Jueces 10:15 - La'aqtaqa Ñim Lo'onatac 'Enauacna 2013

¹⁵ Qalaxaye so Israel le'ecpi 'enapeco': «'Am Nataxala', 'eesa da huo'o da qarasouaxashet. Qaq maiche 'oiqueetac qome cam qomi' 'auataxaateugalo. Qalaxaye ña qomi' 'anqouagueque da qomi' 'ausorec nagui.»

Jueces 10:15 Referans Kwoze

1 Samuel 3:18

Nache so Samuel ỹataqta ỹa'axatta 'enauac na na'aqtacpi, qaica ca ỹoxooñi, nache so Elí 'enapeco': ¡Ñimaye nacheñi Ñim Nataxala'! ¡Qaq maiche ỹoiqueetac qome da ỹo'ot cam ỹaỹamaxareeta Ñimaye!

2 Samuel 15:26

Qalaxaye da mashe saishet da aỹem ỹaỹamaxaren Ñimaye, nache maicheye ca aỹem 'eeta'ac.

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

2 Samuel 24:14

Nache so David ỹasateguet so Gad, 'eeta': «Ỹataqta seqalana'a ca lleca'ateua'a ne'enaua tres. Qalaxaye 'onaxaic da maiche ca qomi' 'eeteque Ñim Nataxala', cha'aye Ñimaye ỹataqta lta'araic da lchoxonnataxanaxa, qalaxaye saishet qome da aỹem loxonec naqa'en na ñepa'aguenaxauapi.»

Josué 9:25

Qalaxaye mashe souaqto'oto naua qarhuaxayilli', qaq maicheye cam qomi' qoñiita'aque.»

Jonás 3:9

Shapegueto' da naralaxat ca lhuennataxac Ñim Lo'onatac 'Enauacna, qataq nmooñi da layeloxo, nache saishet da qomi' ilaxachiguilo.»

2 Samuel 10:12

¡Qaq 'ana'añaxat qome! ¡Ña'añaxataq da seloquiaxalec na qarhuo' le'ecpi, qataq na huaqta'a't nỹecpi maye lalamaxat Ñim Lo'onatac 'Enauacna! Qaq Ñim Nataxala' maiche ỹo'ot qome cam 'eetapeguec.»

Jonás 2:4

Nache tachigui iuel da mashe aỹem 'aualat, qataq sepeta'a da saishet da she'eguelaxa da sootaigui añi 'aralamaqte atamnaxaqui.

Da na'aqtaguec so Job 33:27

Nache ca shiỹaxaua maiche nauattoola't da huo'o da lasouaxashet, nache, 'eeta': «Aỹem huo'o da ỹasouaxashet cha'aye ña'aqchet da ỹaỹamaqchiguiñi nataxac, qalaxaye saishet da qaỹo'ot ca ñeuaxanaguec,

2 Samuel 24:10

Qaq co'ollaq ime aso le'enaxat lmalate se'eso shiỹaxauapi, nache so David ỹataqta huo'o da ntogotaxac, nache da'aqtaxanem Ñim Nataxala', 'eeta': «'Am Nataxala', aỹem, ỹataqta lta'araic da ỹasouaxashet, souaxat da so'ot de'era. Qalaxaye nagui 'onaxaico' da 'auapalaxat de'era ne'enaxac ne'ena 'aramaxashec.»

2 Samuel 12:13

Nache so David, da'aqtaxanem so Natán, 'eeta': Aỹem, huo'o da ỹasouaxashet hueto'ot Ñim Nataxala'. Nache so Natán, 'enapeco': Ñim Nataxala', mashe ỹapalaxat da 'arasouaxashet, qaq saishet da 'aleu qome.

1 Samuel 12:10

Qalaxaye co'ollaq ime de'era, nache somayepi da'aqtaxaatem Ñim Nataxala' da huo'o da ỹasouaxat, cha'aye ca'ai Ñimaye da yaqto' natamnot so ỹotta'a't lqui'ipi so Baal, qataq aso Astarté, nache iỹaxanot Ñimaye da isoueeguesop da la'añaxac so mpa'aguenaxauapi, qataq ỹanot da la'aqtac da nacheñita Ñimaye da queto'ot da ỹo'oxoreetac.

1 Samuel 7:6

Nache so Israel le'ecpi laỹona'to' hua'a ye Mispá, qaq nache huaña yemaye da nqatsheguem so 'etaxat, nache icorec da ỹanot Ñim Nataxala' da 'eco' lachetaqtaxanaqte da ỹanot Ñimaye, qataq ỹataqta nqouaqchet, qataq ỹa'axatta da huo'o da lasouaxashet hueto'ot Ñim Nataxala'. Qaq nache huaña ye Mispá, da so Israel le'ecpi ỹauo'o lataxala' so Samuel.

Isaías 26:16

'Am Nataxala', co'ollaq souaqaigui so qanqui'ic nache 'am ñimitaqaique, qataq 'am seỹaxanaqot co'ollaq qomi' 'auaxaata'ape.