Jueces 11:36 - La'aqtaqa Ñim Lo'onatac 'Enauacna 2013

³⁶ Nache asomaye 'enapeco': «'Am ita'a, da mashe 'aỹa'anot co'ollaxa ca 'ara'aqtac Ñim Nataxala', qaq no'on da 'aupacchigui da 'auo'ot cam 'aỹa'an 'ara'aqtac! Cha'aye Ñimaye mashe ipacchigui da 'am ỹanem da 'anauec so 'ampa'aguenaxauapi 'amoniitapi.»

Jueces 11:36 Referans Kwoze

2 Samuel 18:19

Ime, nache so Ajimaz maye llalec so Sadoc, 'enapega co'ollaxa so Joab, 'eeta': «'Onaxaic taxa da aỹem 'auasheeta da ñeqalgoqta'a ca nta'a da secoyeguen, da Ñim Nataxala' mashe isoueeguesop camaye na mpa'aguenaxauapi,»

Filipenses 2:30

Cha'aye ñimaye mashe hua'c co'ollaxa da ileu, souaxat da do'onataxaatacot So Cristo. Qataq ỹataqta saishet da iteetega da nachaalataxac da ỹaneguet da lchecỹaxac, da yaqto' ishet da aỹem itaunec cam qami' saishet da aỹem qautauñic, souaxat da qami' qaỹoqtalo.

Romanos 16:4

Cha'aye caamaye ỹataqta nañanegueta co'ollaxa da lchec, da yaqto' aỹem nca'alaxatre'c. Qaq ỹoqo'oye saatac da ña'achecỹaxac. Qalaxaye saishet da nachaqaỹemta, nataqa'en 'enauac na 'amqaanataxanaxaicpi maye saishet da judiopi.

Hechos 21:13

Qalaxaye so Pablo 'enapec: –¡Saishet da qanỹiñiitac, cha'aye da nache qoñiita'ac de'era, nache aỹem qauaquicoqchichi! Aỹem ỹataqta sauotec So Qarataxala', qaq ỹoqo'oye aỹem lhuotta. Qaica ca shectega da aỹem qaicoñe', qataq na'aictaxa da seleualec Somaye da huaña ye Jerusalén.

Hechos 20:24

Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

2 Samuel 19:30

Qalaxaye so Mefiboset 'enapeco': 'Onaxaic taxa da 'aỹa'anem 'enauac ye 'alhua somaye. Cha'aye aỹem nacherata da saỹaten da qaica ca machaqca da qoneta, 'am qarta'a, qataq da 'onaxaic da 'arviraxac da 'anvireua'a na 'arma' lta'araic.

2 Samuel 18:31

Qaq mashe nvireuo so Etiopía le'ec, nache 'eeta': 'Am ñeroua'a da 'onaxaic 'ara'axaỹaxac, 'am nta'a, 'eeta': Ne'ena na'a'q Ñim Nataxala' 'am isoueeguesop da la'añaxac na 'am ipa'agueetacpi.

Números 30:2

Da huo'o ca shiỹaxaua da ỹanot ca la'aqtac Ñim Nataxala', huo'otaq da ỹan ca 'eetega ipacchigui la'aqtac, qaq camaye iuen da ipacchigui que'eca la'aqtac, qataq ỹo'ot 'enauac cam ỹachaxanapec.

Josué 12:2

Som Sijón maye lta'a so amorreopi maye naña ye Jesbón. Qaq som ilotague'pi somaye nache chegoqchiguiña so huaqta'a't nỹecpi ye Aroer, nache ivitta'a so loigue so tala Arnón, qataq chegoqchiguiña so laiñi so ca'amapega't, nache ivitta'a so tala Yaboc, maye chegoqchiguiña som na'alhuapi so amoniitapi.