Juan 9:22 - La'aqtaqa Ñim Lo'onatac 'Enauacna 2013

²² Qaq 'enapec de'era soua lta'al, souaxat da ñe'etrega na lataxala'pi na judiopi, cha'aye namayepi mashe nasachigui da saishet da ỹalegoigui naqa'en nam tategueua'a aso napaxaguenaxaqui nam judiopi, 'enauac nam ỹa'amaqten qataq 'eetega da So Jesús, nacheso So Lca'aguishec Ñim Lo'onatac 'Enauacna.

Nuevo Testamento Toba Sur

²² Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui.

Nuevo Testamento Toba Sombrero Negro

²² Chane'eja naq'aeta da'me 'laqataĝanaĝa'j gaa'me jo'ne mach'e let'al, qa'a 'uo da'me loqolanaqa', yajouaĝat jogaa'me judiopi lajoĝola'te queda'me joote 'uo da'me nomachidi: ga'me jo'ne 'yaĝatetac ñe'me Jesús da'me naqaeñe ñe'me Dios Liquiyac, nach'ega jo'ne qoyamaĝaye, ca'e qoyen ga'me nemaĝaiqui.

Juan 9:22 Referans Kwoze

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Juan 7:13

Qalaxaye namayepi saishet da ỹoqta ỹa'axaỹaqchet 'enauac na shiỹaxauapi da 'eetega Somaye, souaxat da ñe'etega na lataxala'pi na judiopi.

Lucas 6:22

Ñim Lo'onatac 'Enauacna qami' ỹaaleguete da lqouagaxanaqtaic souaxat na shiỹaxauapi da qami' nquiỹalo, huo'otaq da qami' isheueeta'ape qataq da qami' sa qaỹaconegueta, qataq qaica ca huotaique da qami' ỹalecta'agueta. Na shiỹaxauapi qami' ỹo'oteque de'era, cha'aye souaxat da Aỹem qaualaqaiguet, Aỹem Shiỹaxaua Llalec.

Juan 9:34

Nache somayepi 'enapego' somaye, 'eeta': –'Am maye ỹataqta 'ananacteueegue' da 'am 'etaxaloxoic, ¿qaq huotaique da qomi' 'auapaxague'n? 'Am mashe sa 'am seuenaq da 'aualectaigui nam nategueua'a ana qanapaxaguenaxaqui.

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

Hechos 5:40

Nache 'enauac somayepi ỹaỹamaxareeta da 'enapec so Gamaliel. Nache qaiỹaxaneugalo soua Jesús lamaxa'she, nache qaỹalasheeta'ape qataq qoỹeetegalo da saishet da ỹa'axattrac da na'aqtaguec So Jesús. Ime, nache qaisore'c.

Hechos 5:13

Qaq nam saishet da laỹepi somayepi ỹataqta saishet da nhuogoua'a, na'aictaxa da 'enauac na shiỹaxauapi da huo'o naq 'enec naqa'en somayepi, qataq 'onaxaic da ltaxaỹaxac da detaqtega somayepi.

Hechos 4:18

Nache qaltaq qaiỹaxaneugalo soomaye, nache qoỹenapegalo da nache tachiguiña da saishet da da'aqtaxa'n qataq saishet da dapaxaguenataxaarec da na'aqtaguec So Jesús.

Juan 20:19

Qaq se'eso na'a'q maye la'auaxanec naua na'axa'te co'ollaq mashe pe, nache soua napaxaguenataqa, soomaye lapoota'a't hueta'a ca nỹec. Qaq so lasom se'eso nỹec ỹataqta napochigui, souaxat da qañe'etega na lataxala'pi na judiopi. Nache So Jesús pa'auo, nache vichiguinguilo na laiñi soua lapaxaguenataqa. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da nlagaxayec.

Juan 19:38

Qaq co'ollaq ime de'era, nache so José maye lma' ye Arimatea, somaye iỹaxanot so Pilato da yaqto' irouec so lo'ocỹaxac So Jesús. Qaq se'eso José, somaye quetague' So Jesús, qalaxaye saishet da ỹoqta nachaxaata, souaxat da ñe'etega na lataxala'pi na judiopi. Nache so Pilato ỹanem somaye dam iỹaxaneua'a, nache jec so José da irouec so lo'ocỹaxac So Jesús.

Isaías 57:11

Qaq ¿negue't se'eso atamnaxala'pi maye 'añe'etega qataq 'avio'oxoreetac, da yaqto' aỹem qoca'ai qataq imauec da aỹem 'aucoua'ai? Co'ollaq saishet da aỹem 'avio'oxoreetac nache Aỹem choche ñe'emaxat, qataq 'eco' sa sauatonaxan.

Isaías 51:12

«Qaq Aỹem, nachaỹem da 'am sami' da 'ara'añaxac. ¿Qaq negue't qone' ca 'añe'etega? ¿Nachena peta'a nam shiỹaxauapi? ¿Nam shiỹaxauapi maye huo'o ca loga't, 'eeta'am ana huoue?

Isaías 51:7

«Ñaq Aỹem qana'axaỹaxañiỹa qami' maye qauaỹachiñi da no'on lataxac, qami' nhuo' le'ecpi maye ỹataqta qauacheetaigui da qarquiyaqteỹaxaqui naua iqataxaco. Saishet qome da qayi'iitega da larenaxanaxac nam ỹalleppi, qataq da qaica ca qara'añaxaqui naqa'en nam lsheunaxanaxacpi namayepi,

Proverbios 29:25

Da qañe'etega na ỹalleppi damaye nachera da icoñerai' ca shiỹaxaua, qalaxaye ca pi'iỹa'a Ñim Nataxala' camaye ỹataqta qanpaxattalec.

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.

Juan 9:18

Qalaxaye nam fariseopi saishet da ỹa'amaqten se'eso ỹale da sanauaañi co'ollaxa, qaq nagui nauaachiguiñi. Nache qaiỹaxaneugalo soua lta'al somaye,

Juan 9:21

Qalaxaye qomi' saishet da saỹaanaq chaq hua'ague ca 'eetec da nauaañi nagui, qataq saishet da saỹaanaq chaq negue't cam natare'n naua la'ai'te damaye. Qaq no'on da maiche qaunache, cha'aye damaye mashe ỹe, damaye ishet da maiche qami' da'aqtaxanema.

Juan 9:35

Qaq So Jesús la'axaỹaxac da qaỹamaqauec som qanamaic co'ollaxa. Nache nmitaique, qaq co'ollaq nauane', nache 'eetega, 'eeta': –¿'Am peta'a 'aua'amaqten So Llalec Ñim Lo'onatac 'Enauacna?