Jueces 1:10 - La'aqtaqa Ñim Lo'onatac 'Enauacna 2013

¹⁰ Nataqa'en iloquiaxan so Canaán le'ecpi maye netaña ye Hebrón, yem le'enaxat co'ollaxa da Quiriat Arbá. Qaq huaña yemaye da noxonqa soua Sesay, Ajimán qataq so Talmay.

Jueces 1:10 Referans Kwoze

Josué 14:15

Qaq da hua'auchiguiñi le'enaxat co'ollaxa ye Hebrón, Quiriat Arbá maye naigui da «Lma' so Logoraic Shiỹaxaua», cha'aye de'era ne'enaxat Arbá, nache le'enaxat so hua'au lta'a so anaquiitapi, so shiỹaxauapi maye logoraicpi qataq 'amaqtaqaicpi. Qaq co'ollaq ime de'era, nache 'enauac se'eso 'alhuapi huo'o da nlagaxayec.

Números 13:22

Qataq quetelec co'ollaxa soomaye ye Néguev, nache ivitta'alo ye Hebrón. Qaq yemaye nache netañalo co'ollaxa soua Ajimán, Sesay qataq so Talmay maye chegoxogueta so Anac. Qaq yi'iye huaqta'a't nỹecpi ye Hebrón, nache 'eetai' da mashe huo'o, qaq co'ollaq inoxoorec soua siete vi'iye, nache cheta'ague da qano'oxoosheguem so huaqta'a't nỹecpi ye Soán maye huaigui ye Egipto.

Jeremías 9:23

Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

Eclesiastés 9:11

Qataq huo'o da lỹa sela'a ana'ana 'alhua, da saishet da nachena nam qayaqaicpi na dauegaxan da qomitaxac, qataq saishet da nachena nam 'añaxaicpi nam dauegaxan da huo'o ye alaataxac. Qataq da saishet da nache 'eetai' naxa da deque'etai' nam ỹaanaxanaxaicpi, qataq nam ỹaanataxanaxaicpi da nache hueto'ot da lsallaxa, qataq nam sanqalaate' da ltaxaỹaxac saishet da qaỹaỹamaxatta da qaỹaconeguet. Cha'aye 'enauac namayepi da huo'o ye na'a'q da nvita da no'on qataq da qauem.

Jueces 1:20

Qaq so Caleb qalaq taỹot ye Hebrón, ipacchigui da la'aqtac co'ollaxa so Moisés, nache so Caleb ỹo'oldauec soua tres llalqa so Anac, som logoraic shiỹaxaua.

Números 13:33

Qataq seloqta'a nataqa'en yem logoraicpi maye chegoxoguet so Anac. Nache da ñaloqnaxaguet da qarataxac yemayepi, nache ỹataqta qomi' qapio'olqa, shenaqta'am ana shiiquioxoi, qaq 'era da 'eetec da qomi' ilota'alo yemayepi.

Génesis 23:2

nache ileu, huaña ye Quiriat Arbá, maye da lỹa le'enaxat Hebrón, huaigui ye 'alhua Canaán. Nache so Abraham nỹeeteguelec co'ollaxa aso Sara, qataq ỹo'ot da lasouaxac.

Génesis 37:14

Nache so Israel, 'enapeco': «Hua', qojec qome, da yaqto' 'auaỹaten ca 'eetec caua 'arqaỹa't, qataq aca qaguetapi, qaq ime qome, nache 'añe'eguelaq da 'andoi' ca ỹa'axaỹaxac.» Nache so Israel ỹamaq so José, chegoqchiguiña naqa'en so ca'amegue ye Hebrón. Qaq so José co'ollaq ivita ye Siquén,

Josué 10:36

Ime nache ca'ai ye Eglón da yaqto' nqo'ona da iloquiaxan so huaqta'a't nỹecpi ye Hebrón.

Jueces 1:9

Huaña qaltaq nqo'ona da iloquiaxan so Canaán le'ecpi maye nalec aye qasoxonaxapi, maye huaigui ye Néguev qataq ye nalochiguiñi 'alhua.