Jueces 1:15 - La'aqtaqa Ñim Lo'onatac 'Enauacna 2013

¹⁵ Nache asomaye 'enapeco': «Qomye ñeshetaique da 'auauo'o ca aỹem 'anem laỹe 'alhua, cha'aye mashe sogote da aỹem 'aỹa'anem ye 'alhua maye huaña ye toolec 'alhua ye Néguev, qalaxaye nagui aỹem 'aỹa'anem taxa nataqa'en ye 'alhua maye huaña na npaxaatasheguem 'etaxat.» Nache so Caleb ỹanem aso llale Acsa ye 'alhua maye huaña na npaxaatasheguem 'etaxat maye naña ye qaỹoqotcheguemec 'alhua, qataq ye pa'aguiñi.

Jueces 1:15 Referans Kwoze

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

Hebreos 6:7

Qaq de'era, na shiỹaxauapi 'eeta'am ca 'alhua. Nam ỹa'amaqteetac So Cristo 'eeta'am ca 'alhua maye taleguete naua lta'araiqa auo'oche, ime, nache huo'o da no'on alaỹaxac na lañiguishec cam danaxaatac. Qaq Ñim Lo'onatac 'Enauacna ỹaalec da nqouagaxa.

2 Corintios 9:5

Qaq ỹoqo'oye ỹaỹamaqchiguiñi ñaqa'en da sama'q soua qarqaỹa't da hua'auyiñi da qami' nqo'onalo da yaqto' soomaye ishet da qami' itaua'n da qalapoñiỹa't aca qarachetaqtaxanaqche maye maiche qauachaxañiỹapec co'ollaxa. Huaña, nache qami' qauachaxañi da ỹataqta qanasapacheetelec da qauo'ocheetac damaye, qataq huetaigui da qarsoxoyiqui qataq saishet da choche qami' qaỹamaqtaleguete.

1 Samuel 25:27

Qaq nagui 'onaxaic da 'auaconeguet ne'ena ỹachetaqtaxanaxat nallec da yaqto' 'aỹa'anoigui na 'aramaxashecpi maye 'annaictague'.

1 Samuel 25:18

Nache aso Abigaíl ỹataqta sa ỹaỹaloxon da laỹona't aso doscientos nauole 'ayiiña, qataq soua dos lo'oc maye laỹe' so lataxa, qataq soua cinco qagueta nauole, qataq cuarenta kilos aso ntoñiguishe ala na nañiguishec, qataq cien aso nqaxaỹaqta uva, qataq doscientos aso nauolepi maye lalegue ala ana hiigo nqaxaỹaqta. Nache 'enauac somayepi ỹasaxalec so 'ashenapi.

Génesis 33:11

Qaq ỹoqo'oye 'am ñachoxonnot da 'auaconeguet nam 'anmepi maye 'am ñerota'a, cha'aye Ñim Lo'onatac 'Enauacna ỹo'ot da aỹem sallaxanec, nache qaica ca seueetaique.» Qaq so Jacob, ye ỹataqta ỹe'eguelaqto'ot somaye, nache so Esaú ivitta'a da ỹaconeguet so nmepi,

Josué 15:19

Nache asomaye 'enapeco': «Qomye ñeshetaique da 'auauo'o ca aỹem 'aỹa'anem laỹe 'alhua, cha'aye mashe sogote da aỹem 'aỹa'anem ye 'alhua maye huaña ye toolec 'alhua ye Néguev, qalaxaye nagui no'on taxa da aỹem 'aỹa'anem nataqa'en ye 'alhua maye huaña na npaxaatasheguem 'etaxat.» Nache somaye ỹanem co'ollaxa aso llale Acsa so 'alhua maye huaña na npaxaatasheguem 'etaxat maye naña ye qaỹoqotcheguemec 'alhua, qataq ye pa'aguiñi.

Jueces 1:14

Qaq co'ollaq mashe yaqta'a da je'c soomaye, nache so Otoniel 'enapega aso Acsa, da dequiguiỹo'ot so lta'a da yaqto' huo'o ca ỹanema laỹe 'alhua da yaqto' lanaxanaqa'. Nache aso Acsa huenoteeguesop so lalo 'ashena, nache so Caleb inat asomaye, 'eeta': «¿Negue't ca qonetapeguec?»

Jueces 1:16

So chegoxoguetpi so Hobab maye queniita, som lacho' so Moisés, somayepi chegoqchiguiña co'ollaxa ye huaqta'a't nỹecpi maye le'enaxat Chaisat, nache lỹatec so maiche nhuo' le'ecpi maye chegoxoguetpi so Judá da nqo'ona ye toolec 'alhua ye Judá, maye pa'aỹa'ague da la'añaxa ye Arad, da yaqto' nache naña, nache lauoreuapi som shiỹaxauapi maye lma' yemaye.