Juan 9:35 - La'aqtaqa Ñim Lo'onatac 'Enauacna 2013

³⁵ Qaq So Jesús la'axaỹaxac da qaỹamaqauec som qanamaic co'ollaxa. Nache nmitaique, qaq co'ollaq nauane', nache 'eetega, 'eeta': –¿'Am peta'a 'aua'amaqten So Llalec Ñim Lo'onatac 'Enauacna?

Nuevo Testamento Toba Sur

³⁵ Qaq so Jesús l'axaÿaxac da qaÿamaqhuec som qanamaic co'ollaxa. Nachi co'ollaq nauane', nachi 'eetega, 'eeta': –¿'Am peta'a 'au'amaqten so llalec ñi Dios?

Nuevo Testamento Toba Sombrero Negro

³⁵ Mane'e ca'li Jesús dip'iyeya ñe'me qanam da'me joote qoyamaĝaye qama'le ca'li male yauana ñe'me qanam qama'le yenat joñe'me: —Da'me am, ¿qo'li auep'iya'a ñe'me Jiyaĝaua Lec'oĝot?

Juan 9:35 Referans Kwoze

Juan 20:31

Qalaxaye de'era qoỹiyiñi, damaye qoỹiyiñi, yaqto' qami' ishet da qaua'amaqchiñi da So Jesús, nacheso Som Lca'aguishec Ñim Lo'onatac 'Enauacna maye maiche Llalec, qataq yaqto' qami' ishet da huo'o da qarca'alaqai chochaq tatec da qaua'amaqchiñi Somaye.

1 Juan 5:13

Shiyiñi de'era da qami' samaxalo, qami' maye qaua'amaqchiñiitac So Llalec Ñim Lo'onatac 'Enauacna, yaqto' qauaỹaañita da qami' huo'o da qarca'alaqai chochaq tatec.

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

1 Juan 5:10

Da sepi'iỹaqa'a So Llalec Ñim Lo'onatac 'Enauacna, huaña, nache sa'amaqtenaq dam ỹa'axattac Ñim Lo'onatac 'Enauacna. Qalaxaye nam saishet da ỹa'amaqten Ñim Lo'onatac 'Enauacna, nache 'eeta'am naqa'en da tenataxanaxaic Ñimaye, cha'aye saishet da ỹa'amaqten dam la'aqtaxanaxac Ñim Lo'onatac 'Enauacna co'ollaq ỹa'axattac So Llalec Jesucristo.

1 Juan 5:5

Cam ỹa'amaqten So Jesús da llalec Ñim Lo'onatac 'Enauacna, nache camaye nauec na lataxacpi ana 'alhua qataq na qauemsat.

1 Juan 4:15

Da huo'o ca shiỹaxaua da ỹa'amaqten So Jesucristo da Llalec Ñim Lo'onatac 'Enauacna, qaq que'eca shiỹaxaua qataq Ñim Lo'onatac 'Enauacna ỹataqta na'atta'a't, 'eeta'am da 'oonolec.

Romanos 10:20

Ime, qataq so Isaías ỹataqta qaica ca lyiỹaxac co'ollaq ỹiyiñi da la'aqtac Ñim Lo'onatac 'Enauacna maye 'eeta': Nam saishet co'ollaxa da Aỹem nmittaique, qalaq Aỹem ỹanata, qataq ñachaxana na shiỹaxauapi maye saishet co'ollaxa da Aỹem denataxaataique.

Hechos 9:20

Qaq co'ollaq ime de'era, nache so Saulo da'aqtaxaatapoigui ana napaxaguenaxaquipi na judiopi, ỹa'axattac So Jesús da nacheso So Llalec Ñim Lo'onatac 'Enauacna.

Hechos 8:36

Qaq co'ollaq ivitra som huaña da huo'o na 'etaxat, nache se'eso ỹale maye 'amaqtaqaic 'enapeco': –Ne'ena huo'o na 'etaxat, qaq ¿negue'to' ca iqalaatac da saishet da aỹem 'anachelaxan?

Juan 20:28

Nache so Tomás 'enapeco': –¡'Am Ỹataxala' qataq 'am Ita'a maye 'Aro'onatac 'Enauacna!

Juan 11:27

Nache asomaye 'enapeco': –Aja', 'am Nataxala'. Aỹem sa'amaqten da nache 'am Lca'aguishec qataq 'am Llalec Ñim Lo'onatac 'Enauacna maye 'am qaỹa'axatta'aguet co'ollaxa da 'auanaỹa ana 'alhua.

Juan 6:69

Qomi' mashe sogote da 'am sa'amaqtenaq, qataq saỹaanaqta da nache 'am Lca'aguishec qataq 'am Llalec Ñim Lo'onatac 'Enauacna maye nache 'eetai' da nca'altauec.

Juan 5:14

Qaỹata'ague co'ollaxa de'era, nache So Jesús ilalec somaye huaigui aso no'onaxanaxaqui late'erai, nache 'enapego', 'eeta': –Nagui da mashe 'am no'oita, qaq no'on da saishet da qaltaq huo'o 'anqa'en ca 'arasouaxashet, yaqto' saishet da 'avira'aguet ca ỹapac qauem.

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 1:34

Qaq aỹem mashe sauaachigui Namaye, nache sa'axattac da Namaye, nachena na Llalec Ñim Lo'onatac 'Enauacna.

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Marcos 1:1

'Era da 'eetec da na'aqtaguec co'ollaq cheta'ague da qaỹa'axat da no'on na'axaỹaxac maye ỹa'axat da llec So Qarataxala' Jesucristo maye Llalec Ñim Lo'onatac 'Enauacna, qataq Lca'aguishec Ñimaye.

Mateo 16:16

Nache so Simón Pedro 'enapeco': –Qomye nache 'am maye 'am Lca'aguishec qataq 'am Llalec Ñim Lo'onatac 'Enauacna maye nca'altauec, qaltaq chegoqo'ot da nca'alaxa.

Mateo 14:33

Nache 'enauac so netangui aso nllocta, ỹa'aroto naua l-llectel So Jesús, nache 'eeta': –¡Ỹoqta 'eesa, da nache 'am maye 'am Llalec Ñim Lo'onatac 'Enauacna!

Salmos 27:10

Qaq na'aictaxa ca ita'a qataq aca ỹate'e da aỹem ỹala't, qalaxaye 'am Nataxala' aỹem 'aulotague'.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

Salmos 2:7

Qaq aỹem sa'axatec qome da lhuennataxac Ñim Nataxala', cha'aye Ñimaye aỹem 'enapega, 'eeta': «'Am, nache 'am ỹalec, aỹem 'am seco'oic na na'a'q.

Mateo 4:3

Nache nvi' so pa'aguenataxanaxaic da ỹe'eguen Somaye. Nache 'enapego', 'eeta': –Da ỹoqta 'eesa da 'am Llalec Ñim Lo'onatac 'Enauacna, qaq no'on qome da nañigui nauole 'ayiiña 'anqa'en ne'ena coma'pi.

Juan 9:22

Qaq 'enapec de'era soua lta'al, souaxat da ñe'etrega na lataxala'pi na judiopi, cha'aye namayepi mashe nasachigui da saishet da ỹalegoigui naqa'en nam tategueua'a aso napaxaguenaxaqui nam judiopi, 'enauac nam ỹa'amaqten qataq 'eetega da So Jesús, nacheso So Lca'aguishec Ñim Lo'onatac 'Enauacna.

Juan 9:34

Nache somayepi 'enapego' somaye, 'eeta': –'Am maye ỹataqta 'ananacteueegue' da 'am 'etaxaloxoic, ¿qaq huotaique da qomi' 'auapaxague'n? 'Am mashe sa 'am seuenaq da 'aualectaigui nam nategueua'a ana qanapaxaguenaxaqui.

3 Juan 1:10

Qaq ỹoqo'oye qom qami' ñamaqtegalo, nache ỹataqta shenapega camaye, cha'aye qauema naua ltaxaỹaxaco da qomi' detaqtegalo. Qataq saishet da nachaqrata damaye nataqa'en saishet da ỹaconeguet na quetague' So Cristo maye ỹaqa'a ca chegaqa'ague. Qaq da huo'o ñim huotaique da ỹaconeguet namayepi ca lma' qalaq saishet da ỹashenem, qataq ỹamaqauec da ca'ai naqa'en na 'amqaanataxanaxaicpi.

Hechos 8:37

[Nache so Felipe 'enapego' somaye, 'eeta': Da ỹataqta imauec da 'arquiyaqteỹaxac da 'aua'amqaanataxan nache ishet da 'am ñachelaxan. Nache se'eso ỹale 'enapeco' aỹem sa'amaqten da so Jesucristo nacheso so Llalec Ñim Lo'onatac 'Enauacna.]