Juan 8:9 - La'aqtaqa Ñim Lo'onatac 'Enauacna 2013

⁹ Qalaxaye soomaye co'ollaq hua'axaỹa de'era, nache nqo'onaxattagui da jec, hua'auchiguiñi so ỹa'axaiquipi, choche ivitta'a da So Jesús nda'aguet aso 'alo.

Nuevo Testamento Toba Sur

⁹ Qalaxayi somayipi co'ollaq hua'axaÿa de'eda, nachi ÿataqta 'aloxogui yi lauel, nachi nqonaxattauec, hua'auchiguiñi na ÿi'axaiquipi. Qaq co'ollaq 'enauac somayipi da jec, nachi so Jesús nda'aguet aso 'alo mayi n'onaña yim qanayiuta'a.

Nuevo Testamento Toba Sombrero Negro

⁹ Mane'e da'me domachita da'me dojo' jo'ne nenaĝategue, qama'le jogaa'me male onolqa'tape da'me queda'ae joñe'me, jaa'me 'uaetegue nach'egaua jo'ne 'yaĝaicachidi, nataq'aen jogaa'me laqaya', chayovida'a da'me male onolec ñe'me Jesús chaqañe'me yauo.

Juan 8:9 Referans Kwoze

Romanos 2:15

'Eeta'am da nanettalec na namaxasoxonaxacpi ye ntoonaxac. Cha'aye da lataxac, ichoxot da huo'o ye iuennatega qalaq ỹaỹaten da ỹaỹamaqchiguiñi huo'otaq qauem. Da no'on na'axaỹaxac maye sa'axattac dapaxaguenataxanec da Ñim Lo'onatac 'Enauacna nmit qome 'enauac na shiỹaxauapi ỹachegoxotchigui naqa'en So Cristo Jesús. Qaq que'eca na'a'q Ñim Lo'onatac 'Enauacna ivira'a da nmit qome na nhuennataxacpi maye ỹapogoñi.

Eclesiastés 7:22

Cha'aye 'am nataqa'en 'auaỹateeta, da qalota naxa da 'auasaxalec na qauem 'ara'aqtac ca 'arỹa.

Romanos 2:22

Qataq qami' qoñiitega nam huo'o ana lhua, qalaq iuen da ipaqueelec da lasataxac co'ollaq cheta'ague da huaron, qalaxaye maiche qami' da saishet da qaupaquiilec da lataxac damaye. Qanquiỹaitega na qanatameetacotpi maye choche ne'enaqtacpi qataq saq 'en, qalaxaye qaucacheetega da lsallaxa maye huetaigui na lma'pi namayepi.

Juan 8:10

Nache So Jesús nachaañi, nache 'enapeco': –'Am 'alo, ¿Cam huetra'ague caua 'am nauectrauo? ¿Qaica peta'a ca ỹañoxot da ỹauo'o ca 'arasouaxashet?

Juan 8:12

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Lucas 13:17

Qaq co'ollaq 'enapec de'era So Jesús, nache 'enauac nam depa'aguenataxaatac ỹataqta huo'o da la'aloxo. Qaq nam shiỹaxauapi, qalaxaye 'enauac huo'o da ntonaxac, souaxat nam ỹauaachigui ỹo'otpi So Jesús maye qaica ca 'ena'am da llo'oxoyec.

Salmos 71:13

Ñaq na'aloxoota'acra' 'anqa'en na aỹem ipa'agueetac, ña 'auauo'o qome da na'aloxonaxac na huotaique da aỹem ỹo'otec ca qauem.

Salmos 50:21

Qaq 'ena 'enauac na 'auo'otpi, qalaxaye aỹem she'emaqtom, qaq peta'a 'aupi'itaxaatega da 'am sheeta'am. Qalaxaye nagui ỹataqta 'am seviraxato'ot, nagui saỹamaxaayiñi naua 'arasouaxashe'ete.

Salmos 40:14

Ỹataqta huo'o qome da la'aloxo qataq sa ỹaỹaten ca 'eetec, na ỹauotaique da aỹem ỹalauat. Qataq dataueeguesop qome da la'aloxo na huotaique da aỹem ỹo'otec ca qauem.

Da na'aqtaguec so Job 20:27

Nache na piguem ỹachaxan na lasouaxashetpi camaye, qataq ana 'alhua nachaañi da ỹasaxalec camaye na lasouaxashet.

Da na'aqtaguec so Job 20:5

cha'aye da lamaicỹaxac na 'etaxaloxoic saqaỹauec, qataq da ntonaxac na qauemaic pasa'a da imeuo.

1 Reyes 17:18

Nache aso pa'ai 'enapega so Elías, 'eeta': 'Am nale Ñim Lo'onatac 'Enauacna ¿negue't cam qonetapeguec da sheeta? ¿Peta'a 'auanac da aỹem 'antoonaxanaxanec na ỹasouaxashetpi, nache 'auo'ot da ileu na ỹalec?

1 Reyes 2:44

Qaq so nta'a nataqa'en 'enapega so Simea, 'eeta': «'Am, 'auaỹateeta da 'auo'otec co'ollaxa da ỹataqta qauem so ita'a David. Ỹoqo'oye nagui Ñim Nataxala', 'am talec naqa'en de'era qauem maye 'auo'ot co'ollaxa.

Juan 8:2

Qaq so ña nte'etom so lỹa na'a'q, nache Somaye qaltaq ỹe'eguelaxaua'a aso no'onaxanaxaqui late'erai. Nache 'enauac na shiỹaxauapi nquigueua'a, nache Somaye nso'ooñi, nache ỹapaxaguen somayepi.

Juan 8:3

Nache huo'oi soua dapaxaguenataxaatapegueque na namaxasoxonaxacpi qataq soua chegoqraigui na fariseopi, nauegueua'a Somaye aso 'alo maye qaỹauanalec da ncachetague' ca sa lhua. Nache qanachaalataxangui na laiñi som shiỹaxauapi.

Juan 8:8

Nache qaltaq ỹe'eguelaxalec da nqollemñi So Jesús, nache qaltaq ỹettac ana 'alhua.