Juan 8:42 - La'aqtaqa Ñim Lo'onatac 'Enauacna 2013

⁴² Nache So Jesús 'enapega somayepi, 'eeta': –Da ỹoqta 'eesactaxa da Qarta'ai Ñim Lo'onatac 'Enauacna, nache qami'ctaxa ỹataqta Aỹem qauauochec. Cha'aye Aỹem nache sachegoqtot Ñimaye. Aỹem saishet da maiche ñallegoxottela't da ñanac, cha'aye Ñim Lo'onatac 'Enauacna maye Aỹem namaq.

Nuevo Testamento Toba Sur

⁴² Nachi so Jesús 'enapega somayipi, 'eeta': –Da ÿoqta 'eesáctaxa da qadta'ai ñi Dios, nachi qamí'ctaxa ÿataqta aÿim qauauochiic. Cha'ayi aÿim nachi sachigoqtot ñimayi, qaq nagui qami' sootaiguilo. Aÿim sa ishit da maichi ñalligoxottela't da ñanac, cha'ayi ñimayi aÿim namaq.

Nuevo Testamento Toba Sombrero Negro

⁴² Jesús 'yategueta jogaa'me: —Ta'le eja da'me Adet'ai ñe'me Dios, qama'le jayem adoqopichiya, qa'a da'me jayem jachiyaqaje'ma ñe'me Dios, chane'eja jayem 'uo. Nataq'aen da'me ja mach'e yelnataĝac da'me ñanaequena, dite da'me nach'eñe ñe'me Dios da'me jayem namaĝaquena.

Juan 8:42 Referans Kwoze

Juan 12:49

Cha'aye Aỹem nam ỹa'aqtaqa saishet da maiche ñallegoxottela't; cha'aye Ñim Ita'a maye Aỹem namaq, Ñimaye chegoqtot cam ỹa'aqtac qataq cam sapaxaguenataxanec.

Juan 14:10

Qataq ¿saisheto' peta'a da 'aua'amaqten da Ñim Ita'a qataq Aỹem da 'oonolec da qarataxac? Naua ỹa'aqtaqa maye ñasaxarec, naamaye saishet da maiche ñallegoxottela't. Aỹem nachaqrata da so'ot ca Aỹem ỹamaxalec Ñim Ita'a, qaq Ñimaye ỹo'ot ca maiche 'eetapeguec ỹachegoxotchigui Aỹem.

Juan 17:8

cha'aye mashe sanema dam 'ara'aqtac maye Aỹem 'aỹa'anem. Qaq naamaye ỹaconegueta, qataq ỹaỹateeta da ỹoqta 'eesa da 'am sachegoqtot, qataq ỹa'amaqte'n da Aỹem 'aramaxashec.

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Malaquías 1:6

Ñim Nataxala' maye Qaica ca Ỹaqalanapec, 'enapega na ntaxaỹaxanaxanecpi, 'eeta': Nam ñalaqpi huo'o naq 'enec naqa'en na lta'alpi, qaq nam namaxashecpi qalaq ỹalaxaguet na na'aco'pi. Qaq aỹem da aỹem Qarta'ai, qalaq ¿ta'ainco' da qaica qanqa'aiñi ca shenec? Qataq da aỹem qana'aco'oi qalaq ¿ta'ainco' da saishet da Aỹem qaualaqaiguet? Qami' Aỹem qauo'otañi, qataq ivira'a da qoñiỹapec: ‹¿Negue'to' cam huo'omshe 'am so'otanaq?›

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

1 Juan 4:14

Qomi' ỹataqta sauanaqchigui da Ñim Nta'a namaxalec ana 'alhua So Llalec, da yaqto' nca'alaxatec 'enauac nam huetalec anamaye, qaq damaye sa'axataqtac saishet da huo'o ca sho'oqtaique.

Juan 5:43

Ñimaye maiche Ita'a, qaltaq Aỹem namaq, qalaxaye qami' saishet da Aỹem qauacoñiiguet. Qalaxaye da huo'o ca anac da maiche ỹacoolec ca maiche 'eetapeguec, nache camaye qami' qauacoñiiguet.

1 Corintios 16:22

Da huo'o ca saishet da ỹauotec So Qarataxala' Jesucristo, nache Ñim Lo'onatac 'Enauacna talec naqa'en ca qauem. ¡'Am Qarataxala', saqaỹaloq qome da 'añe'eguelaq!

Juan 3:17

Ñim Lo'onatac 'Enauacna saishet da namaxa na Llalec ana 'alhua, da yaqto' ỹauo'o ca nhuaxanaguec na shiỹaxauapi. Nachaqrata da nca'alaxatec, chegoqchigui Namaye.

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

Gálatas 4:4

Qaq co'ollaq ivita so na'a'q maye laloqnec Ñim Lo'onatac 'Enauacna, nache namaq So Llalec da nañaxatoigui naqa'en aso 'alo, qataq quetelec na namaxasoxonaxacpi maye ỹo'ottac na judiopi.

Juan 8:14

Nache So Jesús 'enapeco': –De'era ỹa'aqtaxanaxac, damaye ỹataqta 'eesa, na'aictaxa da huo'otaq Aỹem maiche ña'axattapeguela't. Cha'aye saỹateeta ye sachegoqchiguiña, qataq dam sata'ague. Qami', qalaxaye saishet da qauaỹaañi.

Juan 16:30

Qaq nagui mashe saỹaanaq da 'am 'auaỹaten 'enauac na lataxaguesat, qaq saishet da 'auen da huo'o ca 'am inat. Qaq ỹoqo'oye sa'amaqtenaq da 'am 'auachegoqtot Ñim Lo'onatac 'Enauacna.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.