Juan 9:29 - La'aqtaqa Ñim Lo'onatac 'Enauacna 2013

²⁹ Cha'aye qomi' saỹaanaqta da Ñim Lo'onatac 'Enauacna, detaqtague' co'ollaxa so Moisés. Qaq se'eso ỹale, qomi' saishet da saỹaanaq cam chegaqa'ague.

Nuevo Testamento Toba Sur

²⁹ Cha'ayi qomi' saÿajnaqta da so Moisés detaxaÿapegue' co'ollaxa ñi Dios; qaq se'eso shiÿaxaua, qalaxayi qomi' sa ishit da chochi saÿajnaq cam chigaqa'ague.

Nuevo Testamento Toba Sombrero Negro

²⁹ Chane'eja nach'e ena'am da'me qo'mi jayatenaq da'me Dios dojapegue' di'me Moisés ca'li, qalaĝaja jojo' jiyaĝaua qamqa'me ja jayatenaq ga'me jo'ne mach'e chiyoĝogue.

Juan 9:29 Referans Kwoze

Juan 8:14

Nache So Jesús 'enapeco': –De'era ỹa'aqtaxanaxac, damaye ỹataqta 'eesa, na'aictaxa da huo'otaq Aỹem maiche ña'axattapeguela't. Cha'aye saỹateeta ye sachegoqchiguiña, qataq dam sata'ague. Qami', qalaxaye saishet da qauaỹaañi.

Hechos 26:22

Qalaxaye souaxat da ltaunaxanaxac Ñim Lo'onatac 'Enauacna da sheeta, ỹoqo'oye nagui ñaq shecta da sa'axattapeguem Ñimaye 'enauac na shiỹaxauapi, sa'aqtaxanem na choxoraq qataq na sallaxanecpi. Qaq saishet da huo'otaq ỹaqa'a ca ỹa'aqtaxanaxac da sa'aqtaxan. Nachaqrata da sa'axattac da la'aqtaxanaxac som hua'au la'aqtaxanaxanecpi Ñim Lo'onatac 'Enauacna qataq so Moisés da qaỹa'axatta'aguet cam naỹa'acna.

Hechos 22:22

Huaña, nache tachiguiña da saishet da qana'axaỹaxana. Nache so shiỹaxauapi ỹataqta ỹa'alaqtagui, 'eeta': –¡No'on da qaỹalauat de'era ỹale! ¡Saishet da nache 'eetai' da nca'altauec!

Hechos 7:35

Qaq na'aictaxa co'ollaxa somayepi da ỹo'otan so Moisés, nache 'eetega, 'eeta': «¿Negue't ca 'am ỹanagui da 'am qarataxala', qataq da yaqto' 'anmit ca huo'o ca lasouaxashet?» Qalaxaye Ñim Lo'onatac 'Enauacna ỹachegoxotchigui so lamaxashec Ñimaye maye nachaxana so Moisés co'ollaq huaigui aso qo'oipaqole, da lataxala' naqa'en qataq da isouec na Israel le'ecpi.

Juan 9:24

Nache na lataxala'pi na judiopi, qaltaq ỹe'eguelaxalec da iỹaxaneuga so ỹale maye qanamaic co'ollaxa. Nache 'eetega, 'eeta': –Nagui qomi' 'aua'aqtaxaatema cam ỹataqta 'eesa, ỹauaachigui 'anqa'en Ñim Lo'onatac 'Enauacna. Cha'aye qomi' saỹaanaqta da se'eso ỹale, Somaye 'etaxaloxoic.

Juan 9:16

Nache se'eso fariseopi 'eeta': –Se'eso ỹale maye ỹo'ot de'era, Somaye saishet da chegoqtot Ñim Lo'onatac 'Enauacna, cha'aye saishet da huo'o ca ỹanaigui ye na'a'q mataxaqui. Qalaxaye huo'o na 'eeta': –¿Hua'ago' ca 'eetec da ishet da ỹo'ot de'era na'anec maye sa qaỹauanapega, da huo'otaq Somaye 'etaxaloxoic? Huaña, nache colaxagui da lhuennataxac se'eso shiỹaxauapi.

Juan 7:27

Qalaxaye qomi' saỹaanaqta da chegaqa'ague damaye. Cha'aye qom ivita da nvi' que'eca Lca'aguishec Ñim Lo'onatac 'Enauacna, qalaq qaica ca ishet da ỹaỹaten ca chegaqa'ague.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Lucas 23:2

Huaña, nache somayepi ỹauo'o na ỹasaqteguelec da 'eetega lasouaxashet Somaye, 'eeta': –Qomi' selaqalec de'era ỹale da ỹataqta taỹa't naqa'en na qarhuo' le'ecpi. Qataq 'eetega da saishet da sesheetenaq ñi lta'a na nta'alpi maye netaña ye Roma, qataq 'eetega da nachera dam Lca'aguishec Ñim Lo'onatac 'Enauacna.

Mateo 26:61

Qaq choche ivitta'a da huo'oi soua dos ỹale't da 'ena'apo': «De'era ỹale 'eetega ishet da ilaxachigui añi no'onaxanaxaqui late'erai maye lalamaqte Ñim Lo'onatac 'Enauacna, qaq da qaltaq no'oxoosheguem, nache tres na'axa'te, nache imat.»

Mateo 12:24

Qalaxaye huo'o nam ỹalectaigui na fariseopi co'ollaq hua'axaỹa na shiỹaxauapi, nache 'eeta' da lhuennataxac: «De'era Jesús ỹo'ottapeguec na saqcha'a na'añaxac leguemaxaicpi maye netaigui na shiỹaxauapi, cha'aye so Beelzebú maye lataxala' nam saqcha'a na'añaxacpi nacheso so ỹami' da la'añaxac damaye da yaqto' ỹo'ot de'era.»

Malaquías 4:4

Qantoñeeta'aque qome, naua iqataxaco maye sanema co'ollaxa so ỹamaxashec Moisés, co'ollaq huaña añi qasoxonaxa Horeb, naamaye nachenaua na llapaxayiñi lataxaco, qataq ỹamaxasoxonaxaco da yaqto' 'enauac na israel le'ecpi iuen da ỹalaxaleguete.

Salmos 106:16

Qaq co'ollaq hueta'a so nmataqa' somayepi, nache nquiỹa so Moisés qataq so Aarón maye iỹotauga Ñim Nataxala'.

Salmos 105:26

Huaña nache Ñim Lo'onatac 'Enauacna ỹamaq so lamaxashec Moisés qataq so Aarón maye lca'agui'she co'ollaxa,

Salmos 103:7

Da llecỹaxac Ñimaye ỹachaxana co'ollaxa so Moisés, qataq nam ỹo'otpi co'ollaxa Ñimaye ỹachaxana so Israel le'ecpi.

Salmos 22:6

Qalaxaye aỹem choche aỹem qoche'l, qaq saishet da aỹem shiỹaxaua, na shiỹaxauapi qalaq choche aỹem ỹe'eetac.

2 Reyes 9:11

Qaq so Jehú, co'ollaq tauga da qaltaq dataiguet so ltauapi, nache somayepi inato' somaye, 'eeta': ¿Ta'ainco', peta'a huo'o ca machaqca? ¿Negue't ca 'eetapeguec se'eso huo'o da aloic? Nache so Jehú 'enapeco': Qami', mashe qauauattoñi mque' somaye, qataq da lataxac naua la'aqtaqa.

1 Reyes 22:27

Nache qoñiỹapegalo caamaye da maiche ỹa'aqtac da qaỹapoua'a, qoỹanaigui aca ncoñetaxanaxaqui, qataq da qaiquia'axan, nache ndotec aca nauole, qataq 'etaxat ca qoỹaata'am, ivitta'a qom qaltaq ye'eguelaq da qaica cara, da ñachaalataxac.

Deuteronómio 34:10

Qaq nache chegoqchiguiña co'ollaxa da qaica ca lỹa na'aqtaxanaxanec ye Israel da 'eeta'am so Moisés, da ishet da datata'aguet da na'aqtaxaatague' Ñim Nataxala',

Números 16:28

Nache so Moisés qaltaq 'enapec: Nagui nache qauaỹachiñiita da Ñim Nataxala' nacheñi Ñim aỹem ỹamaxalec da so'ot 'enauac de'era, qaq saishet da so'ot ca maiche sheetapeguec.

Juan 7:28

Qaq co'ollaq hua'aqchigui de'era So Jesús maye dapaxaguenataxaatapoigui aso no'onaxanaxaqui late'erai, nache ỹataqta na'axannec da la'aqtac, 'eeta': –Ỹataqta 'eesa da Aỹem sa qauauattoñi, qataq sa qauaỹaañi cam sachegoqta'ague. Aỹem saishet da maiche ñallegoxottela't da ñanac, cha'aye Aỹem lamaxashec Ñim ỹataqta 'eesa, Ñim qami' saishet da qauauattoñi.

Juan 9:30

Nache se'eso ỹale 'enapeco': –¡Ỹataqta ỹoxosa'a de'era! ¡Qache qami' saishet da qauaỹaañi ca chegaqa'ague Somaye! ¡Qalaq Somaye ye isheto' da aỹem nataren!

Hebreos 1:1

Soua ỹataqta qaỹoqteguelo vi'iye, so la'aqtaxanaxanecpi Ñim Lo'onatac 'Enauacna da'aqtaxaateguem som hua'au qarta'alpi. Ỹataqta qalota naxa da da'aqtaxanem da la'aqtac Ñim Lo'onatac 'Enauacna, qataq ỹotta'a't da lataxac naqa'en da da'aqtaxanem somayepi.

Hebreos 1:2

Qalaxaye nagui ne'enaua pa'atre'c na'axa'te, Ñim Lo'onatac 'Enauacna qomi' ỹanema da la'aqtaxanaxac ỹachegoxotchigui So Llalec. Qaq Ñimaye ỹachegoxotchigui co'ollaxa So Llalec da ỹo'ot 'enauacna, qataq nacheso so ipataxalec da ilo'ogue 'enauac na huetalecna.