Jueces 1:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe ileu so Josué, nache so Israel le'ecpi inat co'ollaxa Ñim Nataxala', da chaq negue't ca hua'auñi se'eso maiche nalamaxat nhuo' le'ecpi da iloquiaxan so Canaán le'ecpi.

Jueces 1:1 Referans Kwoze

Jueces 20:18

Qaq so Israel le'ecpi nqo'ona co'ollaxa ye Betel, yem huaña da inat Ñim Lo'onatac 'Enauacna, 'eeta': ¿Chaq negue't ca hua'auñi da iloquiaxan na maiche nhuo' le'ecpi maye chegoxoguet so Benjamín? Nache Ñim Nataxala' 'enapeco': Qomye hua'auñi nam Judá le'ecpi.

Números 27:21

Qalaxaye so Josué taua'a qome so ntaxaỹaxanaxanec Eleazar da yaqto' somaye ichemaxata Aỹem chegoqchigui so Urim. Yaqto' ca la'aqtac so Josué da ỹamaq na Israel le'ecpi da jec, qataq da ñe'eguelaxauo, nacheca ca ỹalaxaguet qome namayepi da ỹo'ot.

Jueces 20:28

Qaq so Finés, som llalec so Eleazar qataq laual so Aarón, nacheso som ilotague' asomaye. Nache qainat, qoỹeeta': ¿Peta'a qolaqto'ot da seloquiaxanaq ye qarqaỹañicpi maye chegoxoguetpi so Benjamín, qalqo' ñañaxanaxañi? Nache Ñim Nataxala', 'enapeco': Ỹoltaq qavi'iguelaqailec da qauloquiaxañi, cha'aye qonte' nache qami' sanema qome da qoroxoñiqui yemayepi.

Jueces 1:27

So maiche nhuo' le'ecpi maye chegoxoguetpi so Manasés, qalaq sa ỹañoxot co'ollaxa da ỹo'orauec so netalec ye Bet Seán, Tanac, Dor, Ibleam qataq ye Meguido, qataq som lauoreuapi nma'piolec, qaq so Canaán le'ecpi nache netalec se'esoua nma'ate.

Éxodo 28:30

Nache que'eca ntogue lapoxot qaỹacherangui qome ca Urim qataq ca Tumim. Ỹoqo'oye iuen da netaleguete ana ltogue so Aarón da taua'a ca lanataqa' Ñim Nataxala'. Cha'aye caamaye nachecaua caua chegoqchiguilo qome da qaỹaỹaten ca 'eetapeguec Ñim Nataxala'.»

Jueces 2:21

Qaq nagui nache saishet da ỹauaachigui ñaqa'en da so'orauec na ỹotta'a't shiỹaxauapi maye netalec ne'ena 'alhua, maye so Josué sa ỹañoxot da ỹo'orauec co'ollaq ña nca'altauec.

Éxodo 18:15

Nache so Moisés 'enapeco': «Qomye ne'ena shiỹaxauapi anac aỹem naua'a, cha'aye huotaique da nnate' Ñim Lo'onatac 'Enauacna.

Jueces 2:8

Qaq so Josué, maye llalec so Nun, som lamaxashec Ñim Nataxala', ileu co'ollaq mashe ivi' soua ciento diez vi'iye da nachaalataxac.

Jueces 2:9

Nache qailareña ye maiche lalamaxat na'alhua maye naña ye Timnat Seraj, maye nalec añi qasoxonaxapi ye Efraín, maye pa'aỹa'ague da sheu' añi qasoxonaxa Gaas.

Jueces 20:23

Cha'aye so Israel le'ecpi hua'auñi co'ollaxa nỹeeto'ot Ñim Nataxala', qataq inat da qaltaq delogui' peta'a so maiche lqaỹañecpi maye chegoxoguetpi so Benjamín. Nache Ñim Nataxala' 'enapega somayepi da naỹamaxat da qaltaq delogui' somayepi.

Jueces 20:27

Huaña, nache inat Ñim Nataxala'. Qaq se'eso na'a'q, aso arca maye laỹe' so naỹamaxataxac Ñim Lo'onatac 'Enauacna netaña ye Betel.

1 Samuel 10:22

qaq ỹoqo'oye qaltaq qainat Ñim Nataxala', da yaqto' qaỹaỹaten da ỹalectauo so Saúl. Nache Ñim Nataxala' ỹa'axat da so Saúl ỹalectauo', qalaxaye nqañoxottaigui so ña'acpi.

1 Reyes 22:5

Qalaxaye aỹem 'anqouaguec da hua'auñi da 'auchemaxata ca la'aqtac Ñim Nataxala'.