Juan 8:56 - La'aqtaqa Ñim Lo'onatac 'Enauacna 2013

⁵⁶ So Abraham maye qarta'ai, somaye ỹataqta huo'o da ntonaxac co'ollaxa da choche iuennatega ca na'a'q da ñevira ana 'alhua. Qaq co'ollaq ilogui, nache somaye ỹataqta nlaqchigui da ntonaxac.

Nuevo Testamento Toba Sur

⁵⁶ Som Abraham mayi qadta'ai, somayi co'ollaxa ÿataqta huo'o da ntonaxac da ilogui ca na'a'q mayi ÿaloxoqui. Qaq co'ollaq ilogui, nachi somayi ÿataqta nlaqchigui da ntonaxac.

Nuevo Testamento Toba Sombrero Negro

⁵⁶ Di'me adet'ai Abraham matac joca'li queda'me yayaten da'me 'uo qomle ga'me nolo' da'me male jayem yauana. Chane'eja jalcote da'me lamaic ca'li male jayem yauana.

Juan 8:56 Referans Kwoze

Hebreos 11:13

'Enauac se'eso shiỹaxauapi maye sa'axataqtac somayepi choche ivitta'a da ileu da saishet da ỹaconeguet cam chegoqo'ot Ñim Lo'onatac 'Enauacna maye ỹachaxanapeguem. Qalaxaye somayepi souaxat da huo'o da lpi'iỹaxac Ñim Lo'onatac 'Enauacna, nache ilota'a cam talec somayepi da ñaq qaỹoqta. Qalaxaye nache 'ena'am ỹataqta huo'o da ntonaxac, cha'aye somayepi ỹaỹaten da huetalec ana 'alhua qalaq 'eeta'am da ỹaqa'a ca chegaqa'ague da choche cara'ac da hueta'a anamaye.

Génesis 22:18

qaq 'enauac na ỹotta'a't shiỹaxauapi maye huetalec ana 'alhua, huo'o qome da nchoxonnataguec chegoqchigui camayepi, souaxat da aỹem 'aualaxaguet.»

Juan 8:39

Nache somayepi 'enapeco': –Qomi' qarta'a so Abraham. Nache So Jesús 'enapega somayepi, 'eeta': –Qami', da ỹoqta 'eesactaxa da qarta'ai so Abraham, nache ishettaxa da qauo'oche nam ỹo'otpi somaye.

Mateo 13:17

Cha'aye qalota co'ollaxa so la'aqtaxanaxanecpi Ñim Lo'onatac 'Enauacna qataq som no'on da lataxac shiỹaxauapi da huotaique da ỹauaachigui de'era maye qami' qaumiiñitac, qataq dam qaua'aqaitega, qalaxaye somayepi saishet da ỹañoxot.

Lucas 10:24

Cha'aye qalota co'ollaxa som la'aqtaxanaxanecpi Ñim Lo'onatac 'Enauacna qataq som ilotague' so Israel le'ecpi, huo'o da lyaxa da ỹauaachigui qataq hua'aqchigui dam qami' qauloita'a qataq qaua'aqaichigui nagui, qalaxaye somayepi sa ỹañoxot.»

Hebreos 11:39

Qaq Ñim Lo'onatac 'Enauacna qalaq ỹaỹamaxareeta somayepi, cha'aye huo'o da lpi'iỹaxac. Qalaxaye somayepi saishet da huo'o ca ỹaconeguet dam ỹachaxanapec co'ollaxa Ñimaye.

Juan 8:37

Aỹem mashe sogote da saỹaten da maiche qami' llalqa so Abraham. Qalaxaye qami' qansheetaique da Aỹem qaualauache, cha'aye saishet da qauacoñiigueta naua ỹapaxaguenataxanaxaco.

Juan 10:25

Nache So Jesús 'enapeco': –Mashe ime mque' da qami' sa'aqtaxaateguema, qalaxaye saishet da Aỹem qaua'amaqchiñi. Nam so'ottacpi, namayepi nachena na Aỹem ỹamaxalecpi Ñim Ita'a, qaq nachena nam 'eeta'am da qami' da'aqtaxanema.