Jueces 11:10 - La'aqtaqa Ñim Lo'onatac 'Enauacna 2013

¹⁰ Nache so nqueroxonecpi nataxala'pi, 'eeta': «Ñim Nataxala', ỹataqta hua'aqchigui ñaqa'enaq, da so'otaq qome 'enauac de'era qonapec.»

Jueces 11:10 Referans Kwoze

Jeremías 42:5

Qaq huaña nache somayepi 'enapega so Jeremías, 'eeta': Ñim Nataxala' maye 'Anatamnaxala', nacheñi ñim saq yetaxan qataq 'eesa, da qomi' dataỹa'agueta qom saishet da so'otaq cam 'am ỹanem la'aqtac da qomi' 'aua'aqtaxanema.

Génesis 31:50

Qaq qom ivita ca na'a'q da sa 'auyacna'ape ñeua ỹalel, huo'otaq da 'auaroneguet ca laỹe 'alpi, qaq na'aictaxa da qaica ca qomi' ỹauanguilo, qalaxaye Ñim Lo'onatac 'Enauacna nacheñi ñi qomi' ỹauaachiguilo.»

Jeremías 29:23

Cha'aye soomaye ỹo'o't co'ollaxa da ỹataqta qauem da huaña na Israel: ncachetague' ana lhuapi nam lqaỹañecpi, qataq ỹachegoxotchigui da ỹe'enaxat da ỹa'axat nam saq'enpi maye saishet da samaxalec da ỹa'axat. Aỹem saỹateeta damaye, cha'aye sauaachigui. Qaq 'era da ỹa'aqtac Aỹem Nataxala'.»

Génesis 16:5

Nache aso Saraí, 'enapego' so Abram, 'eeta': «¡'Am maye 'arasouaxashet da ara Agar ỹataqta aỹem ỹe'eetac! Qamaq nachaỹem maye 'am sanem co'ollaxa da 'auauo'o 'arhua, qaq nagui, da aramaye ỹaỹaten da huo'o qome ca llalec, nache aỹem napacapeguelec. ¡Qalaxaye, huo'o Ñim Nataxala' maye ỹa'axat qome negue't ca huo'o ca lasouaxashet da shenaqta, 'am, huo'otaq aỹem!»

2 Corintios 11:31

Qaq Ñim Lo'onatac 'Enauacna maye Lta'a So Qarataxala' Jesús, som taiguet da chochaq tatec da ño'oxonnataguec, Ñimaye ỹaỹateeta da saishet da satenataxaatac.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Zacarías 5:4

Qaq Ñim Nataxala' maye Qaica ca Ỹaqalanapec da la'aqtac, 'eeta': ‹Aỹem ñamaq ne'ena qauem da yaqto' taigui ca lma' ca cachaxaic, qataq ca lma' cam ỹan ca la'aqtac da datenataxangui da ỹe'enaxat. Qaq de'era qauem nache hueta'a qome ca lma' camaye nache ilaxachigui, cañe' naqa'en na l-llecnaxanaxatpi qataq na coma'pi.›»

1 Samuel 24:12

¡Qaq Ñim Nataxala' maiche qomi' nmi't qome, qataq maiche aỹem ỹe'eguelaxateguet qom huo'o ca sasouaxat da qoneta! Qalaxaye aỹem saishet da 'am so'otec ca qauem.

1 Samuel 12:5

Nache so Samuel 'enapeco': Ñim Nataxala' qataq ñim nta'a maye lca'aguishec Ñimaye, qami' ỹauaachiguilo nagui da qaica ca qauloỹalec ỹasouaxashet. Nache somayepi 'enapeco': Aja', nache 'eetec.

Deuteronómio 1:16

Qaq se'eso nataxala'pi maye nmit na nasouaxashetpi sanem co'ollaxa de'era nqataxac, 'eeta': ‹Da qanmiche ca lasouaxashet na shiỹaxauapi, nache 'enauac ca qami' naua'alo na maiche qarhuo'oi le'ecpi qataq nache 'ena'am ca chegaqauecpi maye qami' netaiguilo, nache qauo'ochec ca ỹaỹamaqchiguiñi lataxac,

Éxodo 20:7

Saishet da qaica ca qaỹa'añiỹaigui da qautaqaiỹa da ỹe'enaxat Aỹem Nataxala' maye Qanatamnaxala'ai, cha'aye Aỹem seshet da so'ot ca nhuaxanaguec ca qaica ca ỹanaigui da ỹe'enaxat.

Génesis 31:53

Qaq maiche qomi' nmi't qome Ñim Natamnaxala' so 'arapi' Abraham, qataq som ỹapi' Najor. Qaq huaña, nache so Jacob ỹanot so la'aqtac Ñim Lo'onatac 'Enauacna maye natameetacot co'ollaxa so lta'a Isaac.

Génesis 21:23

Qaq ỹoqo'oye nachena ne'ena souaqta'a nagui, da huaña da 'aỹa'anot ca 'ara'aqtac Ñim Lo'onatac 'Enauacna, da saishet da aỹem 'auo'otec qome ca qauem, qataq na ỹalaqpi, qataq ca aỹem chegoxoguetpi, 'aỹa'an ca 'ara'aqtac da aỹem 'auo'otec cam no'on, 'eeta'am da sheetec co'ollaxa 'am, qataq nataqa'en 'auo'otec cam ỹaỹamaqchiguiñi nam shiỹaxauapi maye hueta'a ne'ena 'alhua maye qonetaña nagui.»

Romanos 1:9

Aỹem so'onataxaatacot Ñim Lo'onatac 'Enauacna. Sa'axattac da no'on na'axaỹaxac maye na'aqtaguec So Llalec. Qaq damaye so'ottac, cha'aye ỹataqta iquiyaqteỹaxac. Ñim Lo'onatac 'Enauacna nataqa'en aỹem ỹaỹaten da, nache 'eetai' da qami' ñeqouagaxaueetaleguete,

Jueces 11:9

Nache so Jefté 'enapeco': Da qansheetaique da she'eguelaq da yaqto' selogui' ye 'amoniitapi, qaq Ñim Nataxala' da aỹem ỹanem da ỹoxonec yemayepi, nache ¿ỹoqta 'eesa da aỹem qarataxala'ai qome?

Miqueas 1:2

Ñaq qana'axaỹaxañiỹa de'era, 'enauac qami' nhuo' le'ecpi, qataq 'enauac qami' shiỹaxauapi maye qoñeetalec ne'ena 'alhua, Ñim Nataxala', maye netaña añi lalamaqte qui'itta atamnaxaqui, nacheñi ñim da'aqtaxan qome da qami' dataỹa'agueta.