Jueces 1:19 - La'aqtaqa Ñim Lo'onatac 'Enauacna 2013

¹⁹ Qaq Ñim Nataxala', itauaatac co'ollaxa so nhuo' le'ecpi maye chegoxoguetpi so Judá, nache somayepi loxonec co'ollaxa ye 'alhuapi maye hualec aye qasoxonaxapi, qalaxaye sa ỹañoxot da ỹo'orauec som nañapi ye nalochiguiñi 'alhua, cha'aye somayepi huo'o aso nalaataxaqui laigonapi lcat.

Jueces 1:19 Referans Kwoze

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Salmos 60:12

Qaq de'era ltaunaxanaxac Ñim Lo'onatac 'Enauacna, ỹo'ot da lta'araic na so'otaqpi, cha'aye Ñimaye huetaiya' naqa'en, na qampa'aguenaxauapi.

Jueces 1:2

Nache Ñim Nataxala' ỹasategueto' somayepi nache 'enapeco': «Nam chegoxoguetpi so Judá, nachena nam hua'auñi da deloqui cha'aye mashe sanem yi'iye 'alhua.»

Filipenses 4:13

So Cristo aỹem ỹami' da ỹa'añaxac da yaqto' ñala'aguet da sataỹa'aguet 'enauac nam sevireguet.

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Isaías 8:10

Da huo'o ca qalapaqaiñi lataxac qalaq saishet da ipaigui, qataq da qaỹa'añi ca qara'aqtaqui qalaq saishet da qaỹo'ot, cha'aye Ñim Lo'onatac 'Enauacna qomi' hueta'agueta.

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

Eclesiastés 9:11

Qataq huo'o da lỹa sela'a ana'ana 'alhua, da saishet da nachena nam qayaqaicpi na dauegaxan da qomitaxac, qataq saishet da nachena nam 'añaxaicpi nam dauegaxan da huo'o ye alaataxac. Qataq da saishet da nache 'eetai' naxa da deque'etai' nam ỹaanaxanaxaicpi, qataq nam ỹaanataxanaxaicpi da nache hueto'ot da lsallaxa, qataq nam sanqalaate' da ltaxaỹaxac saishet da qaỹaỹamaxatta da qaỹaconeguet. Cha'aye 'enauac namayepi da huo'o ye na'a'q da nvita da no'on qataq da qauem.

Salmos 46:11

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

Salmos 46:9

Ñimaye vi'iiguet naqa'en da alaataxac, ivira'a na alaataxac maye huañalo naua loga'te ana 'alhua, qataq huacaigui naqa'en na nchecnecpi qataq ana taquiaxaipi, qataq ỹasaxangui na norec ana naigonapi.

Salmos 46:7

¡Ñim Nataxala' maye Qaica ca Ỹaqalanapec, qomi' hueta'agueta! ¡Ñim Natamnaxala' so Jacob nacheñi ñi qaye'eguenaxala'!

2 Reyes 18:7

Nache Ñim Nataxala' ỹataqta hueta'aguet somaye, ỹoqo'oye 'enauac nam ỹo'otpi somaye ỹataqta ỹaỹamaqchiguiñi. Qaq so Ezequías, dataỹa'aguet co'ollaxa so nta'a ye Asiria, nache saishet da ỹalaxaguet somaye.

2 Samuel 5:10

Nache so David nquictauec da la'añaxac, cha'aye Ñim Nataxala' maye Qaica ca Ỹaqalanapec ỹataqta hueta'aguet somaye.

Josué 14:12

Qaq ỹoqo'oye nagui aỹem 'anem ne'ena 'alhua maye huaigui ana qasoxonaxapi maye aỹem ỹachaxanapeguem co'ollaxa se'eso na'a'q Ñim Nataxala'. Qataq nale'ena da 'auaỹateetac da na chegoxoguetpi so shiỹaxaua logoraic maye le'enaxat Anac netaña namaye, qataq na lalamaxat huaqta'a't nỹecpi ỹataqta qanpaxattaua'a. Qalaxaye aỹem huo'o da ñaquitaxac da Ñim Nataxala' aỹem nnaictague' qataq aỹem itaunec da yaqto' sañoxot da so'orauec yemayepi, da yaqto' ipacchigui da la'aqtac Ñimaye.»

Josué 7:12

Ỹoqo'oye na Israel le'ecpi saishet qome da dataỹa'aguet na mpa'aguenaxauapi, nda'a't da dataueeguesop qome namayepi, cha'aye namayepi nachena na pa'aiguet da ỹataqta 'enauac qailaxachigui. Qaq ỹoqo'oye da sa qaulaxachiigui na nhuotaxanaxat maye qami' huetanguilo, nache Aỹem saishet da nache 'eetai' da qami' soota'agueta.

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Josué 1:5

Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.

Génesis 39:21

qalaxaye nache 'ena'am Ñim Nataxala' hueta'aguet somaye, qataq nache queto'ot da ỹachaxaatega da lauotaxanaqtaic, qataq ỹo'ot da so ilotague' aso ncoñetaxanaxaqui ỹauotec somaye,

Génesis 39:2

Qalaxaye Ñim Nataxala' hueta'aguet co'ollaxa so José, qaq ỹoqo'oye ỹataqta ỹaỹamaqchiguiñi 'enauac nam ỹo'otpi, co'ollaq hueta'a so lma' so na'aco' Egipto le'ec.

Josué 6:27

Qaq Ñim Nataxala' ỹataqta hueta'aguet so Josué, ỹoqo'oye da llo'oxoyec somaye imattalec se'eso 'alhua maye qanayeetalec.

Jueces 4:3

Huaña nache so Israel le'ecpi ỹataqta nachoxoreetacot co'ollaxa Ñim Nataxala' da yaqto' itauan, cha'aye so Jabín ivi' novecientos aso laigonapi lcat nalaataxaquipi, qaq mashe ivi' soua veinte vi'iye da ỹataqta sa iyacnapec so Israel le'ecpi.

Jueces 4:13

nache somaye laỹona't aso novecientos laigonapi lcat alaataxaqui, qataq so nalleppi, nache nnaicapegue' so nalleppi da chegoqchiguiña ye Jaroset Goyín da nqo'ona so la'auaxac Cisón.

1 Samuel 18:5

Qaq so Saúl naxa da ỹamaq so David da delogui' so filisteopi, nache somaye loxonec naxa somayepi. Ỹoqo'oye so Saúl nache ỹanem somaye da lataxala' so nalleppi. Qaq de'era ỹataqta ỹaỹamaxareeta 'enauac so alleppi, qataq so laỹepi lataxala'pi so nalleppi so Saúl.

1 Samuel 18:12

Huaña nache so Saúl, ỹataqta ñi'iỹa so David, cha'aye ỹaỹaten da somaye hueta'aguet Ñim Nataxala', qaq so Saúl qalaq ỹaỹaten da mashe qanayeca'ai.

1 Samuel 18:14

Nache so David loxonec naxa 'enauac so l-loquiaxauapi, cha'aye Ñim Nataxala' itauaatac somaye.