

Jueces 13:13

Nache so nale piguem le'ec Ñim Nataxala' 'enapec: Qomye ara'ara 'arhua ỹataqta ỹo'ot qome 'enauac nam iqataxacpi,

Salmos 143:8

Ñaq aỹem 'auaỹaanaxanaxanec da 'arauotaxanaqtaic ye nte'eta, cha'aye nache 'am sacheto'ot da ipi'iỹaxac, ñaq aỹem 'auachaxanegue qome ca nqa'aic maye ishet da sateuga, cha'aye 'am sanot co'ollaxa da ñachaalataxac.