Juan 8:58 - La'aqtaqa Ñim Lo'onatac 'Enauacna 2013

⁵⁸ Nache So Jesús 'enapeco': –Aỹem ỹataqta 'eesa de'era qami' sa'axatema, da co'ollaq saxanaqca so Abraham, qalaq nale'ena da Aỹem huo'o.

Nuevo Testamento Toba Sur

⁵⁸ Nachi so Jesús 'enapeco': –Aÿim ÿataqta 'eesa de'eda qami' sa'axatema, da co'ollaq saxanaqca da huo'o so Abraham, qalaq nal'ena da aÿim huo'o.

Nuevo Testamento Toba Sombrero Negro

⁵⁸ Qama'le Jesús 'yategueta: —Da'me dojo' jo'ne eja 'me ami ja'aĝatema: joca'li maliaĝa qaya ñe'me Abraham, joote jayem 'uo.

Juan 8:58 Referans Kwoze

Éxodo 3:14

Nache Ñim Lo'onatac 'Enauacna 'enapego' so Moisés, 'eeta': «Aỹem maye nache 'eetai' da qami' soota'agueta.» Qaq 'era qome da 'ara'aqtac da qonapega ye Israel le'ecpi, qoneta': «Ñim nache 'eetai' da qomi' hueta'agueta, aỹem namaxalo qami'.»

Colosenses 1:17

So Cristo nale'ena da huo'o co'ollaq saxanaqca 'enauacna. Qaq Somaye nacheso so nlletañi 'enauac namayepi.

Juan 17:5

Qaq nagui, 'am Ita'a, ñeshetaique da sootaua'a na 'araỹe, da Aỹem 'aỹa'anem da ỹo'oxoyec maye saatañi co'ollaq 'am sooto'ot co'ollaq saxanaqaca ana 'alhua.

Isaías 44:6

Ñim Nataxala', maye Lta'a qataq lca'alaxaqui so Israel, Ñim Nataxala' maye Qaica ca Ỹaqalanapec, 'eeta': «Aỹem nachaỹem sa'auchiguiñi qataq sepa'atec, qaica ca lỹa atamnaxala'.

Apocalipsis 1:8

Ñim Nataxala' maye qaica ca 'ena'am da la'añaxac, Ñim nache 'eetai' da huo'o qataq Ñim do'onataxaatac nagui qataq Ñim mashe nayeetai', 'eeta' da la'aqtac: [«Aỹem maye Nachaỹem la'atchiguiñi, qataq Nachaỹem pa'atec.»]

Hebreos 13:8

So Jesucristo saishet da naralaxat da lataxac: Somaye nache 'eetai'.

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Isaías 48:12

Ñaq Aỹem 'aua'axaỹa 'am Jacob, qataq 'am Israel maye 'am seỹaxana co'ollaxa: Aỹem nachaỹemta Atamnaxala', Aỹem sa'auchiguiñi co'ollaxa qataq sepa'atec.

Apocalipsis 2:8

«'Auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Esmirna. Qoneta': ‹Aỹem maye Aỹem la'auaxanec qataq sepa'atec. ¡Aỹem seleu co'ollaxa, qalaxaye qaltaq she'eguelaxalec da ñeca'alec! Ñaq 'ana'axaỹaxana dam 'am sa'aqtaxanem:

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

Isaías 43:13

Qaq Aỹem, nache 'eetai' da Aỹem Atamnaxala'. Qaq qaica ca ishet da naneltaxaneguet da ihuaqỹaxac. Qataq qaica ca ishet da nlaxaañi cam so'ot.»

Isaías 46:9

ña qauennachiỹa'a som so'ot co'ollaxa maye huaiguilo soua qaỹoqteguelo vi'iye. Aỹem, nachaỹem Atamnaxala', qaq qaica ca lỹa, aỹem Atamnaxala' qaq qaica ca lỹa da sheeta'am.

Isaías 44:8

¡Qalaxaye qana'añaxache, saishet da qayi'iitac! 'Era da ỹa'aqtac co'ollaxa soua qaỹoqteguelo vi'iye, qaq qami' nache qami' ỹa'aqtaxanaxanaqa de'era. Qaq ¿peta'a huo'o ca lỹa atamnaxala' ỹaqauga? 'A'i, qaica ca lỹa ñe'eguenaxala', qaica ca sauatton.»

Juan 8:51

Qaq ỹataqta 'eesa de'era qami' sa'axatema, da ca ỹalaxaguet dam shenapec, nache camaye chochaq tatec da hueta'aguet Ñim Lo'onatac 'Enauacna.

Apocalipsis 1:11

Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Juan 8:34

Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da 'enauac nam ỹo'ottac da lle'etaxaloxo, namayepi 'eeta'am da l-latacpi de'era ñe'etaxaloxo.

Juan 8:24

Qaq ỹoqo'oye Aỹem qami' sa'aqtaxaateguema da saishet da Aỹem qaua'amaqchiñi qataq sa qauauattoñi da Nachaỹem, nache choche qaulliviitañito naua qarasouaxashe'echilli'.

Juan 8:28

Ỹoqo'oye So Jesús 'enapego' somayepi, 'eeta': –Qami' qom ivita da qanauaxaỹaxañiisheguem na Shiỹaxaua Llalec, nache huaña, qaq ishet da qauaỹaañi chaq negue't Aỹem, qataq saishet da maiche ñallegoxottela't ca so'ot, nachaqrata da Aỹem sa'axat cam Aỹem ỹapaxaguenec Ñim Ita'a.

Juan 10:25

Nache So Jesús 'enapeco': –Mashe ime mque' da qami' sa'aqtaxaateguema, qalaxaye saishet da Aỹem qaua'amaqchiñi. Nam so'ottacpi, namayepi nachena na Aỹem ỹamaxalecpi Ñim Ita'a, qaq nachena nam 'eeta'am da qami' da'aqtaxanema.