Jueces 1:30 - La'aqtaqa Ñim Lo'onatac 'Enauacna 2013

³⁰ Qaq so maiche nhuo' le'ecpi maye chegoxoguetpi so Zabulón, nataqa'en sa ỹañoxot co'ollaxa da ỹo'orauec so Canaán le'ecpi maye netalec ye Quitrón, qataq ye Nalal, ỹoqo'oye so Canaán le'ecpi nache netaña yemaye, nache ỹalecta'aguet somayepi, na'aictaxa da choche desheetenaxaatac qanqa'en.

Jueces 1:30 Referans Kwoze

Josué 19:15

Qaq 'eso so doce huaqta'a't nỹecpi maye ỹotta'a't naua nañalo, qataq so lauoreuapi nma'piolec maye huaigui se'eso 'alhua, nache ỹalectauo ye: Catat, Nalal, Simerón, Idala qataq ye Belén.

Génesis 49:15

Co'ollaq ila'a so 'alhua da ỹataqta 'onaxaic qataq ỹaỹamaqchiguiñi da mataqa', nache ica'amaxachigui na l-laq da ỹache so lla'ac, nache qaica ca la'aqtac da nañaneguet da nlatac.

Jueces 1:29

Qaq so maiche nhuo' le'ecpi maye chegoxoguetpi so Efraín, nataqa'en sa ỹañoxot co'ollaxa da ỹo'orauec so Canaán le'ecpi maye netaña ye Guézer, ỹoqo'oye se'eso Canaán le'ecpi, nache netaña yemaye nache ỹalecta'aguet somayepi.

Jueces 1:31

Qaq so maiche nhuo' le'ecpi maye chegoxoguetpi so Aser, nataqa'en sa ỹañoxot co'ollaxa da ỹo'orauec so Canaán le'ecpi maye netalec ye Aco, Sidón, Ajlab, Aczib, Jelba, Afec qataq ye Rejob,