Jueces 1:13 - La'aqtaqa Ñim Lo'onatac 'Enauacna 2013

¹³ Qaq som loxonec se'eso huaqta'a't nỹecpi, qalaq nacheso so Otoniel, som llalec so Cenaz, som na'asa lqaỹa so Caleb. Nache so Caleb ỹanem co'ollaxa somaye da lhua naqa'en aso llale Acsa.

Jueces 1:13 Referans Kwoze

Jueces 3:9

Huaña nache somayepi ỹataqta nachoxoreetacot Ñim Nataxala', nache Ñimaye ỹo'ot da huo'o so nachaañi shiỹaxaua da yaqto' nca'alaxatec somayepi. Qaq somaye, nacheso so Otoniel, maye llalec so Cenaz, som lqaỹa na'asa so Caleb.

Josué 15:16

Huaña, nache 'enapeco': «Cam ishet da iloquiaxan qataq loxonec ye Quiriat Séfer, nache aỹem sanem qome camaye da ỹauo'o lhua añi ỹale Acsa.»

Josué 15:17

Qaq som loxonec se'eso huaqta'a't nỹecpi nacheso so maiche lasoshec somaye, som le'enaxat Otoniel, som llalec so lqaỹa Cenaz. Nache so Caleb ỹanem co'ollaxa somaye da lhua naqa'en aso llale Acsa.

Jueces 1:12

Qaq nache huaña co'ollaxa da so Caleb, ỹachaxanapec aso llale Acsa, da lhua naqa'en cam ỹañoxot da iloquiaxan qataq loxonec ye Quiriat Séfer.