Jueces 11:27 - La'aqtaqa Ñim Lo'onatac 'Enauacna 2013

²⁷ Qaq aỹem qaica ca 'am so'otec qauem. Qalaxaye 'am qauem da qonetapeguec da 'auauotaique da 'auanac da qomi' 'auloquiaxa'n. Qalaxaye Ñim Nataxala' nacheñi ñi pa'aỹa'aguet da nmit na Israel le'ecpi qataq na 'amoniitapi.»

Jueces 11:27 Referans Kwoze

1 Samuel 24:15

¡Qaq Ñim Nataxala' nacheñi ñi qomi' nmi't qome! ¡Qaq Ñimaye nmi't qome cam sasoilec, nache aỹem iueelec da yaqto' aỹem ỹeltaxaneguet da qoneta!

1 Samuel 24:12

¡Qaq Ñim Nataxala' maiche qomi' nmi't qome, qataq maiche aỹem ỹe'eguelaxateguet qom huo'o ca sasouaxat da qoneta! Qalaxaye aỹem saishet da 'am so'otec ca qauem.

Génesis 18:25

¡'Am saishet da 'auo'ot de'era da 'aualauat cam qaica ca ỹasouaxat, da cañe' 'anqa'en cam huo'o ca lasouaxashet, da 'eco' 'eeta'a't caua dos da huo'o ca lasouaxashe't! ¡Saishet qome da 'auo'ot de'era! cha'aye 'Am maye 'am 'amaqtaqaic da 'anmit 'enauac ana 'alhua, ¿qaq peta'a saishet da 'auo'ot cam nalochiguiñi lataxac?»

Génesis 16:5

Nache aso Saraí, 'enapego' so Abram, 'eeta': «¡'Am maye 'arasouaxashet da ara Agar ỹataqta aỹem ỹe'eetac! Qamaq nachaỹem maye 'am sanem co'ollaxa da 'auauo'o 'arhua, qaq nagui, da aramaye ỹaỹaten da huo'o qome ca llalec, nache aỹem napacapeguelec. ¡Qalaxaye, huo'o Ñim Nataxala' maye ỹa'axat qome negue't ca huo'o ca lasouaxashet da shenaqta, 'am, huo'otaq aỹem!»

Génesis 31:53

Qaq maiche qomi' nmi't qome Ñim Natamnaxala' so 'arapi' Abraham, qataq som ỹapi' Najor. Qaq huaña, nache so Jacob ỹanot so la'aqtac Ñim Lo'onatac 'Enauacna maye natameetacot co'ollaxa so lta'a Isaac.

2 Timoteo 4:8

Saỹaten da Ñimaye maye sa depe'enaxan da nmit 'enauac na shiỹaxauapi. Ñimaye aỹem ỹami' ca nsheetenaguec da ñachaalataxac maye lasheue da ỹalaxayec. Qaq saishet da nachaỹemta da aỹem ỹami', maye nataqa'en 'enauac na shiỹaxauapi maye ỹayeeta'aguet ca lle'eguelaxasoxoc Ñimaye.

2 Corintios 5:10

Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

Eclesiastés 11:9

'Am nsoqolec, nagui da ñaq nalota't da 'anachaalataxac nache 'antootapigui' qome, qataq 'anque'etaxaachigui nam no'on maye ishet da 'auo'ot nagui. Qoquegue da 'arquiyaqteỹaxac souaxat nam 'aulota'api, qalaxaye 'auennata'a da Ñim Lo'onatac 'Enauacna, nmit qome 'enauac nam 'auo'otpi.

Salmos 98:9

qataq do'onaxaato'ot Ñim Nataxala', cha'aye mashe anac da nmit ana 'alhua, irolec qome da nalochiguiñi lataxac qataq ỹaỹamaqchiguiñi lataxac da nmit na nhuo' le'ecpi.

Salmos 94:2

Ña 'anachaañi qome, 'am maye 'anmit na netalec ana 'alhua, ña 'aỹa'anem ca 'itchiguiñi nhuaxanaguec na na'amqaanaxaicpi.

Salmos 82:8

'Am Atamnaxala' ña 'anachaañi qome da 'anmit ana 'alhua, cha'aye nache 'am maye 'aralamaxat 'enauac na ỹotta'a't shiỹaxauapi maye huetalec ana 'alhua.

Salmos 75:7

cha'aye Ñim Lo'onatac 'Enauacna nacheñi ñi nmit 'enauacna, nache ishet da huo'o ca huetaiya' naqa'en, qataq ishet da huo'o ca nauaxaỹaxaasheguem.

Salmos 50:6

Nache na piguem ỹa'axat qome da Ñim Lo'onatac 'Enauacna, nacheñi ñi nmit 'enauacna.

Salmos 7:11

Ñim Lo'onatac 'Enauacna, nacheñi Ñim nalochiguiñi da lataxac da huo'o ca nmit, Ñimaye 'enauaque naua na'axa'te da sa ihuooneguet na qauemaicpi.

Da na'aqtaguec so Job 23:7

cha'aye camachaqca shiỹaxaua no'on da lataxac, ishet da da'aqtaxanem Ñimaye ca huaigui, huaña taxa nache qaica naqa'en ca ỹasouaxashet, qataq huesochiguiñi naqa'en aỹem.

Da na'aqtaguec so Job 9:15

Qaq na'aictaxa da qaica ca sasouaxat, qalaxaye saishet da sasateguet Ñimaye. Ñimaye nacheñi ñi aỹem nmit, ỹoqo'oye seỹaxanot da choche aỹem ichoxoren.

1 Samuel 2:10

Ñim Nataxala' ilaxachigui qome na mpa'aguenaxauapi, nache chegoqo'ot naqa'en na piguem na nqashelgaxa da talec naqa'en namayepi. Ñim Nataxala' nmit qome 'enauac nam huetalec ana 'alhua, qataq ỹanem da la'añaxac ca nta'a maye lca'aguishec, qataq nquictasheguem naqa'en da la'añaxac.»

Hebreos 12:23

qaq nache hueta'a nataqa'en 'enauac nam ỹamata'ac da lalamaxat llalaqpi qataq nam ỹami' da ishet da hueta'a yemaye. Qami' mashe qanquiquiiua'a Ñim Lo'onatac 'Enauacna ñim nmit qome 'enauacna. Nataqa'en mashe qanquiquiiua'a da saqcha'a lca'alaxa so no'on shiỹaxauapi maye Ñim Lo'onatac 'Enauacna naloqchiichiguiñi naqa'en da lataxac.

2 Corintios 11:11

Qalaxaye saishet da ỹa'aqtac de'era, souaxat da sa qami' sauoteque. ¡Ñim Lo'onatac 'Enauacna ỹaỹateeta da aỹem ỹataqta qami' sauoteque!

Eclesiastés 12:14

Cha'aye Ñim Lo'onatac 'Enauacna nmit qome 'enauac nam no'onatacpi, nam 'onaxaic qataq nam qauem, qataq ivira'a cam qoỹoxottañi da qaỹo'ot.

Jueces 11:28

Qalaxaye so lta'a so 'amoniitapi saishet co'ollaxa da ỹalaxaguet da la'aqtac so Jefté.

2 Crónicas 20:12

Qaq 'Am Qanatamnaxala', ¿peta'a saisheto' da 'auo'ot ca nhuaxanaguec namayepi? Cha'aye qomi', qaica ca qara'añaxac da sataỹaqa'aguet ne'ena ỹataqta qalota alleppi, maye anac da qomi' iloquiaxa'n. ¡Cha'aye qomi' sa saỹatenaq ca shenaqtec, ỹoqo'oye 'am sachoqto'ot da qanaquitaxac!»

1 Samuel 24:13

Cha'aye som na'aqtacaic naxa, 'eeta': «Nam qauem, chegaqaigui nam qauemaicpi.» Qaq ỹoqo'oye aỹem saishet da she'egueeta'a da 'anachaalataxac 'am nta'a.

1 Samuel 24:16

Qaq co'ollaq ime da ltaxaỹaxac so David, nache so Saúl 'enapeco': ¡Qache nache 'am ỹalcolec David, maye aỹem 'autaqtecot! Huaña nache so Saúl ỹataqta nỹeetac,