Jueces 11:40 - La'aqtaqa Ñim Lo'onatac 'Enauacna 2013

⁴⁰ Qaq ỹoqo'oye so Israel le'ecpi nache chegoqta'a co'ollaxa de'era, da queto'ot da ỹo'ottac ye 'oonolec vi'i na qa'ampi da iviraxattrec naua cuatro na'axa'te da nỹeeteguelec aso llale so Jefté.

Jueces 11:40 Referans Kwoze

1 Reyes 9:25

Qaq ye 'oonolec vi'i, nache so Salomón tres da ỹe'eguelaxalec da ỹaneuo ana lachetaqtaxanaqte qaỹavigaxatta, qataq ana qanhuaachigui, ỹachalec naxa aso nca'atoxonaxalate maye no'oxoosheguem somaye da yaqto' lalamaqte Ñim Nataxala', qataq nataqa'en ỹavigaxat naxa so nchenaxanaxat, huaña so lanataqa' Ñim Nataxala'. Qaq 'era da 'eetec co'ollaq ime da qano'oxoosheguem aso atamnaxaqui.

Jueces 5:11

¡Qana'axanñic da qarvilỹaxaqui, yaqto' hua'aqa nam pa'aỹauec maye hueta'a ana llimiaxañipi da nỹomaxaatac na na'atetpi, qaua'aqtaxañim da 'eetec da loxonaxanaxac Ñim Nataxala', qataq da loxonaxanaxac na alaataxaicpi Israel le'ecpi! Qaq na alleppi maye lalamaxat Ñim Nataxala' namayepi taỹaua'a ñi lasom na huaqta'a't nỹecpi.

Jueces 11:39

Qaq co'ollaq mashe inoxoorec se'esoua dos ca'agoxoiqa, nache asomaye ñe'eguelaxaua'a ye hueta'a so lta'a. Nache somaye ipacchigui da ỹo'ot so la'aqtac maye ỹanot co'ollaxa Ñim Nataxala'. Qaq asomaye saxanaxa da ỹauana ca ỹale.

Jueces 12:1

Qaq co'ollaq mashe qaỹata'ague de'era nache so ỹalleppi maye chegoxoguetpi so Efraín, naỹamaxat co'ollaxa nache taitague da le'ego so tala Jordán, nache taỹa ye Safón. Huaña, nache 'enapega so Jefté, 'eeta': ¿Ta'ainco' ye qomi' sa 'aucoyegue'n da yaqto' 'am setauanaq co'ollaq 'anqo'ona da 'auloquiaxan ye 'amoniitapi? ¡Qaq nagui, nache qouetaigui ñaqa'enaq ñi 'arma' da 'am savigaxataq!

2 Crónicas 35:25

Qaq so Jeremías ỹo'ot co'ollaxa so lo'onec maye ỹa'axat da naquicoxo, souaxat da l-leuaxa so Josías. Qaq nache ivitta'a nagui da 'enauac na 'onaxanaxaicpi, qataq ana 'onaxanaxaipi da ỹo'ootac naxa na daquicota lo'onecpi da tachigui lauel so Josías. Qaq ne'ena no'onecpi ỹo'ot da nache lataxac nagui na Israel le'ecpi, qataq nache nanettalec ana lmalatepi na no'onecpi maye daquicota.

Ester 9:27

nache so judiopi lapaxañi co'ollaxa de'era lataxac da yaqto' lalamaxat somayepi, qataq cam llalaqpi, qataq 'enauac cam ishet da taigui na judiopi, da 'enauaque naua vi'iye da ỹo'oxoren se'esoua na'axa'te, qataq da ipacchigui da ỹo'ot da ivireugalo se'esoua na'axa'te, ipacchigui dam napaxaguenataxanaxac maye qoỹanem co'ollaxa,