Juan 8:4 - La'aqtaqa Ñim Lo'onatac 'Enauacna 2013

⁴ Nache soomaye 'enapegalo' So Jesús, 'eetra': –'Am Napaxaguenataxanaq, ara'ara 'alo, aramaye sauanaqalec da ncachetague' so saishet da lhua.

Nuevo Testamento Toba Sur

⁴ Nachi qoÿinapego' so Jesús, qoÿiita': –'Am mayi 'auapaxaguenataxaatac, ada'ada 'alo, adamayi qaÿauanalec da ncachitapegue' ca sa lhua.

Nuevo Testamento Toba Sombrero Negro

⁴ Qama'le qo'yaĝatot da'me loec jaga'me yauo joñe'me Jesús: —Am paĝaguenataĝanaĝaic, janjo' yauo jotaĝanaĝaq queda'me leuaua ga'me jo'ne ja yataqachiñe ta'le loua.

Juan 8:4 Referans Kwoze

Mateo 1:19

Qaq so José maye huotaique da lhua asomaye, somaye ỹataqta no'on da lataxac, nache saishet da ỹa'axatec da huaigui aso María. Nachaqrata da huotaique da saishet da ỹaỹaana'a't naqa'en na shiỹaxauapi da ỹalat asomaye.

Juan 8:3

Nache huo'oi soua dapaxaguenataxaatapegueque na namaxasoxonaxacpi qataq soua chegoqraigui na fariseopi, nauegueua'a Somaye aso 'alo maye qaỹauanalec da ncachetague' ca sa lhua. Nache qanachaalataxangui na laiñi som shiỹaxauapi.

Juan 8:5

Qaq naua namaxasoxonaxaco maye chegoqo'oto co'ollaxa so Moisés, qomi' ỹamaxaleguete da sauoqta'a na coma' da salauataq aca 'alo da huo'otaq 'eeta'am aramaye. Qaq 'am ¿ca 'eetec ca 'ara'aqtac nagui?

Levítico 20:10

Qaq ca shiỹaxaua da lauañi' aca lhua ca lỹa, nache que'eca ỹale qataq aca 'alo qaỹalaua't.

Deuteronómio 22:22

Qaq ca ỹale da qailalec da lauatañi' aca 'alo maye huo'o ca lhua, nache 'enauaque caamaye da qaỹalaua't. Qaq 'era da 'eetec da ỹataqta qanqateua'a qome 'enauac na qauem na Israel.

Jueces 19:3

nache so leviita jec da ỹe'eguena'a asomaye da yaqto' nachoxonnot da ỹe'eguelaxaguet. Qaq somaye lỹatac co'ollaxa so lo'onataxanaxanec, qataq ỹaue'c soua dos 'ashena, qaq asomaye co'ollaq ilo'ot so lhua nache ỹauegueua'a so lma', nache so lta'a nataqa'en ỹa'amaqchiguiñi co'ollaq ilo'ot somaye.