Jueces 1:35 - La'aqtaqa Ñim Lo'onatac 'Enauacna 2013

³⁵ Qaq ỹoqo'oye so amorreopi nache netalec añi qasoxonaxa Heres, Ayalón qataq ye Sagalbín, qalaxaye som maiche nhuo' le'ecpi maye chegoxoguetpi so José, co'ollaq mashe 'añaxaicpi, nache ỹamaxalec da desheetenaxaatac naqa'en so amorreopi.

Jueces 1:35 Referans Kwoze

Josué 19:42

Sagalbín, Ayalón, Jetla,

Jueces 12:12

Qaq co'ollaq ileu somaye, nache qailareña ye Ayalón, ye maiche na'alhua som lauo' le'ecpi somaye.

Josué 10:12

Qaq co'ollaq mashe ime da Ñim Nataxala' ỹaneguet da lhuaqỹaxac so Israel le'ecpi se'eso amorreopi, nache so Josué 'enapega Ñim Nataxala', hua'aqchigui naqa'en so nhuo' le'ecpi, 'eeta': «'Am nala', 'avi'iiguet qom huaña ye Gabaón. 'Am ca'agoxoic, 'avi'iiguet qom huaña ye ca'amegue ye Ayalón.»

1 Reyes 4:9

qaq so Ben Decar, ilotague' so netaña ye Macás, Sagalbín, Bet Semes, Elón qataq ye Bet Janán,

Jueces 1:34

Qaq so amorreopi qalaq ỹo'orauec co'ollaxa so maiche nhuo' le'ecpi maye chegoxoguet so Dan, nache icaatac iviraxatta'a aye qasoxonaxapi, nache sa ỹashenem da huenoteeguesop aye qasoxonaxapi da yaqto' naña yem nalochiguiñi 'alhua.

Jueces 1:36

Qaq so loga't so lma' so amorreopi, nache chegoqchiguiña so ñiguisheguem ye Acrabin, nache ivitta'a ye Selá, qataq taỹasheguema na pa'asheguem.

1 Reyes 9:21

qataq som chegoxoguetpi somayepi maye no'onalec se'eso 'alhua, maye so Israel le'ecpi sa ỹañoxot co'ollaxa da nmatchiguiñi da ỹalauat, nache so Salomón ỹamaxalec somayepi na no'onatac maye ỹataqta qapa'atta, qaq choche ivitta'a nagui.

Josué 19:43

Elón, Timnat, Ecrón,