Juan 8:52 - La'aqtaqa Ñim Lo'onatac 'Enauacna 2013

⁵² Nache soomaye 'enapegalo' So Jesús, 'eeta': –Qomi' nagui ỹataqta saỹaanaqta da 'am huo'o ñi saqcha'a na'añaxac leguemaxaic 'am netaigui. Cha'aye so Abraham qataq 'enauac so la'aqtaxanaxanecpi Ñim Lo'onatac 'Enauacna, somayepi co'ollaxa ileu, qalaq 'am qonapec: «Da ca 'am ỹalaxaguet, nache camaye chochaq tatec da hueta'aguet Ñim Lo'onatac 'Enauacna.»

Nuevo Testamento Toba Sur

⁵² Nachi na judiopi 'enapego' somayi, 'eeta': –Qomi' nagui saÿajnaqta da 'am huo'o ñi 'ad'ec leguemaxaic. Cha'ayi so Abraham qataq 'enauac so l'aqtaxanaxanecpi ñi Dios, somayipi co'ollaxa ileu, qalaq 'am qonapec: “Da ca ÿalaxaguet cam shinapec, nachi camayi sa ishit da nauane' da ileu.”

Nuevo Testamento Toba Sombrero Negro

⁵² Gaa'me judiopi male enapega't: —Nayi male yataqachiñe jayatenaq da'me am payac lae't. Qa'a di'me Abraham yeleu ca'li, nataq'aen dia'me Dios 'laqataĝanaĝanaqa, qama'te da'me am aueetapega: «Ga'me jo'ne yoqocha'a da'me 'yaqatac, nach'ega jo'ne yauana qomle da'me lec'alaĝa jo'ne qaya'te loiquiaqa'.»

Juan 8:52 Referans Kwoze

Hebreos 2:9

Qalaxaye Ñim Lo'onatac 'Enauacna qomi' ỹauoteque, nache namaxalec ana 'alhua So Jesús da qomi' nca'alaxatre'c, chegoqchigui da l-leuaxa. Ỹoqo'oye na'aictaxa da Ñim Lo'onatac 'Enauacna da cara'ac co'ollaxa da ỹasheeteguet So Jesús da nquicchiguiñi da la'amaqchec saq 'ena'am na lamaxashecpi piguem le'ecpi, qalaxaye nagui Somaye nachaqsota da qaỹo'oxoreetac souaxat da qaica ca 'ena'am la'amaqchec.

Juan 9:24

Nache na lataxala'pi na judiopi, qaltaq ỹe'eguelaxalec da iỹaxaneuga so ỹale maye qanamaic co'ollaxa. Nache 'eetega, 'eeta': –Nagui qomi' 'aua'aqtaxaatema cam ỹataqta 'eesa, ỹauaachigui 'anqa'en Ñim Lo'onatac 'Enauacna. Cha'aye qomi' saỹaanaqta da se'eso ỹale, Somaye 'etaxaloxoic.

Juan 8:48

Nache huo'o nam judiopi da 'eetega Somaye, 'eeta': –Qomi' ỹataqta 'eesa de'era qara'aqtac co'ollaq shenaqapec da choche 'am Samaria le'ec qataq huo'o ñi saqcha'a na'añaxac leguemaxaic 'am netaigui.

Hebreos 11:13

'Enauac se'eso shiỹaxauapi maye sa'axataqtac somayepi choche ivitta'a da ileu da saishet da ỹaconeguet cam chegoqo'ot Ñim Lo'onatac 'Enauacna maye ỹachaxanapeguem. Qalaxaye somayepi souaxat da huo'o da lpi'iỹaxac Ñim Lo'onatac 'Enauacna, nache ilota'a cam talec somayepi da ñaq qaỹoqta. Qalaxaye nache 'ena'am ỹataqta huo'o da ntonaxac, cha'aye somayepi ỹaỹaten da huetalec ana 'alhua qalaq 'eeta'am da ỹaqa'a ca chegaqa'ague da choche cara'ac da hueta'a anamaye.

Juan 8:51

Qaq ỹataqta 'eesa de'era qami' sa'axatema, da ca ỹalaxaguet dam shenapec, nache camaye chochaq tatec da hueta'aguet Ñim Lo'onatac 'Enauacna.

Mateo 11:18

Cha'aye so Juan maye nachelaxanataxanaq, somaye nqouaqchettac, qaq qami' qalaq qoñiitega da huo'o ca netaigui saqcha'a na'añaxac leguemaxaic.

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.

Juan 7:20

Nache so shiỹaxauapi 'enapeco': –'Am ỹataqta huo'o da 'oic, cha'aye ¿negue'to' ca nshetaique da 'am ỹalauat?

Juan 8:22

Nache na lataxala'pi na judiopi 'enapeco': –¿Peta'a iuennatega da maiche nalaala't damaye, ỹoqo'oye 'enapec da saishet da ñeqo'onaxa cam taỹa?

Juan 8:55

Qalaxaye qami' saishet da qauauattoñi Ñimaye; Aỹem, qalaxaye sauatton qataq salaxaguet. Cha'aye da Aỹem shenapec da sa sauatton, nache Aỹem choche satenataxaatac, sheeta'ama qami'.

Juan 14:23

Nache So Jesús 'enapeco': –Ca Aỹem ỹauotec, camaye nataqa'en ỹalaxaguet cam shenapec, nache Ñim Lo'onatac 'Enauacna maye Ita'a ỹauotec camaye. Nache Ñimaye qataq Aỹem ñanaguenaq da souaqta'aguet camaye.

Juan 15:20

Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui.

Juan 17:6

Qaq naua 'arca'agui'she maye 'auachegoxottoigui co'ollaxa nam huetalec ana 'alhua da yaqto' Aỹem 'aỹa'anem, naamaye sogote da sa'axattema da qoneta. Naamaye 'aralamqa'ate, qalaxaye Aỹem 'aỹa'anema, qaq naamaye ỹataqta ỹalaxareguet da 'ara'aqtac.