Juan 8:46 - La'aqtaqa Ñim Lo'onatac 'Enauacna 2013

⁴⁶ ¿Negue't ca 'oonolec da qoñiita da ishet da ỹa'axat da huo'otaq huo'o ca ỹasouaxashet? Cha'aye da huo'otaq sa'axattac dam 'eesa lataxac, qalaq ¿ta'ainco' ye saishet da Aỹem qaua'amaqchiñi?

Nuevo Testamento Toba Sur

⁴⁶ ¿Négue't ca 'oonolec da qoñiita da ishit da i'axat da huo'otaq huo'o ca ÿasouaxashit? Cha'ayi da huo'otaq sa'axattac dam 'eesa lataxac, qalaq ¿tá'ainco' yi sa ishit da aÿim qau'amaqchiñi?

Nuevo Testamento Toba Sombrero Negro

⁴⁶ Da'me ami, ¿jach'e ga'me yaqanatet ta'le jayem naloĝona queda'me 'uo ga'me yoec? Da'me ja'aĝatetac da'me eja, qama'le ¿toqoch'e ja jayem 'te auep'iiya'a?

Juan 8:46 Referans Kwoze

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

Juan 14:30

Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Juan 8:7

Qalaxaye soomaye, nache quetro'oto da denataxaata'ape. Nache So Jesús nachaañi, nache 'enapegalo soomaye, 'eeta': –Da huo'o ca 'oonolec da qoñiita da qaica ca lasouaxashet, qaq nacheca ca la'auaxanec da ỹasaq ca coma' aramaye.

Marcos 11:31

Nache somayepi taỹa't da maiche ncotatega't, 'eeta': «Da qomi' shenaqapec da nacheñi Ñim Lo'onatac 'Enauacna ỹami' da la'añaxac so Juan, nache ỹoqta qome da qomi' ina't da ta'ainco' da saishet da sa'amaqtenaq.

1 Pedro 2:22

So Cristo saishet da huo'o ca lasouaxashet, qataq saishet da huo'o ca ỹatenachet.

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Juan 18:37

Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.

Juan 16:8

Qaq qom ivita da anac Camaye, nache ỹaỹaanaxanaxanec nam shiỹaxauapi maye huetalec ana 'alhua da ca sa ỹa'amaqten Aỹem, nache huo'o da lasouaxashet. Qataq nataqa'en ỹa'axat da Aỹem qaica ca so'ot qauem, qataq qaica ca ỹasouaxashet. Qaq da pa'atec, Camaye ỹachaxan da Ñim Lo'onatac 'Enauacna mashe nmit som ilotague' ana 'alhua, qataq ỹauo'o da nhuaxanaguec. Aỹem qalaxaye she'eguelaxa ca hueta'a Ñim Ita'a, nache qami' qome saishet da Aỹem qauloỹa'a.

Juan 15:10

Qataq da qaualaqaiguet 'enauac na ỹamaxasoxonaxacpi; nache, Aỹem nache 'eetai' da qami' sauoteque, 'eeta'am Ñim Ita'a da Aỹem ỹauotec, cha'aye Aỹem ỹataqta salaxaguet.

Juan 8:47

Nam llalaqpi Ñim Lo'onatac 'Enauacna, ỹataqta na'axaỹaxaachigui 'enauac nam la'aqtacpi Ñimaye. Qalaxaye qami' saishet da qana'axaỹaxañiỹa, cha'aye saishet da qami' llalqa.