Jueces 12:15 - La'aqtaqa Ñim Lo'onatac 'Enauacna 2013

¹⁵ Qaq co'ollaq ileu somaye, nache qailareña ye Piratón maye hualec aye qasoxonaxapi ye Amalec maye huaigui ye na'alhua so Efraín.

Jueces 12:15 Referans Kwoze

Jueces 5:14

Qaq so chegoxoguetpi so Efraín, anaỹa co'ollaxa ye lma' na amaleciitapi, qataq nca'atalec somayepi som nalleppi so Benjamín. Qaq som chegoxoguetpi so Maquir qalaq huenotec som lataxala'pi, qataq som chegoxoguetpi so Zabulón nataqa'en anac so lataxala'pi.

2 Samuel 23:30

qataq so Benaía, maye Piratón le'ec, qataq so Juray, maye lma' ye la'auaxac ye Gaas,

1 Samuel 15:7

Nache so Saúl qataq so nalleppi iloquiaxan co'ollaxa som amaleciitapi, nache ỹachegoxotchiguiña ye Javilá da icaatac, nache iviraxatta'a so ñegueuo ye Shur, maye loga't ye 'alhua Egipto, huaña nache nauec somayepi,

Jueces 3:27

Qaq co'ollaq ivita ye 'alhuapi maye huaña ana qasoxonaxapi ye Efraín, nache somaye ỹashiiyigui aso lasheere peenaq lcoue, da yaqto' laỹona't so Israel le'ecpi, nache namayepi huenoteeguesop añi qasoxonaxa da yaqto' datalec so Aod.

Jueces 3:13

Qaq ỹoqo'oye so Eglón, naỹamaxate' co'ollaxa so 'amoniitapi qataq so 'amalequitapi da yaqto' huaxaiguet, nache jec da iloquiaxan so Israel le'ecpi, nache deuotaxanec so huaqta'a't nỹecpi maye le'enaxat Chaisat.

Éxodo 17:8

Nache so amaleciitapi naỹa ye Refidim da delogui' so Israel le'ecpi.

Génesis 14:7

Qaq co'ollaq ñe'eguelaq so Quedorlaomer, qataq so nnaictague'pi somaye, nache nvira'a ye Enmispat, maye da lỹa le'enaxat Cades. Qaq huaña, nache loxonec 'enauac yem na'alhua so Amalec le'ecpi, qataq nataqa'en som amorreopi maye netaña co'ollaxa ye 'alhua Jasesón Tamar.

Jueces 12:13

Qaq co'ollaq ime da nataxala' so Elón, nache so Israel le'ecpi qaltaq datalec so Abdón, som llalec so Hilel, maye lma' ye Piratón.

Jueces 12:14

Nache ivi' soua ocho vi'iye da nataxala'. Qaq so Abdón ivi' co'ollaxa cuarenta so llalaqpi, qataq treinta so laualpi, qaq ñi 'oonolec somayepi nnotaxala' naxa na 'ashena.

Jueces 13:1

Qalaxaye so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala'. Ỹoqo'oye Ñimaye ỹaneguet co'ollaxa somayepi da la'añaxac so filisteopi soua cuarenta vi'iye.