Jueces 11:32 - La'aqtaqa Ñim Lo'onatac 'Enauacna 2013

³² Nache so Jefté taỹa co'ollaxa ye na'alhua so amoniitapi nache iloquiaxan, nache Ñim Nataxala' ỹanem da loxonec somayepi.

Jueces 11:32 Referans Kwoze

Jueces 3:10

Nache so Saqcha'a La'añaxac Ñim Nataxala', anac da ỹo'ot da la'añaxac so Otoniel, da yaqto' lataxala' so Israel le'ecpi. Ỹoqo'oye co'ollaq jec da deloqui, nache Ñim Nataxala' ỹanem da loxonec so Cusán Risatayin.

Jueces 2:18

Qaq naxa Ñim Nataxala', da ỹauo'o na nauaxaỹaxaasheguem nataxala', nache ỹataqta itauaatac, qaq naxa da ña nca'altauec ñi nataxala', nache isoueeguesop na Israel le'ecpi da la'añaxac na mpa'aguenaxauapi, cha'aye Ñimaye ỹataqta huo'o da lchoxonnataxanaxa da hua'aqtega da la'alaxac ne'ena lalamaxat nhuo' le'ecpi, souaxat da sa nañaxaasheguem da lachetataic.

Jueces 1:4

Nache so maiche nhuo' le'ecpi maye chegoxoguetpi so Judá jec da deloqui, nache Ñim Nataxala' ỹanem somayepi da yaqto' loxonec so Canaán le'ecpi qataq so fereseopi. Qaq huaña ye Bezec, nache ỹalauat so diez mil ỹalleppi.

Jueces 11:31

nache qom ñe'eguelaq da mashe sauegaxan que'eca alaataxac, nache cam na'autec da chegoqteua'a ñi ima' da aỹem ca'atta'aguet, nacheca qome ca 'am sanot da savigaxat ỹachetaqtaxanaxat.»

Jueces 11:33

Nache so Jefté ỹataqta qalota so ỹalauat mpa'aguenaxauapi, nache loxonec so veinte som huaqta'a't nỹecpi maye ỹotta'a't naua nañalo, chegoqchiguiña ye Aroer, nache ivitta'a ye Minit qataq ye Abel Queramín. Qaq 'era da 'eetec da so Israel le'ecpi da loxonec co'ollaxa so amoniitapi.

Jueces 2:16

Qalaxaye Ñim Nataxala' nataqa'en nauaxaỹaxaasheguem som nataxala'pi da yaqto' isoueeguesop da la'añaxac som nhuottac somayepi.