Jueces 10:13 - La'aqtaqa Ñim Lo'onatac 'Enauacna 2013

¹³ Qalaxaye nache 'ena'am Aỹem qoquiỹa'ai co'ollaxa, souaxat da qauo'onataxañiitacot na ỹaqa'a atamnaxala'pi. Qaq ỹoqo'oye saishet da she'eguelaxalec da qami' sesoueeguesopa namayepi.

Jueces 10:13 Referans Kwoze

Jeremías 2:13

Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

Jueces 2:12

Nache ca'ai Ñim Nataxala', Ñim Natamnaxala' so hua'au lta'alpi maye nqateeguesop co'ollaxa ye Egipto, nache ỹataqta nañaneguet da natameetacot so natamnaxala'pi so shiỹaxauapi maye lauoreuapi, nache inogoqchet Ñim Nataxala'.

Jonás 2:8

Qaq nam quetague' na saq 'en atamnaxala'pi, qalaq ỹaxaañi da 'am ỹa'amaqteetac.

Deuteronómio 32:15

Qalaxaye co'ollaq mashe qaica ca iueetaique na Israel le'ecpi, nache dataỹa'aguet Ñim Lo'onatac 'Enauacna maye lo'onatac namayepi, qataq ỹo'otan naxa Ñim npaxattalec qataq lca'alaxaqui namayepi.

Jueces 10:14

¡Qaq ỹoqo'oye qanqo'oñiỹa yi'iye atamnaxala'pi maye qarca'aguishiqui nache qauỹaxañiỹot, yaqto' qami' itaua'n nache qami' isoueeguesopa da qanque'eenaxaqui!»

Jueces 2:19

Qalaxaye naxa da ivita da ileu ñi nataxala', nache somayepi qaltaq ỹe'eguelaxa da ỹo'ot nam ỹataqta qauem, nache napacalec som qauem ỹo'otpi co'ollaxa som hua'au lta'alpi, nache do'onataxaatacot qataq natameetacot so ỹaqa'a atamnaxala'pi. Nache saishet da ỹaxanec na qauem ỹo'ottacpi da chegoqta'ague, qataq dam qauem lataxac.

2 Crónicas 12:5

Qaq huaña nache so na'aqtaxanaxanec Semaías, nqo'oneua'a so Roboán qataq som nataxala'pi ye Judá, maye lapoota'a't co'ollaxa hueta'a ye Jerusalén, souaxat de'era ỹo'ot so Sisac, nache 'eeta': Ñim Nataxala' 'enapec ye qami' qoquiỹa'ai Ñimaye, qaq ỹoqo'oye Ñimaye qami' ca'aisalo nagui, nache qami' ỹanegueta da lhuaqỹaxac so Sisac.

2 Crónicas 15:2

nache somaye hueqata'aguet co'ollaxa so Asa, nache 'eeta': «'Am Asa, qataq qami' Judá le'ecpi, qataq qami' Benjamín le'ecpi, ña aỹem qana'axaỹaxañiỹa: Ñim Nataxala', qami' hueta'agueta da qanmichiỹaique Ñimaye, qaq da qoquiỹa'ai, qalaq nataqa'en Ñimaye qami' ca'aisalo qome.

2 Crónicas 21:10

Huaña co'ollaxa nache so Edom le'ecpi ishet da nỹotec da huesoueeguesop da la'añaxac ye Judá, nache ivitta'a nagui. Qaq nache huaiguilo co'ollaxa se'esoua na'axa'te da nataqa'en so lma' ye Libna da nỹotec, cha'aye souaxato' da so Jorán, ca'ai Ñim Nataxala' maye Natamnaxala' so hua'au lta'alpi.

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.