Jueces 11:18 - La'aqtaqa Ñim Lo'onatac 'Enauacna 2013

¹⁸ Huaña nache qaltaq qolaqtalec ye toolec 'alhua, nache qolaqto'oto naua loiguiye ye na'alhua ye edomiitapi qataq ye moabiitapi. Nache co'ollaq seviraxa yem na'alhua ye moabiitapi maye pa'aỹa'ague da nala' lliguisheguem, nache souaqa'a yemaye, yem pa'aỹa'atague da le'ego so tala Arnón. Cha'aye se'eso tala, nache loga't na na'alhua ye moabiitapi ỹoqo'oye saishet da senoxonaxaua'a yemaye.

Jueces 11:18 Referans Kwoze

Números 22:36

Qaq so Balac co'ollaq la'axaỹaxac da anacta so Balaam, nache huaqata'a so huaqta'a't nỹecpi ye Moab, maye naña ye sa qaỹapque so tala Arnón, maye loga't yi'iye 'alhua.

Números 20:22

Qaq 'enauac so Israel le'ecpi ca'ai co'ollaxa ye Cades, nache taỹa añi qasoxonaxa ye Hor,

Deuteronómio 2:9

Huaña, nache Ñim Nataxala' qaltaq aỹem 'enapega 'eeta': ‹Saishet qome da qauloquiaxañi ye moabiitapi, cha'aye yemayepi chegoxoguet so Lot, qaq saishet da qami' sanema catai' laỹolec ye na'alhua yemayepi. Cha'aye Aỹem sanem co'ollaxa da yaqto' lalamaxat yi'iye 'alhua Ar.›»

Deuteronómio 2:18

‹Nagui, nache qaua'axasoxoñiilec ye loga't ye 'alhua Moab, nache qanqo'oñiỹa ye 'alhua Ar,

Deuteronómio 2:24

Qaq ime, nache Ñim Nataxala' qomi' 'enapegalo, 'eeta': ‹Qoqui qome, qaua'axasoxoñiilec ye tala Arnón, cha'aye qami' sanema da qoroxoñiqui ñi Amorreo le'ec Sijón, maye lta'a na netaña ye Jesbón qataq ye na'alhua. Qaq ỹoqo'oye qanoxochiỹaua'a qome ye na'alhua nache qanalaache' ñimaye.