Jueces 11:5 - La'aqtaqa Ñim Lo'onatac 'Enauacna 2013

⁵ nache som nqueroxonecpi nataxala'pi maye lma' ye Galaad damaxasoxona co'ollaxa da qanauec so Jefté maye netaña ye Tob,

Jueces 11:5 Referans Kwoze

1 Samuel 11:12

Qaq co'ollaq ime de'era, nache huo'o som shiỹaxauapi da 'eetega so Samuel, 'eeta': «¿Chaq hueta'ague cam shiỹaxauapi maye sa ỹaỹamaxaren da qarta'a ñi Saúl? Ñaq qomi' 'aỹa'anema que'eca shiỹaxauapi, yaqto' salauataq.»

Jueces 10:9

Qaq nataqa'en so 'amoniitapi ỹa'axasoxoolec so tala Jordán da yaqto' delogui' so maiche nhuo' le'ecpi maye chegoxoguetpi so Judá, Benjamín qataq so Efraín. Nache so Israel le'ecpi ỹataqta sa la'axaic da lhuogoxo.

1 Samuel 10:27

Qalaxaye sa qoue naxa nam shiỹaxauapi maye qauema naua la'aqtaqa, nache 'eetaco': «¿Qache nacheso' so qaỹauotaique da qomi' nca'alaxatrec se'eso?» Nache ỹataqta qaỹo'otaatac, qataq saishet da qaỹo'oxoren, qalaxaye so Saúl saishet da iqocha'a somayepi.

Jueces 11:4

Qaq co'ollaq mashe qaỹoqteguelo soua na'axa'te, nache so amoniitapi iloquiaxan so Israel le'ecpi,

Jueces 11:6

nache 'enapeco': «'Auanac qome, cha'aye sauoqtaique da 'am qarataxala' da seloquiaxai' na 'amoniitapi.»

2 Samuel 10:8

Nache so amoniitapi taỹa so ñegueuo so huaqta'a't nỹecpi, nache naỹamaxat da nalat, qaq so siiriopi maye lma' ye Soba, Rejob, qataq so Istob le'ecpi, qataq so alleppi ye Macá, tauga so no'onaxa da naỹamaxat.

2 Samuel 10:6

Nache so amoniitapi co'ollaq nanoma da dalemata so David, nache iỹaxana qataq ỹauo'o aso nsheetenaqte so veinte mil alleppi siiriopi, maye lma' ye Bet Rejob, qataq so lma' ye Soba qataq so mil nalleppi so nta'a Macá, qataq so doce mil Istob le'ecpi.