Juan 8:55 - La'aqtaqa Ñim Lo'onatac 'Enauacna 2013

⁵⁵ Qalaxaye qami' saishet da qauauattoñi Ñimaye; Aỹem, qalaxaye sauatton qataq salaxaguet. Cha'aye da Aỹem shenapec da sa sauatton, nache Aỹem choche satenataxaatac, sheeta'ama qami'.

Nuevo Testamento Toba Sur

⁵⁵ Qalaxayi qami' sa ishit da qauauattoñi ñimayi; aÿim, qalaxayi sauatton ñimayi. Cha'ayi da aÿim shinapec da sa sauatton, nachi aÿim chochi satenataxaatac, qaq nachi shiita'ama qami'. Qalaxayi aÿim ÿataqta sauattoota ñimayi, qataq salaxaguet cam 'enapec.

Nuevo Testamento Toba Sombrero Negro

⁵⁵ Qalaĝaja queda'me ja auatetoñi joñe'me, dite jayem qamqa'me jateton. Chane'eja qom jenaac da'me ja jateton, qama'le naqayem jo'ne pecaic, qama'le ami jena'ama. Qalaĝaja queda'me eja da'me jateton joñe'me nataq'aen da'me joqoch'alo daa'me 'laqataqa.

Juan 8:55 Referans Kwoze

Juan 8:19

Nache qainattac Somaye, qoỹeeta': –¿Hua'ague ca neta'ague ca 'arta'a? Nache So Jesús 'enapeco': –Qami' saishet da Aỹem qauauattoñi, qaq nache 'ena'am Ñim Ita'a saishet da qauauattoñi. Cha'ayectaxa da Aỹem qauauattoñi, nache nataqa'en ishet da qauauattoñi Ñimaye.

Juan 8:44

Qami', som qarta'ai, nacheso som pa'aguenataxanaxaic, ỹoqo'oye qansheetaique da qauo'oche cam 'eetapeguec somaye. Se'eso pa'aguenataxanaxaic, somaye ỹataqta laataxanaxaic qataq tenataxanaxaic. 'Enauac nam ỹa'axat saishet da 'en qataq ỹo'oteguet ca shiỹaxaua da tenataxanaxaic.

Apocalipsis 3:9

Ñaq 'aumeten dam so'otec ne'ena tenataxanaxaicpi maye lalamaxatpi so pa'aguenataxanaxaic. Namayepi 'eetega judiopi, qalaxaye saq 'en. Ỹoqo'oye Aỹem so'otec namayepi da 'am ỹa'atto'oto naua l-llectel, yaqto' ỹaỹaten namayepi da Aỹem ỹataqta 'am sauotec.

Juan 8:51

Qaq ỹataqta 'eesa de'era qami' sa'axatema, da ca ỹalaxaguet dam shenapec, nache camaye chochaq tatec da hueta'aguet Ñim Lo'onatac 'Enauacna.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

1 Juan 5:10

Da sepi'iỹaqa'a So Llalec Ñim Lo'onatac 'Enauacna, huaña, nache sa'amaqtenaq dam ỹa'axattac Ñim Lo'onatac 'Enauacna. Qalaxaye nam saishet da ỹa'amaqten Ñim Lo'onatac 'Enauacna, nache 'eeta'am naqa'en da tenataxanaxaic Ñimaye, cha'aye saishet da ỹa'amaqten dam la'aqtaxanaxac Ñim Lo'onatac 'Enauacna co'ollaq ỹa'axattac So Llalec Jesucristo.

Juan 15:21

Qaq 'enauac qome ne'ena qami' qaỹo'oteque souaxat da qami' ỹapaxaguenataqa, cha'aye na shiỹaxauapi saishet da ỹauatton Ñim Lo'onatac 'Enauacna maye Aỹem namaq.

1 Juan 2:22

Qaq ỹoqo'oye ¿negue't cam tenataxanaxaic? Qomye nacheca cam 'eetega So Jesús da saishet da Lca'aguishec Ñim Lo'onatac 'Enauacna. Qaq 'eca, cam npa'aguenaxaua So Cristo, cha'aye sa ỹaconeguet Ñim Lo'onatac 'Enauacna maye Nta'a qataq So Jesús maye Llalec.

1 Juan 2:4

Da huo'o ca 'eeta': «Aỹem ñauochaxaua Ñim Lo'onatac 'Enauacna» qalaxaye saishet da ỹalaxaguet, nache camaye tenataxanaxaic qataq saishet da 'en da nasaxauec.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Hechos 17:23

Cha'aye aỹem naxa da secoleetac na qoviita'a, nache semeteetac 'enauac nam nqui'ipi maye qanatamñeetacot. Nache huo'o ye selalec atamnaqa' qoỹettañi so na'aqtac, 'eeta': «Atamnaqa' da qanatamnot cam saishet da qaỹauatton.» Qaq Ñi'iñi Lo'onatac 'Enauacna maye qanatamñeetacot qalaxaye sa qauauattoñi, nacheñi nagui Ñim qami' sa'axatema.

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Juan 16:3

Qaq ỹo'ot qome de'era namayepi, cha'aye saishet da ỹauatton Ñim Ita'a, nataqa'en Aỹem.

Juan 15:10

Qataq da qaualaqaiguet 'enauac na ỹamaxasoxonaxacpi; nache, Aỹem nache 'eetai' da qami' sauoteque, 'eeta'am Ñim Ita'a da Aỹem ỹauotec, cha'aye Aỹem ỹataqta salaxaguet.

Juan 8:29

Cha'aye Ñim Aỹem namaq, Ñimaye Aỹem hueta'aguet; Ñim Ita'a saishet da Aỹem ndoqteetec, cha'aye Aỹem nache 'eetai' da so'ottac cam ỹaỹamaxareeta Ñimaye.

Juan 6:46

Saishet da huo'o ca ilogui da lasheguiỹaxac Ñim Ita'a; Nachaqaỹemta maye sachegoqtot Ñimaye.

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Oseas 5:4

Nache namayepi saishet da ỹe'eguelaxa Ñim Lo'onatac 'Enauacna, souaxat nam qauem maye ỹo'ottac, cha'aye namayepi huetaigui da lquisheguetaxac, nache sa ỹauatton Ñim Nataxala'.

Jeremías 9:3

Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Juan 8:52

Nache soomaye 'enapegalo' So Jesús, 'eeta': –Qomi' nagui ỹataqta saỹaanaqta da 'am huo'o ñi saqcha'a na'añaxac leguemaxaic 'am netaigui. Cha'aye so Abraham qataq 'enauac so la'aqtaxanaxanecpi Ñim Lo'onatac 'Enauacna, somayepi co'ollaxa ileu, qalaq 'am qonapec: «Da ca 'am ỹalaxaguet, nache camaye chochaq tatec da hueta'aguet Ñim Lo'onatac 'Enauacna.»

1 Juan 1:6

Qaq da shenaqtega da qanauochaxaua Ñim Lo'onatac 'Enauacna, qalaxaye qolaqto'ot da so'otaqtac da qaye'etaxaloxo, nache qomi' choche satenataxanaqtac, shenaqta'am nam tenataxanaxaicpi maye sa ỹalaxaguet Ñimaye.