Jueces 10:11 - La'aqtaqa Ñim Lo'onatac 'Enauacna 2013

¹¹ Nache Ñim Nataxala' 'enapeco': «Co'ollaq qami' sa iyacna'ape na Egipto le'ecpi, amorreopi, 'amoniitapi, filisteopi,

Jueces 10:11 Referans Kwoze

Jueces 3:31

Qaq so nmeneguet co'ollaxa so Aod, le'enaxat Samgar, som llalec so Anat. Somaye ỹalauat so seiscientos filisteopi, irota'a aso logorai na'araxanaqte maye lo'o da qaỹo'orelec na nauegaxanaxala'pi huacapi. Nache so Samgar nataqa'en nca'alaxatec co'ollaxa so Israel le'ecpi.

Éxodo 14:30

Qaq 'era da 'eetec se'eso na'a'q da Ñim Nataxala' nca'alaxateeguesop so Israel le'ecpi da lamaxasoxonaxac so Egipto le'ecpi. Nache so Israel le'ecpi ỹataqta ỹauaachigui so leuaxaicpi Egipto le'ecpi da naỹoxoosheguem, hueto'ot so loigue aso auaxai.

Hebreos 11:29

So Israel le'ecpi nataqa'en huo'o da lpi'iỹaxac Ñim Lo'onatac 'Enauacna, ỹoqo'oye ishet da ỹa'axasoxoolec aso auaxai togaxarai, 'eeta'am naqa'en da deqaqtelec. Qalaxaye so Egipto le'ecpi co'ollaq huotaique da ỹa'axasoxoolec nataqa'en asomaye, nache 'enauac da 'ogaxaicpi.

1 Samuel 12:8

Qaq so Jacob co'ollaq inoxoneua'a ye Egipto, nache ye egipciopi ỹataqta sa nañaxaasheguem co'ollaxa so hua'au qarta'ailpi, nache somayepi iỹaxanot co'ollaxa Ñim Nataxala', nache Ñimaye ỹamaq so Moisés qataq so Aarón da yaqto' nqateeguesop ye Egipto, nache ỹanalec ne'ena 'alhua.

Números 21:35

Qaq 'era da 'eetec co'ollaxa so Israel le'ecpi da ỹalauat so Og, qataq so llalaqpi, qataq 'enauac so nalleppi. Nache ỹataqta qaica ca no'onaxatañi da nca'altauec naqa'en, nache ỹacona so na'alhua somayepi.

Jueces 2:12

Nache ca'ai Ñim Nataxala', Ñim Natamnaxala' so hua'au lta'alpi maye nqateeguesop co'ollaxa ye Egipto, nache ỹataqta nañaneguet da natameetacot so natamnaxala'pi so shiỹaxauapi maye lauoreuapi, nache inogoqchet Ñim Nataxala'.

Jueces 3:28

Nache so Aod 'enapega somayepi, da ca'ategue somaye cha'aye Ñim Nataxala' ỹanem da loxonec so moabiitapi maye mpa'aguenaxauapi somayepi. Nache so Israel le'ecpi ca'ategue somaye, nache nqo'ona da nauan som ñeguetapi da qotaitague da le'ego so Jordán maye taỹa'a ye Moab, nache qaica ca ỹashenem da quegue se'eso ñeguetapi.