Juan 9:7 - La'aqtaqa Ñim Lo'onatac 'Enauacna 2013

⁷ Nache 'enapega somaye, 'eeta': –'Aue qome, 'anỹo, 'anqo'onaxaama añi laỹe' na 'etaxat le'enaxat Siloé. Nache se'eso qanamaic jec da nỹo. Qaq co'ollaq ñe'eguelaq, nache nauaachiguiñi.

Nuevo Testamento Toba Sur

⁷ Nachi 'enapega somayi, 'eeta': –'Aue qome, 'anÿo, 'anqo'onaxaama añi laÿi' na 'etaxat l'enaxat Siloé –de'eda n'enaxat Siloé naigui da Namaxashic. Nachi se'eso qanamaic jec da nÿo. Qaq co'ollaq ñi'iguelaq, nachi nauaachiguiñi.

Nuevo Testamento Toba Sombrero Negro

⁷ Qama'le yamaq, enaac: —Oc, auec'ataĝajo'ma jañe'me noĝop lae't jo'ne lenaĝat da'me Siloé (jo'ne yeloteguet “da'me namaĝajec”) qama'le aviyo'y naa'me at'ae'te. Qama'le ga'me qanam male yec'ataĝajo'ma qaedi napi'l, qama'le mane'e ca'li 'niyelaq male yaqanatet da'me neloye.

Juan 9:7 Referans Kwoze

Isaías 35:5

Qaq huaña nache nam qanamaicpi qaltaq nauaachiguiñi qome, qataq nam sa hua'aqapi qaltaq hua'aqa qome,

Juan 11:37

Qalaxaye huo'o na laỹepi 'eeta': –De'era ỹale, ishet da co'ollaxa da nauaañi naqa'en so qanamaic, qalaq ¿taloxocheyectoxo' da saq huo'o ca 'eetec damaye, da yaqto' sa ipaca'aguet naqa'en da l-leuaxa ye Lázaro?

Juan 9:11

Nache somaye 'enapeco': –Som ỹale maye le'enaxat Jesús, Somaye ỹo'ot so nshaxa. Ime, qaq ỹa'ameeleguete naua ỹa'ai'te. Nache Aỹem 'enapega, 'eeta': «'Anqo'onaxaama qome añi laỹe' na 'etaxat, le'enaxat Siloé, nache 'anỹo.» Nache Aỹem ashec, qaq can ime da ñeỹo, nache ishet da ñauaañi.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Isaías 8:6

«Qaq cha'aye ne'ena shiỹaxauapi ye ỹataqta ñi'iỹa ñi Resín qataq ñi llalec so Remalías, nache namayepi sa iyacnapec na 'etaxat maye ỹataqta npottac da queta da taỹaua'a añi 'etaxat laỹe' Siloé.

Salmos 146:8

Ñim Nataxala', ỹo'ot da nauaachiguiñi nam sa nauaañipi, Ñim Nataxala', nauaxaỹaxaasheguem nam huetaiya'pi, Ñim Nataxala' ỹauotec nam shiỹaxauapi maye no'on da lataxac,

Lucas 13:4

¿Qaupi'itaxañiitega peta'a da se'eso dieciocho, maye ileu co'ollaq hua'axañi aso naue maye naña ye Siloé, da somayepi talec de'era, cha'aye ỹoqta ỹapactec da lasouaxashet qaq saq 'ena'am na laỹepi maye netaña ye Jerusalén?

Isaías 42:7

Sauotaique da nauaañi 'anqa'en na qanamaicpi, qataq 'ausoueeguesop ana ncoñetaxanaxaquipi na ncoñeteguishecpi, qataq na ncoñeteguishecpi maye huetaigui na napalaxa.

Nehemías 3:15

Qaq so salum, som llalec so Coljozé, maye ilotague' ye Mispá, no'oxoosheguem so lasom aso 'etaxat laỹe', ime, nache ỹauo'o so lapo' so pa'asheguem qataq ỹanauo so lasompi qataq aso lvinaxatpi qataq so la'axasoxotpi. Nataqa'en ỹaỹamaxaañi so npaqtaxanaxat maye chegoqchiguiña aso 'etaxat laỹe' le'enaxat Siloé, maye huaqta'ai' so lanaxanaqa' so nta'a, qataq nache ivitta'a so piaxala'pi maye taỹaña so huaqta'a't nỹecpi maye lalamaxat.

Éxodo 4:11

Nache Ñim Nataxala' 'enapega, 'eeta': «¿Chaq negue't ca ỹauo'o na alap ca shiỹaxaua? ¿Qataq chaq negue't ca chegoqchigui da qaicaua naua la'aqtaqa ca shiỹaxaua, huo'otaq da da'añaigui na lqaic, huo'otaq da sa nauaañi, huo'otaq da nauaachiguiñi? ¿Peta'a sa nachaỹemo'?

Gálatas 4:4

Qaq co'ollaq ivita so na'a'q maye laloqnec Ñim Lo'onatac 'Enauacna, nache namaq So Llalec da nañaxatoigui naqa'en aso 'alo, qataq quetelec na namaxasoxonaxacpi maye ỹo'ottac na judiopi.

Romanos 8:3

Qaq Ñim Lo'onatac 'Enauacna ỹo'ot co'ollaxa dam saishet da ỹañoxot da ỹo'ot nam namaxasoxonaxacpi maye chegoqo'ot so Moisés, cha'aye qaica ca ilo'ogue da lqopitaxanaqtaic da ỹo'ot nam qauem. Nache Ñim Lo'onatac 'Enauacna namaxalec co'ollaxa ana 'alhua so lalamaxat Llalec, qaq Somaye ỹataqta 'ena'ama qomi' da qarqalviaxa, qataq da qañe'eguenataguec. Qaq Ñim Lo'onatac 'Enauacna namaxalec ana 'alhua Somaye da yaqto' qomi' ileualeguete souaxat na qaye'etaxaloxo. Qaq nache chegoqchigui Somaye da Ñim Lo'onatac 'Enauacna, nlaxaañi da la'añaxac da ñe'etaxaloxo.

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

Juan 9:39

Ime, nache So Jesús 'enapeco': –Aỹem ñanaỹa ana 'alhua, da sami' da nauaañi nam saq nauaañipi, qaq nam 'eetega da nauaachiguiñipi qalaq sanauaañi ñaqa'en. Qaq 'era da sheetec da ñimit 'enauacna.

Lucas 2:32

Namaye nachena na ncoỹaraxanaqte, maye icoỹarelec 'enauac na shiỹaxauapi, qataq namaye nache llo'oxoyec nam 'aralamaxatpi maye Israel le'ecpi.»

Isaías 43:8

Ña qaua'aqaita'a da anac nam ỹalamaxat nhuo' le'ecpi, maye huo'oi naua la'ai'te qalaxaye sanauaañi, qataq huo'oi naua ltela lauaco qalaxaye sa hua'aqa.

Isaías 32:3

Qaq camayepi ỹataqta nlotec qome, qataq ỹataqta lhuotta da na'axaỹaxana ca ntaxaỹaxac.

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.