Jueces 10:10 - La'aqtaqa Ñim Lo'onatac 'Enauacna 2013

¹⁰ Huaña nache so Israel le'ecpi iỹaxanot Ñim Nataxala' da yaqto' itauan somayepi nache, 'eeta': «'Am Qanatamnaxala', qomi' huo'o da qarasouaxashet 'am hueto'ot, cha'aye 'am qolqa'ai, souaxat da so'onataxanaqtacot na ỹotta'a't ne'enaqtac lqui'ipi so Baal.»

Jueces 10:10 Referans Kwoze

1 Samuel 12:10

Qalaxaye co'ollaq ime de'era, nache somayepi da'aqtaxaatem Ñim Nataxala' da huo'o da ỹasouaxat, cha'aye ca'ai Ñimaye da yaqto' natamnot so ỹotta'a't lqui'ipi so Baal, qataq aso Astarté, nache iỹaxanot Ñimaye da isoueeguesop da la'añaxac so mpa'aguenaxauapi, qataq ỹanot da la'aqtac da nacheñita Ñimaye da queto'ot da ỹo'oxoreetac.

Salmos 107:28

Qalaxaye co'ollaq huo'o da lachetataic somayepi, nache iỹaxanot Ñim Nataxala' nache Ñimaye nqateeguesop da laquicoxo,

Salmos 107:19

Qaq co'ollaq huo'o da lachetataic nache iỹaxanot Ñim Nataxala', nache Ñimaye nqateeguesop da laquicoxo.

Salmos 107:13

Qaq co'ollaq huo'o da lachetataic nache iỹaxanot Ñim Nataxala', nache Ñimaye nqateeguesop da laquicoxo,

Jueces 3:9

Huaña nache somayepi ỹataqta nachoxoreetacot Ñim Nataxala', nache Ñimaye ỹo'ot da huo'o so nachaañi shiỹaxaua da yaqto' nca'alaxatec somayepi. Qaq somaye, nacheso so Otoniel, maye llalec so Cenaz, som lqaỹa na'asa so Caleb.

Jueces 10:9

Qaq nataqa'en so 'amoniitapi ỹa'axasoxoolec so tala Jordán da yaqto' delogui' so maiche nhuo' le'ecpi maye chegoxoguetpi so Judá, Benjamín qataq so Efraín. Nache so Israel le'ecpi ỹataqta sa la'axaic da lhuogoxo.

1 Samuel 7:6

Nache so Israel le'ecpi laỹona'to' hua'a ye Mispá, qaq nache huaña yemaye da nqatsheguem so 'etaxat, nache icorec da ỹanot Ñim Nataxala' da 'eco' lachetaqtaxanaqte da ỹanot Ñimaye, qataq ỹataqta nqouaqchet, qataq ỹa'axatta da huo'o da lasouaxashet hueto'ot Ñim Nataxala'. Qaq nache huaña ye Mispá, da so Israel le'ecpi ỹauo'o lataxala' so Samuel.

Jeremías 2:27

Cha'aye naxa da detaxaỹot na 'epaq laỹe nache, 'eeta': ‹'Am maye 'am ita'a›, qataq naxa da detaxaỹot na coma' nache, 'eeta': ‹'Am maye 'am ỹate'e.› Qaq Aỹem qalaq aỹem iro'oguet naxa na l-laq, nache saishet da aỹem ỹamato'ot. Qalaxaye naxa da chochaq cara'acolec da huaigui da lchec, nache aỹem detaxaỹot, 'eeta': ‹¡Ña 'auanac da qomi' 'anca'alaxatrec!›

Jueces 4:3

Huaña nache so Israel le'ecpi ỹataqta nachoxoreetacot co'ollaxa Ñim Nataxala' da yaqto' itauan, cha'aye so Jabín ivi' novecientos aso laigonapi lcat nalaataxaquipi, qaq mashe ivi' soua veinte vi'iye da ỹataqta sa iyacnapec so Israel le'ecpi.

Jueces 6:6

Nache ỹataqta lta'araic da lachoxoyec so Israel le'ecpi souaxat so madianiitapi, ỹoqo'oye ivitta'a da nachoxoreetacot Ñim Nataxala' da yaqto' itauan somayepi.