Jueces 11:21 - La'aqtaqa Ñim Lo'onatac 'Enauacna 2013

²¹ Qalaxaye Ñim Nataxala' maye Natamnaxala' na Israel le'ecpi qomi' ỹanema da qoroxonec so Sijón, qataq 'enauac so nalleppi, huaña nache saconaxa da yaqto' qaralamaxat 'enauac ye na'alhuapi ye amorreopi,

Jueces 11:21 Referans Kwoze

Números 21:24

Qalaxaye so Israel le'ecpi loxonec somayepi, nache deuotaxanec 'enauac ye na'alhua, chegoqchiguiña so tala Arnón ivitta'a so lỹa tala le'enaxat Yaboc, qataq ivitta'a so loga't ye na'alhua so amoniitapi, maye huo'o so lpaqtaxat.

Deuteronómio 2:32

Qaq so Sijón qomi' ca'ata'agueta, nnaictague' co'ollaxa so nalleppi da yaqto' qomi' deloguito huaña ye Yahás,

Jueces 11:20

Qalaxaye so nta'a Sijón saishet da qomi' ỹa'amaqte'n co'ollaxa, nache qomi' sa ỹashenema da sa'axasoxonaxalec ye na'alhua, nacherata da laỹona't 'enauac so nalleppi, nache nqo'ona ye Yahás, nache ỹanaña so lpe'lpi, nache qomi' iloquiaxa'n.

Éxodo 23:31

Qaq naua loga'te yem qarmaye sogote da sa'a'n da na'anaguec, 'eeta': Chegoqchiguiña qome aso Auaxai Togaxarai, nache ivitta'a so loigue aso auaxai maye nalotaxaama ye lma' ye filisteopi, qataq chegoqchiguiña ye toolec 'alhua choche ivitta'a so tala Éufrates. Qaq Aỹem qami' sanema ye netalec yi'iye 'alhua da qauloỹiigue. Ime, qaq maiche qauo'oyiỹauec qome yemayepi.

Josué 6:2

Qalaxaye Ñim Nataxala' 'enapego' so Josué, 'eeta': «Aỹem 'am sanem da 'oxonec ye Jericó, qataq ñim nta'a qataq caueegue' na nalleppi.

2 Crónicas 13:5

Qami', ¿peta'a sa qauaañi da Ñim Nataxala', maye Natamnaxala' na Israel le'ecpi, da ỹanem co'ollaxa so David, qataq na llalaqpi somaye, da chochaq tatec da ilotague' na Israel le'ecpi, co'ollaq ỹo'ot so naỹamaxataxac maye saishet da qanlaxaañe?

2 Crónicas 13:16

Nache so Israel le'ecpi, dataueeguesop co'ollaxa so Judá le'ecpi, cha'aye Ñim Lo'onatac 'Enauacna ỹanem so Judá le'ecpi da loxonec somayepi.

Amós 2:9

Qataq ỹataqta ỹauaachigui ñaqa'en co'ollaq selaxachigui so amorreopi, qaq na'aictaxa da ỹataqta logoraicpi 'eeta'am ana cedropi, qataq ỹataqta 'añaxaicpi 'eeta'am ana qo'oipaqpi roble, qataq dolagui ñaqa'en ana netasheguem alapi, qataq na lpa'a'pi anamayepi.