Jueces 1:20 - La'aqtaqa Ñim Lo'onatac 'Enauacna 2013

²⁰ Qaq so Caleb qalaq taỹot ye Hebrón, ipacchigui da la'aqtac co'ollaxa so Moisés, nache so Caleb ỹo'oldauec soua tres llalqa so Anac, som logoraic shiỹaxaua.

Jueces 1:20 Referans Kwoze

Jueces 1:10

Nataqa'en iloquiaxan so Canaán le'ecpi maye netaña ye Hebrón, yem le'enaxat co'ollaxa da Quiriat Arbá. Qaq huaña yemaye da noxonqa soua Sesay, Ajimán qataq so Talmay.

Deuteronómio 1:36

Qaq nachesota qome so Caleb, maye llalec so Yefune da inoxoneua'a yi'iye 'alhua. Nache ca pelec 'alhua sanem qome somaye qataq ca chegoxoguetpi da yaqto' lalamaxat. Cha'aye somaye ỹataqta ỹalaxaguet Ñim Lo'onatac 'Enauacna.›»

Números 14:24

Qalaxaye so ỹamaxashec Caleb, maye huaỹoqtec da lataxac, qataq ỹataqta Aỹem ỹalaxaguet. Nachesota qome da sasheeteua'a da inoxoneua'a yi'iye 'alhua maye taỹa co'ollaxa da imeten, qataq ca chegoxoguetpi, nache nalec qome yemaye.

Números 13:22

Qataq quetelec co'ollaxa soomaye ye Néguev, nache ivitta'alo ye Hebrón. Qaq yemaye nache netañalo co'ollaxa soua Ajimán, Sesay qataq so Talmay maye chegoxogueta so Anac. Qaq yi'iye huaqta'a't nỹecpi ye Hebrón, nache 'eetai' da mashe huo'o, qaq co'ollaq inoxoorec soua siete vi'iye, nache cheta'ague da qano'oxoosheguem so huaqta'a't nỹecpi ye Soán maye huaigui ye Egipto.

Josué 10:36

Ime nache ca'ai ye Eglón da yaqto' nqo'ona da iloquiaxan so huaqta'a't nỹecpi ye Hebrón.

Josué 11:21

Nataqa'en se'eso na'a'q so Josué deuotaxanec qataq ỹataqta nlaxatchiguiñi 'enauac so huaqta'a't nỹecpi maye lma' so anaquiitapi maye nalec aye qasoxonaxapi ye Hebrón, Debir, Anab, qataq 'enauac aye qasoxonaxapi maye ỹotta'a't nam naña ye Judá qataq ye Israel.

Josué 14:15

Qaq da hua'auchiguiñi le'enaxat co'ollaxa ye Hebrón, Quiriat Arbá maye naigui da «Lma' so Logoraic Shiỹaxaua», cha'aye de'era ne'enaxat Arbá, nache le'enaxat so hua'au lta'a so anaquiitapi, so shiỹaxauapi maye logoraicpi qataq 'amaqtaqaicpi. Qaq co'ollaq ime de'era, nache 'enauac se'eso 'alhuapi huo'o da nlagaxayec.