Jueces 10:7 - La'aqtaqa Ñim Lo'onatac 'Enauacna 2013

⁷ Ỹoqo'oye Ñim Nataxala' ỹataqta dalemataỹa somayepi, nache ỹaneguet da la'añaxac so filisteopi qataq so 'amoniitapi.

Jueces 10:7 Referans Kwoze

Jueces 2:14

ỹoqo'oye Ñim Nataxala' ỹataqta dalemataỹa so Israel le'ecpi, nache ỹaneguet so cachaxaicpi da yaqto' nhuotta somayepi, qataq so mpa'aguenaxauapi maye maiche lauoreuapi nauec somayepi, nache saishet da dataỹa'aguet.

Nahúm 1:6

Qaq ¿negue'tom cam ishet da nachaateguet da layeloxo Ñimaye? Qataq ¿negue'tom cam ishet da nalota'aguet da layeloxo? Qaq de'era layeloxo Ñimaye 'eeta'am ca norec, qataq da choche nlectelec aca coma' late'erai nache acamaye dolagui.

Nahúm 1:2

Ñim Nataxala' maye Lo'onatac 'Enauacna, Ñimaye ca'alaxanaxaic, qataq ishet da ipalaique lvi', qataq ishet da ipalaique lvi' da dataỹa'aguet nam ipa'agueetacpi Ñimaye, nache sa ỹala'ac da dalemataỹa na npa'aguenaxauapi.

Isaías 50:1

Ñim Nataxala', 'eeta': «¡Saishet qome da qaupicheetega da salat na Israel maye 'eeta'am aca qarachi'i, da sheeta'am ca ỹale da ỹalat aca lhua, huo'otaq da qami' seme'n co'ollaxa da yaqto' qami' nlataqa souaxat da huo'o ca hueto'ot aca ỹavigaxaiste! Maye qami' qaime'n co'ollaxa cha'aye huo'o da qarasouaxashichi, na Israel maye 'eeta'am aca qarachi'i qaỹalat co'ollaxa, cha'aye qami' sa qaualaqai.

Salmos 74:1

'Am Ñatamnaxala', ¿ta'ainco' da qomi' 'auala't? ¿ta'ainco' da ỹataqta 'eroigui da 'aralemataic, da 'aualemataỹa ana qaguetapi maye maiche 'arhuateguishe?

Salmos 44:12

Qataq saqaỹaua'a da 'aumen na 'aralamaxat nhuo' le'ecpi, qataq qaca aca 'araueque da 'aumen namayepi.

Jueces 4:2

Qaq ỹoqo'oye Ñim Nataxala' ỹaneguet somayepi da la'añaxac so Jabín, som nta'a Canaán le'ec maye ilotague' co'ollaxa so huaqta'a't nỹecpi ye Jazor. Qaq so lataxala' so nalleppi, somaye le'enaxat Sísara, somaye naña ye Jaroset Goyín.

Jueces 10:8

Huaña, nache ivi' dieciocho vi'iye da so filisteopi, qataq so 'amoniitapi da sa iyacnapec 'enauac so Israel le'ecpi maye netaña ye Galaad maye pa'aỹa'ague da nala' lliguisheguem so tala Jordán, ye lma' co'ollaxa so amorreopi.

Jueces 6:1

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', ỹoqo'oye Ñimaye huaiguilo nataqa'en soua siete vi'iye da ỹaneguet da la'añaxac so madianiitapi.

Jueces 13:1

Qalaxaye so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala'. Ỹoqo'oye Ñimaye ỹaneguet co'ollaxa somayepi da la'añaxac so filisteopi soua cuarenta vi'iye.