Juan 8:40 - La'aqtaqa Ñim Lo'onatac 'Enauacna 2013

⁴⁰ Qalaxaye qami', na'aictaxa da huo'otaq qami' sa'axattapeguema nam 'eesa lataxacpi maye Aỹem ỹapaxaguenec Ñim Ita'a maye Lo'onatac 'Enauacna, qalaq ñaqaiyeta qansheetaique da Aỹem qaualauache. ¡Qamaq so Abraham ỹataqta sa ỹauano' da huo'o ca ỹo'ot da 'eeta'am de'era!

Nuevo Testamento Toba Sur

⁴⁰ Qalaxayi qami', nai'ctaxa da huo'otaq qami' sa'axattapeguema nam 'eesa lataxacpi mayi aÿim ÿapaxaguenec ñi ita'a Dios, qalaq ñaqaiyita qanshiitaique da aÿim qaualauachi. ¡Qamaq so Abraham ÿataqta sa ÿauango' da huo'o ca i'ot da 'eeta'am de'eda!

Nuevo Testamento Toba Sombrero Negro

⁴⁰ Qama'le da'me jayem, mate mane'e ami ja'aĝatema da'me eja jo'ne Dios jayem yapaĝaguenec, qama'te jetaque jayem aualachi. ¡Di'me Abraham yataqachiñe qaya'te 'lonatac ta'le naq'aeta!

Juan 8:40 Referans Kwoze

Juan 8:26

Aỹem ỹataqta qalota na ỹa'aqtacpi da sa'axat 'enauac nam qauemsat maye qauo'ocheetac. Qaq Ñim Aỹem namaq, Ñimaye ỹataqta 'eesa dam la'aqtac, qaq 'enauac nam sa'axatem nam huetalec ana 'alhua, nachena na sa'aqchigui la'aqtacpi Ñimaye.

Gálatas 4:29

Qaq se'eso na'a'q so llalec aso Agar icaatac so Isaac maye chegoqchigui da la'añaxac So Saqcha'a Na'añaxac. Qaq nagui qalaq nache 'eeta'am: Nam huotaique da quegue da lamaxasoxonaxac nam nqataxacpi qalaq qomi' icaata'ape maye qomi' ñalaqpi maye qomi' qaỹachaxana'ape co'ollaxa.

Gálatas 4:16

¡Qaq nagui, souaxat da qami' sa'aqtaxaateguema dam ỹataqta 'eesa, nache damaye aỹem ỹo'otec da 'eeta'am da qami' ñepa'aguenaxau'!

Apocalipsis 12:17

Qaq ỹoqo'oye se'eso shiguiỹac leguemaxaic ỹataqta dalemataỹa asa'aso 'alo, nache jec da iloquiaxan na no'onañi llalaqpi asomaye, qaq damaye 'eeta', nam ỹataqta ỹalaxaguet nam lamaxasoxonaxacpi Ñim Lo'onatac 'Enauacna, qataq saq ỹaxanec da lpi'iỹaxac So Jesús.

Apocalipsis 12:4

Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.

Romanos 4:12

Qalaxaye so Abraham nataqa'en lta'a nam huo'o na na'anaxat na lo'oc, qataq huo'o da lpi'iỹaxac Ñim Lo'onatac 'Enauacna. Qaq de'era ỹachaxan da namayepi quetague' da lataxac so Abraham co'ollaq saxanaxa da qaỹauo'o ca na'anaxat na lo'oc.

Juan 8:56

So Abraham maye qarta'ai, somaye ỹataqta huo'o da ntonaxac co'ollaxa da choche iuennatega ca na'a'q da ñevira ana 'alhua. Qaq co'ollaq ilogui, nache somaye ỹataqta nlaqchigui da ntonaxac.

Salmos 37:32

Na qauemaicpi qalaq nauaatac na no'on da lataxac, cha'aye huotaique da ỹalauat.

Salmos 37:12

Na qauemaicpi nmitta'a da ỹo'otec ca qauem ca ỹale no'on da lataxac, da ỹamata'a qalaq nlaqchigui da lquiỹaxa da lmeenaxanaxac.

Juan 7:1

Qaq co'ollaq ime de'era, nache So Jesús coleetac ye 'alhua Galilea. Somaye saishet da taỹa ye 'alhua Judea, cha'aye nam lataxala' na judiopi maye lma' yemaye nshetaique da ỹalauat Somaye.