Jueces 11:34 - La'aqtaqa Ñim Lo'onatac 'Enauacna 2013

³⁴ Nache so Jefté co'ollaq ỹe'eguelaxa so lma' maye naña ye Mispá, nache aso 'oonole llale ca'atta'aguet somaye, nache dasottac, qataq iuaxaatagui aso lasaquiaxanata. Qaq somaye, nachaqasota asa'aso llale, qaica ca laỹe llalaqpi.

Jueces 11:34 Referans Kwoze

Jeremías 31:4

Aỹem qaltaq 'am ñe'eguelaxatsheguem qome 'am Israel. Nache qaltaq 'añe'eguelaq qome 'auauota'a na 'arasaquiaxanatacpi, da 'auasottac souaxat da 'antonaxac.

Éxodo 15:20

Nache aso María maye la'aqtaxanaxana Ñim Lo'onatac 'Enauacna, maye lqaỹa so Aarón, asomaye qataq aso laỹepi 'alpi, ỹacona aso lasaquiaxanatapi, nache qaica'attaueegue asomaye, nache do'onaxaatac qataq dasottac.

Jueces 11:11

Huaña nache so Jefté ỹasat da ca'ategue somayepi, nache se'eso nhuo' le'ecpi ỹauo'o da lca'ataxala' somaye, qataq lataxala' na nalleppi. Nache huaña ye Mispá da so Jefté hua'aqchigui naqa'en Ñim Nataxala' de'era naỹamaxataxac maye ỹo'ot somayepi.

Jueces 10:17

Qaq so amoniitapi naỹamaxat da yaqto' nalat, nache ỹanaña so lpe'lpi ye Galaad. Qaq so Israel le'ecpi nataqa'en laỹona't co'ollaxa, nache ỹanaña so lpe'lpi ye Mispá.

Salmos 68:25

Na do'onaxaatacpi hua'auta qaq na ivictapigui ana nvique nca'ataxaatauo. Qaq na qa'ampiolec huetangui na laiñi, iuaxaatagui ana lasaquiaxanatapi.

Lucas 9:38

Nache huo'o so ỹale ỹalectaigui so shiỹaxauapi nquigueua'a So Jesús, nache 'enapego' 'eeta': –'Am Napaxaguenataxanaq, 'am ñachoxonnot da 'autauan da 'oonolec ỹalec.

Lucas 8:42

Cha'aye aso 'oonole llale maye mashe ivi' naua doce vi'iye da llaxa, asomaye ileetapigui'. Nache So Jesús ca'ategue so Jairo, qaq ỹataqta qalota so ca'ategue Somaye, ivira'a da ỹataqta qanpataxagui.

Lucas 7:12

Qaq co'ollaq mashe ivildeua'a so ñegueuo se'eso nỹecpi, nache ỹauaategueta soua ỹale't da ỹachetra'c so nsoqolec maye leuaxaic da ilayiñi. Se'eso saqca, somaye ỹataqta 'oonolec llalec aso pa'ai. Qaq qalota so shiỹaxauapi yi'iye qanayeeta'a da nnaictague' aso 'alo maye ỹataqta lta'araic da lachoxoyec.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Jeremías 31:13

Na qa'ampiolec qalaq dasottagui qome souaxat da ntonaxac, nache 'eetec qome nataqa'en na nsoxoppiolec qataq na ỹa'axaiquipi. Aỹem sanem qome da lamaicỹaxac namayepi, qaq da laquicoxo qalaq nmeneguet ñaqa'en da lamaicỹaxac, qataq sanem da ỹactec da lamaicỹaxac napacalec da nqui'ic co'ollaxa.

Salmos 150:4

Qavio'oxoyiñi Ñimaye qauasocheeta'ai' aca nasaquiaxanatapi, qavio'oxoyiñi qauauoita'a aca nasheerepi qataq aca nviquepi maye huo'o na lquetpi.

Jueces 21:21

nache qanaỹamaxacheetai' qome. Nache qom qauloỹa'a nam 'alpi ye Silo da lapootec da dasora't, nache qoquiỹa'ai nataqa'en cam qanqañoxotaqa'ai, nache ñi 'oonolec ỹale da qoñiita ỹaconeua'a aca 'alo da decachiỹa, nache qoqui qome da yaqto' qanqo'oñiỹa ye maiche qana'alhuai.

2 Samuel 6:14

Qaq so David ỹaatañi co'ollaxa so efod maye chegaqaigui na lino, nache ỹataqta nmatasheguem da la'añaxac da dasotto'ot Ñim Nataxala'.

Josué 18:26

Mispá, Quefirá, Mosá,

Jueces 20:1

Huaña nache 'enauac so Israel le'ecpi, chegoqchiguiña ye Dan nache ivitta'a ye Berseba qataq ye Galaad da 'eeta'am ca 'oonolec shiỹaxaua da anac da laỹona't huaña ye Mispá, ỹauaachigui Ñim Nataxala'.