Jueces 11:17 - La'aqtaqa Ñim Lo'onatac 'Enauacna 2013

¹⁷ Nache huo'oi soua qaramaxa'she da nqo'oora so nta'a ye Edom, da yaqto' qomi' ỹasheetema da sa'axasoxonalec ye na'alhua, qalaxaye qomi' sa ỹashenema. Nataqa'en seỹaxanaqot so nta'a ye Moab, qalaxaye nataqa'en somaye saishet da qomi' ỹashenema da sa'axasoxonaxalec ye na'alhua. Qaq ỹoqo'oye nache sonaqaña co'ollaxa ye Cades.

Jueces 11:17 Referans Kwoze

Números 20:1

Qaq so la'auaxanec ca'agoxoic se'eso vi'i, nache so Israel le'ecpi ivita ye toolec 'alhua ye Zin, nache naña co'ollaxa ye Cades. Qaq nache huaña yemaye da ileu aso María, qaq nache qailareña yemaye.

Josué 24:9

Huaña, nache so Balac, som llalec so Sipor, maye nta'a ye Moab, somaye anac co'ollaxa da qami' iloquiaxa'n, qataq somaye damaxasoxona so Balaam, maye llalec so Beor, da yaqto' qami' ỹasaxaleguete ca qauem la'aqtac.

Deuteronómio 2:29

'eeta'am da 'eetec co'ollaxa da qomi' ỹasheetrec na chegoxoguetpi so Esaú maye netaña ye Seír, qataq so moabiitapi maye netaña ye 'alhua Ar, da yaqto' sa'axasoxonaxalec so tala Jordán, nache ishet da senoxonaxaua'a ye 'alhua maye qomi' ỹanema Ñim Nataxala'.›

Deuteronómio 1:46

Qaq ỹoqo'oye ỹataqta qaỹoqtegue da qoñiitaña ye 'alhua Cades.»