Juan 8:49 - La'aqtaqa Ñim Lo'onatac 'Enauacna 2013

⁴⁹ Nache So Jesús 'enapeco': –Aỹem saishet da huo'o ca Aỹem netaigui saqcha'a na'añaxac leguemaxaic. Cha'aye dam so'ottac sho'oxoreetac Ñim Ita'a, qalaxaye qami' saishet da Aỹem qavio'oxoyiñi.

Nuevo Testamento Toba Sur

⁴⁹ Nachi so Jesús 'enapeco': –Aÿim sa ishit da huo'o ca i'ec leguemaxaic. Cha'ayi dam so'ottac, shi'oxodeetac ñi ita'a, qalaxayi qami' sa ishit da aÿim qavi'oxoyiñi.

Nuevo Testamento Toba Sombrero Negro

⁴⁹ Jesús 'yategueta jogaa'me: —Da'me jayem ja jayem 'te payac lae't. Da'me jo'ne ja'uo, jen p'ajaye da'me 'ñonaĝachigui ñe'me Taĝadena'; qama'te da'me ami ja jayem 'te a'nonaĝachiyegui.

Juan 8:49 Referans Kwoze

1 Pedro 2:23

Qataq co'ollaq qaisheueetac, qalaq saishet da ỹe'eguelaxata'aguet da nsheunaguec, qataq saishet da ỹasauaxattac som ỹo'otpi da nque'eenaxac. Nachaqrata da hua'aqta'a da Ñim Lo'onatac 'Enauacna da huapegue' qataq ilo'ogue, cha'aye Ñimaye nmit qome 'enauacna qataq ipagaqchiichigui ca lataxac.

Juan 17:4

Qaq Aỹem ỹataqta 'am sho'oxoreetac nagui da soota'a ana 'alhua, cha'aye ỹataqta sematta da Aỹem 'auamaxalec da so'ot.

Juan 14:13

Qaq 'enauac nam qauỹaxañiỹaique da qoviilec da ỹe'enaxat, nache Aỹem so'ot, yaqto' ne'ena Llalec Ñim Lo'onatac 'Enauacna ishet da ỹachaxan da llo'oxoyec Ñim Lta'a.

Juan 11:4

Nache So Jesús co'ollaq hua'axaỹa de'era, nache 'eeta': –De'era lalolaxa, damaye saishet da taỹa'a ca l-leuaxa. Chaqrata da yaqto' damaye ishet da chegoqchigui da ỹachaxan da la'añaxac Ñim Lo'onatac 'Enauacna, qataq da na'añaxac maye Aỹem hueto'ot, Aỹem maye Aỹem Llalec Ñim Lo'onatac 'Enauacna.

Juan 8:29

Cha'aye Ñim Aỹem namaq, Ñimaye Aỹem hueta'aguet; Ñim Ita'a saishet da Aỹem ndoqteetec, cha'aye Aỹem nache 'eetai' da so'ottac cam ỹaỹamaxareeta Ñimaye.

Isaías 49:3

Nache aỹem 'enapega 'eeta': «'Am Israel, 'am ỹamaxashec, qaq nache 'am sachegoqchigui qome da sachaxan da ỹo'oxoyec.»

Isaías 42:21

Qaq Ñim Nataxala', ye ñimaye deca'alaqtaxan, nache huotaique da ỹo'ot da lta'araic naqa'en qataq ỹo'oxoraq dam lapaxaguenataxanaxac,

Juan 12:28

Nachaqrata da shenapega Ñimaye, sheeta': «'Am Ita'a ñaq 'auachaxana na shiỹaxauapi da 'ara'añaxac.» Huaña, nache qaỹa'axaỹa so nvilỹaxac, chemaqot na piguem, 'eeta': –Mashe sogote da sachaxan da ỹa'añaxac, qalaxaye nagui qaltaq she'eguelaxalec da sachaxan.

Juan 7:20

Nache so shiỹaxauapi 'enapeco': –'Am ỹataqta huo'o da 'oic, cha'aye ¿negue'to' ca nshetaique da 'am ỹalauat?

Hechos 5:41

Nache se'esoua Jesús lamaxa'she chegoqtoiguilo so nta'alpi ỹataqta huo'o da ntonaxa'c, cha'aye Ñim Lo'onatac 'Enauacna ỹasheetegueta soomaye da huo'o da nque'eenaxa'c, huasoirelec da ỹataqta ỹalaxareguet So Jesús.

1 Corintios 11:14

Cha'aye da maiche qarataxac, de'era ỹataqta ỹo'ot da na'aloxo da ca ỹale nalogaxat na laue,

1 Corintios 15:43

Da huo'o ñi ileu, nache qailareñi da lo'ocỹaxac, qaq de'era no'ocỹaxac ivira da qaica ca lyac qataq qaica ca la'añaxac. Qalaxaye que'eca shiỹaxaua da qaltaq nca'alec, nache da lo'ocỹaxac ỹataqta huo'o da lyac qataq huo'o da la'añaxac, nache saishet da qaltaq ileu.