Jueces 10:6 - La'aqtaqa Ñim Lo'onatac 'Enauacna 2013

⁶ Qaq so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala', souaxat da ỹo'oxoreetac so ỹotta'a't ne'enaqtac lqui'ipi so Baal qataq aso Astarté, nataqa'en so natamnaxala'pi so siiriopi, Sidón le'ecpi, moabiitapi, 'amoniitapi qataq so filisteopi. Nache ca'ai Ñim Nataxala', qataq ỹaxaañi da natameetacot Ñimaye.

Jueces 10:6 Referans Kwoze

2 Reyes 23:13

Qataq nlaxaañi so atamnaqa'pi maye na'ague da nala' lliguisheguem ye Jerusalén, qataq so pa'aỹa'ague da la'añaxa aso qasoxonaxa maye huaña ana Olivo, som no'oxoosheguem co'ollaxa so Salomón, maye nta'a ye Israel, da yaqto' lalamaxat lma' aso Astarté, asom ỹataqta nqaigaqte natamnaxalate so sidooniopi, qataq so Quemos, som ỹataqta nqaigaxat natamnaxala' so moabiitapi, qataq so Milcón, som ỹataqta nqaigaxat natamnaxala' so amoniitapi.

1 Reyes 11:33

Cha'aye ñi Salomón Aỹem ca'ai, nache natamnot aso Astarté maye natamnaxalate ye sidooniopi, qataq so Quemós maye natamnaxala' ye moabiitapi, qataq so Milcón maye natamnaxala' ye amoniitapi. Qaq da semeteetac ne'ena ỹo'otpi ñimaye, nache ỹataqta sa saỹamaxaren, cha'aye mashe saishet da ipaguelec na ỹamaxasoxonaxacpi, qataq na iqataxacpi, qaq saq 'ena'am co'ollaxa so lta'a David.

1 Reyes 11:7

Qaq se'esoua vi'iye, nache huaiguilo da so Salomón, ỹanalec aso qasoxonaxa maye pa'aigue da nala' lliguisheguem ye Jerusalén, so atamnaqa' da yaqto' qanatamnot so Quemos, som nqaigaxat lqolac so Moab le'ecpi, qataq so Moloc, som nqaigaxat lqolac so Amón le'ecpi.

1 Reyes 11:5

Qaq nacherata da so Salomón natamnot co'ollaxa aso Astarté, maye natamnaxalate so sidooniopi, qataq so Milcón, som nqaigaxat lqolac so amoniitapi.

Jeremías 2:13

Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.

Salmos 106:36

Qataq natamnot so natamnaxala'pi namayepi, qaq nachera da ỹo'ot da lque'emaxa,

2 Reyes 17:16

Nache ca'ai 'enauac na lamaxasoxonaxacpi Ñim Nataxala' maye Natamnaxala'. Nache ỹo'o't soua dos le'enaqtaqa huaca llalqa maye chegaqaigui na lcat nqachilliguishec, qataq so lqui'i aso Aserá, qataq nataqa'en natamnot 'enauac ana huaqaañipi late'eraipi maye neto'ot na piguem, qataq so Baal.

Jueces 16:23

Qaq huo'o so na'a'q nache so 'amaqtaqaicpi lataxala'pi so filisteopi, ỹo'ot so laponaxac da ỹo'ot so lta'araic lquia'axac da yaqto' ỹo'ot aso lachetaqtaxanaqte da ỹanot so natamnaxala' Dagón. Nache do'onaxaatac, 'eeta': «Ñi qanatamnaxala' qomi' ỹanema da qoroxonec ñi Sansón maye qampa'aguenaxaua.»

2 Crónicas 28:23

Cha'aye ỹanot som lachetaqtaxanaxat som atamnaxala'pi maye naña ye Damasco, maye nacheso som que'emaxam somaye da noxonec. Cha'aye da lhuennataxa somaye 'eeta': «Nam atamnaxala'pi ye Siria, itauan nam nta'alpi yi'iye 'alhua, nache yo'oqta da nataqa'en aỹem itauan da sanot ca ỹachetaqtaxanaxat namayepi.» Qalaxaye somayepi nacheso som chegoqchigui da noxonec somaye qataq 'enauac na Israel le'ecpi.

1 Reyes 16:31

cha'aye qaica ca 'enec naqa'en, da icaachigui da ỹo'ot nam lasouaxashetpi so Jeroboán, maye llalec so Nabat. Qataq ivitta'a da huaroneguet aso Jezabel, asom llale so Etbaal, maye nta'a ye Sidón. Huaña, nache ivira'a da ỹo'oxoreetac, qataq natameetacot so Baal.

1 Samuel 5:2

Ime, nache ỹanaigui aso atamnaxaqui maye netaigui so atamnaxala' Dagón, nache ỹauaxaỹaxaate' se'eso atamnaxala'.

Jueces 13:1

Qalaxaye so Israel le'ecpi qaltaq ỹe'eguelaxalec da ỹo'ot co'ollaxa nam ỹataqta sa ỹaỹamaxaren Ñim Nataxala'. Ỹoqo'oye Ñimaye ỹaneguet co'ollaxa somayepi da la'añaxac so filisteopi soua cuarenta vi'iye.

Jueces 6:1

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', ỹoqo'oye Ñimaye huaiguilo nataqa'en soua siete vi'iye da ỹaneguet da la'añaxac so madianiitapi.

Jueces 4:1

Qaq co'ollaq mashe ileu so Aod, nache so Israel le'ecpi qaltaq ỹe'eguelaxalec da ỹo'ot nam ỹataqta sa ỹaỹamaxaren Ñim Nataxala'.

Jueces 3:7

Qaq so Israel le'ecpi ỹo'ot co'ollaxa nam ỹataqta sa ỹaỹamaxaren Ñim Nataxala', nache icoua'ai Ñimaye nache natameetacot so ỹotta'a't ne'enaqtac lqui'ipi so Baal qataq aso Aserá.

Deuteronómio 32:15

Qalaxaye co'ollaq mashe qaica ca iueetaique na Israel le'ecpi, nache dataỹa'aguet Ñim Lo'onatac 'Enauacna maye lo'onatac namayepi, qataq ỹo'otan naxa Ñim npaxattalec qataq lca'alaxaqui namayepi.

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

Deuteronómio 31:17

Qaq que'eca na'a'q qom yo'oq de'era, nache 'eroigui qome da ỹayeloxo da salemataỹa namayepi, qataq sheca'ai, nache saishet da seqocha'a, qataq soxochiisop da ỹashiguiỹaxac. Qaq huaña qome nache namayepi sa qalaq da noxonec, qataq da nvita na qalota qauemsat, qaq huaña nache choche, 'eetac: ‹¿Chaq ta'ainco' da qomi' nvitalo 'enauac ne'ena qauemsat, peta'a souaxat da mashe saishet da qomi' hueta'agueta Ñim Qanatamnaxala'?›

Josué 13:31

Qataq ye laỹe ye 'alhua Galaad, qataq so huaqta'a't nỹecpi maye ỹotta'a't naua nañalo ye Astarot, qataq ye Edrey. Qaq 'enauac se'eso 'alhuapi taỹot som laỹe so maiche nhuo' le'ecpi maye chegoxoguetpi so Maquir, som llalec so Manasés, nache qanaloqchiichigui ye lcata so lalamaxat llalaqpi somayepi.

Jueces 10:5

Qaq co'ollaq ileu so Yaír, nache qailareña ye Camón.

Jueces 11:24

Qaq taxa da huo'o ca 'am ỹanem ñi 'anatamnaxala' Quemos ¿maye saisheto' da 'auauo'o 'aralamaxat? Qaq ỹoqo'oye nataqa'en qomi', da 'enauac nam qomi' ỹanema Ñim Nataxala' maye Qanatamnaxala', nache qaralamaxat.

Isaías 23:4

Ñaq 'auauo'o da 'ara'agaxa 'am Sidón, cha'aye ana auaxai detaqa, 'eeta': «Mashe qaica co'ollaxa ca ñiqui'ic, mashe saishet co'ollaxa da seco'o. Qataq mashe qaica ca ỹalaqpi da saqchet, qataq aca ỹalepi da sapagaxaguen.»

Ezequiel 27:16

Ye Edom nataqa'en 'am nmeetague' souaxat na qalota 'armenecpi: Qaq nmeneguet naxa naqa'en na 'armenecpi, na coma' maye tocalec, qataq na hualoq laỹe maye lqo'oilaxat na togaxaraic, qataq na hualoq laỹe maye huo'o na leraxatpi, qataq na 'onaxaic lino, qataq na corales qataq na rubíes.

Deuteronómio 13:6

Qaq da huo'otaq anac ca qaralamaxache qarqaỹai, qaỹa'alliqui, qaỹa'alli, qarhuai, huo'otaq ca ỹoqta qanauochaxauai, da nshetaique da qami' ỹatenache't, 'eeta': Qolaq, ñeqo'onaxa ye laỹepi atamnaxala'pi, atamnaxala'pi maye qami' qataq so hua'au qarta'ailpi sa ỹauauanapega,

Deuteronómio 13:8

nache saishet qome da qaualaqaiguet, qataq saishet da qana'axañiỹa. Saishet da qauchoxoreñiitac, huo'otaq da qo'oxocheettapiguiñi,

Jueces 8:33

Qaq co'ollaq mashe ileu so Gedeón, nache so Israel le'ecpi qaltaq ỹe'eguelaxa da nquisheshigui da la'amqaanataxanaxac, nache nañaneguet da natameetacot so ỹotta'a't ne'enaqtac lqui'ipi so Baal, nache somayepi lca'ateua'a da ỹauo'o natamnaxala' so Baal Berit.

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.