Jueces 11:24 - La'aqtaqa Ñim Lo'onatac 'Enauacna 2013

²⁴ Qaq taxa da huo'o ca 'am ỹanem ñi 'anatamnaxala' Quemos ¿maye saisheto' da 'auauo'o 'aralamaxat? Qaq ỹoqo'oye nataqa'en qomi', da 'enauac nam qomi' ỹanema Ñim Nataxala' maye Qanatamnaxala', nache qaralamaxat.

Jueces 11:24 Referans Kwoze

Números 21:29

¡Choxoraicolec 'am, Moab! ¡'Am, maye 'am lalamaxat so atamnaxala' Quemós, ỹataqta 'am dolachigui! So 'anatamnaxala' ỹo'ot da 'eettac naqa'en na 'aỹa'alaqpi, qataq loxona naqa'en ana 'aỹa'alepi so Sijón, maye lta'a na amorreopi.

Miqueas 4:5

Qaq na laỹe ỹotta'a't shiỹaxauapi qalaq quetague' nam maiche natamnaxala'pi, qomi' qalaxaye nache 'eetai' qome da qolaqto'ot da salaxasoxoguet Ñim Nataxala' maye Qanatamnaxala'.

Salmos 78:55

Qataq nqateua'a na ỹotta'a't shiỹaxauapi ỹauaachigui naqa'en na Israel le'ecpi, qataq naloqchiichiguiñi na ỹanem 'alhua na maiche nhuo' le'ecpi, nache ỹanaña na maiche lalamaxat lanataqa'pi.

1 Reyes 11:7

Qaq se'esoua vi'iye, nache huaiguilo da so Salomón, ỹanalec aso qasoxonaxa maye pa'aigue da nala' lliguisheguem ye Jerusalén, so atamnaqa' da yaqto' qanatamnot so Quemos, som nqaigaxat lqolac so Moab le'ecpi, qataq so Moloc, som nqaigaxat lqolac so Amón le'ecpi.

Josué 3:10

Maye 'eeta': «'Era da la'anaxat da Ñim Lo'onatac 'Enauacna maye nca'altauec ỹataqta qami' hueta'agueta, qaq nache de'era qa'aita'ague qauauañiichigui naqa'en da ỹo'orauec qome ye Canaán le'ecpi, hitiitapi, heveopi, ferezeopi, gergeseopi, amorreopi, qataq na Jebuseopi.

Deuteronómio 18:12

Cha'aye Ñim Nataxala' ỹataqta deqaiga ca ỹo'ottac ne'ena qauempi. Qaq ỹoqo'oye souaxat ne'ena qauem 'onataxacpi, nache Ñim Nataxala' maye Qanatamnaxala'ai qauauañiichigui qome da ỹo'orauec yi'iye ỹotta'a't shiỹaxauapi.

Jeremías 48:46

¡'Agai, 'am Moab! ¡Qami' nhuo' le'ecpi ye Quemós mashe qami' deqa't! ¡Na 'aỹa'alaqpi ỹallippi qataq na 'alpi qaỹauega qome ca ỹaqa'a 'alhua da ncoñeteguishecpi!

Jeremías 48:7

'Am Moab, 'aupe'etega co'ollaxa da 'ara'añaxac, qataq da 'arsallaxa, qalaxaye nataqa'en 'am noxonec qome. Ñi 'anatamnaxala' Quemós qaỹauega qome ca lỹa 'alhua, caueegue' qanqa'en na ltaxaỹaxanaxanecpi qataq nam shiỹaxauapi maye 'amaqtaqaicpi.

Salmos 44:2

Co'ollaq 'auauota'a na 'arhuaq da 'auo'orauec so ỹotta'a't shiỹaxauapi, nache 'auauo'o da nhuaxanaguec somayepi, huaña nache so lma' somayepi 'aỹa'analec so qarta'alpi.

Jueces 10:6

Qaq so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala', souaxat da ỹo'oxoreetac so ỹotta'a't ne'enaqtac lqui'ipi so Baal qataq aso Astarté, nataqa'en so natamnaxala'pi so siiriopi, Sidón le'ecpi, moabiitapi, 'amoniitapi qataq so filisteopi. Nache ca'ai Ñim Nataxala', qataq ỹaxaañi da natameetacot Ñimaye.

Jueces 11:23

¿Qaq nagui 'auauotaique da 'auanac da 'auacona ne'ena 'alhua?

Rut 1:15

Nache aso Noemí 'enapego' asomaye, 'eeta': Ña 'aula'a aso 'araronaxaua, asomaye ỹe'eguelaxaua'a ye lalamaxat lauo' le'ecpi, qataq ca natamnaxala'pi, qaq 'auca'ategue taxa asomaye.

Jeremías 48:13

Qaq huaña qome nache ye Moab, nomteguet da la'agaxa souaxat ñi Quemós, 'eeta'am na Israel le'ecpi co'ollaq nomteguet da la'agaxa souaxat so Betel maye ỹacheto'ot co'ollaxa da naquitaxac.

Josué 21:43

Qaq 'era da 'eetec Ñim Nataxala' da ỹanem co'ollaxa so Israel le'ecpi 'enauac se'eso 'alhuapi, maye ỹachaxanapecot co'ollaxa so hua'au lta'alpi, huaña nache so Israel le'ecpi nalec co'ollaxa se'eso 'alhuapi.

Jueces 2:1

So nale piguem le'ec Ñim Nataxala', chegoqchiguiña ye Gilgal da taỹa ye Boquín, nache 'enapega so Israel le'ecpi, 'eeta': «Aỹem qami' ñeqateeguesopa co'ollaxa ye Egipto, nache qami' ñauegalo ne'ena 'alhuapi maye sachaxanapecot co'ollaxa som qarta'ailpi co'ollaq san so ỹa'aqtac, sheeta': ‹Aỹem saishet qome da sa sepaguelec da ñaỹamaxataxac da qoñiita,