Juan 8:39 - La'aqtaqa Ñim Lo'onatac 'Enauacna 2013

³⁹ Nache somayepi 'enapeco': –Qomi' qarta'a so Abraham. Nache So Jesús 'enapega somayepi, 'eeta': –Qami', da ỹoqta 'eesactaxa da qarta'ai so Abraham, nache ishettaxa da qauo'oche nam ỹo'otpi somaye.

Nuevo Testamento Toba Sur

³⁹ Nachi somayipi 'enapeco': –Qomi' qadta'a so Abraham. Nachi so Jesús 'enapega somayipi, 'eeta': –Qami' da ÿoqta 'eesáctaxa da qadta'ai so Abraham, nachi ishíttaxa da qau'ochi nam i'otpi somayi.

Nuevo Testamento Toba Sombrero Negro

³⁹ Jogaa'me male enapega't: —¡Di'me mach'e qadet'a Abraham! Qama'le Jesús 'yategueta jogaa'me: —Ta'le naqa'ami jo'ne yataqatelo'te lec'oqo'tepi di'me Abraham, qama'le auoqochiiyalo naa'me lapaĝaguenataĝanaĝaco.

Juan 8:39 Referans Kwoze

Gálatas 3:7

Qaq ỹoqo'oye qami' ishet da qauaỹaañita da na ỹataqta 'eesa da llalaqpi so Abraham, nachena na huo'o da lpi'iỹaxac Ñim Lo'onatac 'Enauacna.

Romanos 9:7

Nataqa'en saishet da imauec na chegoxoguet so Abraham da ỹataqta 'eesa da lalamaxat llalaqpi somaye, cha'aye Ñim Lo'onatac 'Enauacna 'enapec: «Ca 'aỹa'alaqpi chegoqchigui qome ñi Isaac.»

Juan 8:37

Aỹem mashe sogote da saỹaten da maiche qami' llalqa so Abraham. Qalaxaye qami' qansheetaique da Aỹem qaualauache, cha'aye saishet da qauacoñiigueta naua ỹapaxaguenataxanaxaco.

Mateo 5:45

Yaqto' qauachaxañi da qarataxaqui da qoñiita'am Ñim Qarta'ai maye Lo'onatac 'Enauacna maye neta'ague da piguem. Ñimaye nnoxoosheguem naqa'en añi nala' da icoỹarelec nam qauem da lataxac qataq na no'on da lataxac, qataq da ivita da namaq na auot, qalaq talec naqa'en nam ỹalaxaguet Ñimaye qataq nataqa'en nam saishet da ỹalaq.

Mateo 3:9

Qataq saishet qome da tatapigui qarvilli da qoñiita': ‹Qomi' maiche qomi' llalaqpi so Abraham.› Cha'aye qami' shenapegalo da Ñim Lo'onatac 'Enauacna, ishet da ivira'a da ỹachegoxotaigui ne'ena coma'pi ca ỹataqta llalaqpi so Abraham.

Gálatas 3:29

Cha'aye da mashe qana'ayeetaua'a So Cristo, qaq nataqa'en qami' lalamaqa'ate llalqa so Abraham, qaq nataqa'en qauacoñiiguet qome cam ỹachaxanapec co'olloxocheye Ñim Lo'onatac 'Enauacna.

Romanos 4:16

Qaq ỹoqo'oye dam ỹachaxanapec Ñim Lo'onatac 'Enauacna da yaqto' huo'o da 'enec da talec 'enauac nam llalaqpi so Abraham, nache Ñimaye saishet da iỹaxanaique ca naiguet damaye. Ỹo'ot de'era ỹachaxanapec da talec 'enauac nam huo'o da lpi'iỹaxac Ñimaye. Saishet da nachaqnata nam ỹalaxalec na namaxasoxonaxacpi, maye nataqa'en 'enauac nam huo'o da lpi'iỹaxac maye 'eeta'am so Abraham. Ỹoqo'oye so Abraham nacheso so 'enauac da qarta'a.

Romanos 4:12

Qalaxaye so Abraham nataqa'en lta'a nam huo'o na na'anaxat na lo'oc, qataq huo'o da lpi'iỹaxac Ñim Lo'onatac 'Enauacna. Qaq de'era ỹachaxan da namayepi quetague' da lataxac so Abraham co'ollaq saxanaxa da qaỹauo'o ca na'anaxat na lo'oc.

Juan 8:33

Nache somayepi 'enapeco': –Qomi' maiche qomi' llalqa so Abraham, qaq ỹataqta sa ỹauano' da huo'o ca qomi' l-lataqa. Qalaq ¿ta'ainco' da 'am qonapec da ishet da qomi' huesochiyiñi?

Juan 8:43

Qami' saishet da qauaỹaañi dam qami' sa'axattapeguema, cha'aye saishet da ỹoqta qana'axaỹaxañiỹa dam ỹa'aqtaxanaxac.

Juan 8:56

So Abraham maye qarta'ai, somaye ỹataqta huo'o da ntonaxac co'ollaxa da choche iuennatega ca na'a'q da ñevira ana 'alhua. Qaq co'ollaq ilogui, nache somaye ỹataqta nlaqchigui da ntonaxac.