Juan 8:48 - La'aqtaqa Ñim Lo'onatac 'Enauacna 2013

⁴⁸ Nache huo'o nam judiopi da 'eetega Somaye, 'eeta': –Qomi' ỹataqta 'eesa de'era qara'aqtac co'ollaq shenaqapec da choche 'am Samaria le'ec qataq huo'o ñi saqcha'a na'añaxac leguemaxaic 'am netaigui.

Nuevo Testamento Toba Sur

⁴⁸ Nachi na judiopi 'eetega somayi, 'eeta': –Qomi' ÿataqta 'eesa de'eda qad'aqtac co'ollaq shinaqtac da chochi 'am Samaria l'ec qataq huo'o ñi 'ad'ec leguemaxaic.

Nuevo Testamento Toba Sombrero Negro

⁴⁸ Jogaa'me judiopi male enapega't: —Nayi male yepaquichigui da'me eja da'me ñenaĝataĝaye ca'li jenaqaac da'me am jo'ne Samaria le'ec, 'me am payac lae't.

Juan 8:48 Referans Kwoze

Juan 7:20

Nache so shiỹaxauapi 'enapeco': –'Am ỹataqta huo'o da 'oic, cha'aye ¿negue'to' ca nshetaique da 'am ỹalauat?

Juan 8:52

Nache soomaye 'enapegalo' So Jesús, 'eeta': –Qomi' nagui ỹataqta saỹaanaqta da 'am huo'o ñi saqcha'a na'añaxac leguemaxaic 'am netaigui. Cha'aye so Abraham qataq 'enauac so la'aqtaxanaxanecpi Ñim Lo'onatac 'Enauacna, somayepi co'ollaxa ileu, qalaq 'am qonapec: «Da ca 'am ỹalaxaguet, nache camaye chochaq tatec da hueta'aguet Ñim Lo'onatac 'Enauacna.»

Juan 10:20

Nache qalota somayepi na 'eeta': –¿Ta'ainco' ye qana'axaỹaxañeetega damaye? Ye huo'o ñi saqcha'a na'añaxac leguemaxaic maye netaigui, qaq ỹoqo'oye huo'o da aloic.

Juan 4:9

Qalaxaye na judiopi ye saishet da nhuoone' na Samaria le'ecpi, nache aso 'alo inat So Jesús, 'eeta': –¡Qalaxaye 'am judío le'ec! ¿Ta'ainco' ye aỹem 'auỹaxaatacot ye aỹem Samaria lashe?

Mateo 15:7

¡Qami' ỹataqta qami' tenataxanaxaiqa! Ñim Lo'onatac 'Enauacna ỹataqta 'eesa co'ollaxa so la'aqtac, chegoqchigui naqa'en so la'aqtaxanaxanec le'enaxat Isaías maye, 'eeta':

Mateo 12:24

Qalaxaye huo'o nam ỹalectaigui na fariseopi co'ollaq hua'axaỹa na shiỹaxauapi, nache 'eeta' da lhuennataxac: «De'era Jesús ỹo'ottapeguec na saqcha'a na'añaxac leguemaxaicpi maye netaigui na shiỹaxauapi, cha'aye so Beelzebú maye lataxala' nam saqcha'a na'añaxacpi nacheso so ỹami' da la'añaxac damaye da yaqto' ỹo'ot de'era.»

Mateo 10:25

Ỹoqo'oye ca napaxaguenatac ishet qome da machiguiñi da ivi' da 'eeta'am ca napaxaguenaxala', qataq cam choche namaxashec da ivi' da 'eeta'am ca na'aco'. Cha'aye na shiỹaxauapi da huo'otaq Aỹem iỹaxana, qaq 'eetega da Aỹem pa'aguenataxanaxaic, nache, ¿chaq 'eetec ca lỹaxanataxanaxac da qoñiita maye qami' ỹapaxaguenataqa?

Mateo 10:5

So Jesús ỹama'q soua doce lapaxaguenataqa, qaq ỹanema da lqataxac, 'eeta': Saishet qome da qanqo'oñiỹalo na 'aleu' maye netaleguete nam saishet da judiopi. Nataqa'en saishet qome da qanqo'oñiiua'a nam nỹecpi maye huaigui ye 'alhua Samaria.

Santiago 2:19

'Am 'aua'amaqten da 'oonolec Ñim Lo'onatac 'Enauacna. ¡Qaq damaye ỹataqta ỹaỹamaqchiguiñi! Qalaxaye ivira'a nam saqcha'a na'añaxac leguemaxaicpi da ỹa'amaqten Ñimaye qataq iviloxolaqchet da lcolanaxa.

Romanos 15:3

Cha'aye ivira'a So Cristo da saishet co'ollaxa da iuennatega da 'oonolec da nachaqsota da qaỹaỹamaxareeta. Cha'aye da la'aqtac Ñim Lo'onatac 'Enauacna maye nanettalec ana nere maye huetalec na la'aqtacpi Ñimaye, 'eeta': «Da lsheunaxanaxac nam 'am isheueetac 'enauac Aỹem talec.»

Juan 13:13

Qami' naxa da Aỹem qauỹaxañiỹa, qalaq qoñiỹapec da Aỹem Napaxaguenataxanaq, qataq Aỹem Qarataxala'ai. Qaq damaye saishet da seqoleguet, cha'aye ỹataqta 'eesa da Aỹem Napaxaguenataxanaq qataq Aỹem Nataxala'.

Isaías 53:3

na ỹalleppi qalaq ỹo'otan co'ollaxa qataq sa ỹaconeguet. Ỹale maye nlaqchigui da nqui'ic, qataq nala'aguet da nque'eenaxac. Qataq 'eeta'am ca sa iuen da qailotagui, nache 'enauac qomi' da so'otanaq qataq saishet da sauotaxac.

Isaías 49:7

Ñim Nataxala' maye Ca'alaqtaxanaxaic, Ñim Qui'itta natamnaxala' na Israel le'ecpi, 'enapega na shiỹaxauapi maye ỹataqta saq qaiyacnapec, nam lqaigaxat na laỹepi shiỹaxauapi, nam l-latac co'ollaxa nam qaica ca ireetacpi Ñimaye, 'eeta': «Qom 'am ila'a na nta'alpi qataq nam 'amaqtaqaicpi, nache nachaañi qome qataq 'am ỹa'aroto naua l-llecte, cha'aye Aỹem Nataxala', maye Qui'itta natamnaxala' na Israel le'ecpi, 'am lleca'aguishec co'ollaxa, qaq sepacchigui qome nam sachaxanapecpi.»

Hebreos 13:13

Qaq ỹoqo'oye nataqa'en qomi' iuen da qarỹatec So Jesús da ñeuanaqaua'a de'era ne'enaguec maye qaỹo'otec co'ollaq qaiuaxaneguet so npe'enaxaqui.

Mateo 12:31

Qaq ỹoqta 'eesa da Ñim Lo'onatac 'Enauacna ỹapalaxat ca camachaqca nasouaxashet qataq 'enauac nam qauem maye qanasaqteguec. Na'aictaxa da huo'o ca qauema naua ltaxaỹaxaco da Aỹem detaqtega qalaq Ñim Lo'onatac 'Enauacna nache 'ena'am ichoxoren camaye. Qalaxaye ca sa iyacnapec So Saqcha'a Na'añaxac Qui'itta camaye qaica ca nchoxonnataguec. ¡Camaye ỹataqta qaica ca nchoxonnataguec!

Mateo 11:18

Cha'aye so Juan maye nachelaxanataxanaq, somaye nqouaqchettac, qaq qami' qalaq qoñiitega da huo'o ca netaigui saqcha'a na'añaxac leguemaxaic.

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.

Juan 8:22

Nache na lataxala'pi na judiopi 'enapeco': –¿Peta'a iuennatega da maiche nalaala't damaye, ỹoqo'oye 'enapec da saishet da ñeqo'onaxa cam taỹa?