Jueces 1:16 - La'aqtaqa Ñim Lo'onatac 'Enauacna 2013

¹⁶ So chegoxoguetpi so Hobab maye queniita, som lacho' so Moisés, somayepi chegoqchiguiña co'ollaxa ye huaqta'a't nỹecpi maye le'enaxat Chaisat, nache lỹatec so maiche nhuo' le'ecpi maye chegoxoguetpi so Judá da nqo'ona ye toolec 'alhua ye Judá, maye pa'aỹa'ague da la'añaxa ye Arad, da yaqto' nache naña, nache lauoreuapi som shiỹaxauapi maye lma' yemaye.

Jueces 1:16 Referans Kwoze

Jueces 4:11

Qaq ye saqaỹapeque ye Cedes, maye naña aso encina ye Saanaim, nache netaña so lpe'l so Jéber, som queniita maye ca'ai so laỹepi queniitapi maye chegoxoguetpi so Hobab, som lacho' so Moisés.

1 Samuel 15:6

qalaxaye hua'auñi da ỹamaxa da la'aqtac so queniitapi, da 'enapega 'eeta': Qami' qauaỹamaxacheeta co'ollaxa na Israel le'ecpi co'ollaq chegaqa'a ye Egipto, ỹoqo'oye qoquiỹa'ai qome na amaleciitapi. Qauataiuec qome yaqto' saishet da qaualliquiitaigui namayepi qom ñematchiguiñi. Nache so queniitapi ca'ai co'ollaxa so amaleciitapi.

Deuteronómio 34:3

qataq ye Néguev, qataq ye nalochiguiñi 'alhua, qataq ye ca'amapega't ye Jericó, qataq ye huaqta'a't nỹecpi ye chaisat, ivitta'a ye Sóar.

Números 21:1

Qaq so nta'a Canaán le'ec maye ilotague' na netaña ye Arad, somaye netaña ye Néguev, qaq co'ollaq la'axaỹaxac da so Israel le'ecpi nateuga ye Atarín, nache ca'ata'aguet da iloquiaxan somayepi, nache huo'oi soua loxonqa.

Jueces 3:13

Qaq ỹoqo'oye so Eglón, naỹamaxate' co'ollaxa so 'amoniitapi qataq so 'amalequitapi da yaqto' huaxaiguet, nache jec da iloquiaxan so Israel le'ecpi, nache deuotaxanec so huaqta'a't nỹecpi maye le'enaxat Chaisat.

Jueces 4:17

Nache so Sísara co'ollaq petañi da datauec, nache ivitta'a so lpe'l aso Yael, asom lhua so Jéber, som queniita, qaq cha'aye so Jabín, som nta'a ye Jazor, somaye nhuoteete' so lalamaxat lauo' le'ecpi so Jéber.

Jeremías 35:2

«'Anqo'ona qome ye lma' na recabitapi, nache 'autaxaỹapegue' qome yemayepi. Ime, nache 'auauegueua'a ca 'oonolec na ndaqa'pi añi atamnaxaqui, nache 'aỹa'anem ca lataxa da yaqto' nỹomgui.»

2 Crónicas 28:16

Qaq nache huaiguilo se'esoua na'axa'te da so nta'a Ajaz, ỹamaxa so nta'a ye Asiria, so ltaxaỹaxanaxanecpi da iỹaxanaique ca ntaunaguec somaye,

1 Crónicas 2:15

qaq so lỹa Osén qaq so lỹa David.

Josué 12:14

so nta'a ye Jormá, qataq so nta'a ye Arad,

Éxodo 18:27

Qaq co'ollaq ime, nache so Moisés ncoyeguene' so lacho', nache somaye ỹe'eguelaxa ye na'alhua.

Éxodo 18:12

Ime, nache so Jetro ỹacona so shiguiỹac, nache ỹavigaxat, ỹauo'o lachetaqtaxanaqte da ỹanot Ñim Lo'onatac 'Enauacna, nataqa'en huo'o aso lỹa lachetaqtaxanaqte. Ime, nache anac so Aarón qataq 'enauac so lqueroxonecpi so Israel le'ecpi, anac da qanhuana'ai' so lacho' so Moisés da qaỹo'oxoren Ñim Lo'onatac 'Enauacna.

Éxodo 18:7

Nache so Moisés jec da ca'atta'aguet so lacho'. Qaq co'ollaq ivireguet, nache ỹa'aldoto naua l-llecte somaye. Ime, nache napigoxoi'. Qaq co'ollaq ime da nquiitega't, nache tareua'a so npe'l.

Éxodo 18:1

Nache so Jetro maye lacho' so Moisés, som ltaxaỹaxanaxanec na netaña ye Madián, somaye la'axaỹaxac 'enauac na ỹo'otec Ñim Lo'onatac 'Enauacna so Moisés, qataq so lalamaxatpi Israel le'ecpi, nataqa'en la'axaỹaxac da 'eetec Ñim Nataxala' co'ollaq nqateeguesop somayepi ye Egipto.

Éxodo 4:18

Nache so Moisés ỹe'eguelaxa ye netaña so lacho' Jetro. Nache 'enapego', 'eeta': «Aỹem she'eguelaxa ye Egipto yem netaña cam ỹalamaxatpi ỹaqaỹañecpi. Sauotaique da semeenaxana da huo'otaq ñaq huo'o camayepi.» Nache so Jetro 'enapeco': «Aja', 'aue, qojec, qataq qaica ca da qome da 'icỹaxac.»

Éxodo 3:1

Huo'o so na'a'q nache so Moisés ilotague' aso lalo qaguetapi so lacho' Jetro, maye ntaxaỹaxanaxanec ye Madián. Nache so Moisés ỹo'orelec aso qagueta da taỹa ye toolec 'alhua, qaq nache ivitta'a añi qasoxonaxa maye le'enaxat Horeb maye lalamaqte Ñim Lo'onatac 'Enauacna.

Mateo 3:1

Qaq co'ollaq mashe qaỹoqteguelo soua vi'iye, nache so nachelaxanataxanaq le'enaxat Juan tauga da da'aqtaxaatapeguelec ye toolec 'alhua maye huaigui ye Judea.

Jueces 1:15

Nache asomaye 'enapeco': «Qomye ñeshetaique da 'auauo'o ca aỹem 'anem laỹe 'alhua, cha'aye mashe sogote da aỹem 'aỹa'anem ye 'alhua maye huaña ye toolec 'alhua ye Néguev, qalaxaye nagui aỹem 'aỹa'anem taxa nataqa'en ye 'alhua maye huaña na npaxaatasheguem 'etaxat.» Nache so Caleb ỹanem aso llale Acsa ye 'alhua maye huaña na npaxaatasheguem 'etaxat maye naña ye qaỹoqotcheguemec 'alhua, qataq ye pa'aguiñi.

1 Samuel 27:10

Nache so Aquis inattac naxa somaye, 'eeta': «¿Chaq hua'ague ca qoueta'ague so na'a'q da 'anhuottac na shiỹaxauapi?» Nache so David 'enapec naxa: «Qomye 'era pa'aỹa'ague da la'añaxa ye Judá, qataq da pa'aỹa'ague da la'añaxa ye Yeramel, qataq da pa'aỹa'ague da la'añaxa ye na'alhua ye queniitapi.»

1 Samuel 30:29

Racal, qataq so netaigui ye huaqta'a't nỹecpi ye Yeramel, maye lalamaxat so queniitapi,

Deuteronómio 34:4

Nache Ñim Nataxala', 'eeta': «'Ena nam 'alhua maye sachaxanapeguem co'ollaxa so Abraham, Isaac, qataq so Jacob da yaqto' sanem nam chegoxoguetpi. Qaq 'am sachaxana namaye da 'auallelec, qalaxaye saishet da 'anoxoneua'a qome.»

Josué 18:21

Qaq 'ena nam huaqta'a't nỹecpi maye taỹot da lalamaxat qanqa'en so llalaqpi so maiche nhuo' le'ecpi maye chegoxoguetpi so Benjamín: Jericó, Bet Joglá, Émec Quesís,

1 Crónicas 2:55

qataq som lauo' le'ecpi som soferiitapi maye netaña co'ollaxa ye Jabés, som le'enaxat tirateopi, simateopi qataq som sucateopi. Qaq somayepi nacheso som queniitapi maye chegoxoguet so Jamat, som lta'a so Bet Recab.