Juan 8:37 - La'aqtaqa Ñim Lo'onatac 'Enauacna 2013

³⁷ Aỹem mashe sogote da saỹaten da maiche qami' llalqa so Abraham. Qalaxaye qami' qansheetaique da Aỹem qaualauache, cha'aye saishet da qauacoñiigueta naua ỹapaxaguenataxanaxaco.

Nuevo Testamento Toba Sur

³⁷ Aÿim mashi sogote da saÿaten da maichi qami' llalqa so Abraham. Qalaxayi chaq ta'ainec da qanshiitaique da aÿim qaualauachi souaxat da sa qau'amaqchiñi dam shinapec.

Nuevo Testamento Toba Sombrero Negro

³⁷ Jayem joote jayaten da'me auachiyoqoya'aguet di'me Abraham, qalaĝaja jetaque jayem aualachi da'me aueñi yaviyaĝajet da'me jo'ne ami ja'aĝatema.

Juan 8:37 Referans Kwoze

1 Corintios 2:14

Qaq ca shiỹaxaua, maye saishet da netanguit So Saqcha'a La'añaxac Ñim Lo'onatac 'Enauacna, saishet da ỹaconeguet da napaxaguenataxanaxac maye chegoqo'ot Somaye, cha'aye 'eeta'am naqa'en da choche 'oopashec. Qataq saishet da ỹaỹaten damaye, cha'aye saishet da netanguit So Saqcha'a La'añaxac Ñim Lo'onatac 'Enauacna.

Romanos 9:7

Nataqa'en saishet da imauec na chegoxoguet so Abraham da ỹataqta 'eesa da lalamaxat llalaqpi somaye, cha'aye Ñim Lo'onatac 'Enauacna 'enapec: «Ca 'aỹa'alaqpi chegoqchigui qome ñi Isaac.»

Juan 7:1

Qaq co'ollaq ime de'era, nache So Jesús coleetac ye 'alhua Galilea. Somaye saishet da taỹa ye 'alhua Judea, cha'aye nam lataxala' na judiopi maye lma' yemaye nshetaique da ỹalauat Somaye.

Juan 8:59

Huaña, nache soomaye ỹaconalo na coma' da ỹauotaique da ỹasa'q So Jesús. Qalaxaye Somaye nqañoxotoigui na shiỹaxauapi, ime nache ca'ai aso no'onaxanaxaqui late'erai.

Hechos 13:26

Qaq aỹem qana'axaỹañiỹa qami' ỹaqaỹa't maye qami' qauachegoqoiguet so Abraham qataq 'enauac da qoñiita maye ỹataqta qaualaqaiguet Ñim Lo'onatac 'Enauacna, de'era na'aqtaxanaxac maye chegaqaigui da nca'alaxa, damaye ỹataqta qaralamaxat.

Juan 8:43

Qami' saishet da qauaỹaañi dam qami' sa'axattapeguema, cha'aye saishet da ỹoqta qana'axaỹaxañiỹa dam ỹa'aqtaxanaxac.

Juan 11:53

Qaq, nache chegoqchiguiña se'eso na'a'q da na lataxala'pi na judiopi, detaxaỹapigui ca lataxac da yaqto' ỹalauat So Jesús.

Juan 7:19

So Moisés qami' ỹanema co'ollaxa na lqataxacpi, qalaxaye ñaqaiyeta saishet da qaualaqaiguet. ¿Ta'ainco' da huotaique Aỹem qaualauache?

Juan 10:31

Nache na lataxala'pi na judiopi qaltaq ỹacona na coma' da huotaique da ỹasaq Somaye.

Juan 8:6

Qaq soomaye 'enapec de'era, da choche ỹe'egue'n So Jesús, da yaqto' ishet da ỹauo'o ca lasouaxashet. Nache So Jesús nqollemñi, nache ỹettac ana 'alhua, huota'a ana llaxaata.

Juan 7:25

Nache huo'o na netaña ye Jerusalén na denataxaatac, 'eeta': –¿Saisheto' peta'a da nachera dam da', dam qanmittaique da qaỹauotaique qaỹalauat?

Juan 5:44

Qaq ¡Ca 'eeteco' da qami' Aỹem qaua'amaqchiñi, ye qami' qarqopitaxache da qami' ỹo'oxoreeta'ape na shiỹaxauapi, qaq saishet da ỹo'oxoren Ñim Lo'onatac 'Enauacna maye 'oonolec!

Mateo 13:15

Cha'aye namayepi saishet da huo'o ca laỹaanataxanaxac qataq saishet da deuennataxan; qataq ỹapoguilo naua la'ai'te da yaqto' saishet da demeenaxan, qataq ỹapoguilo naua ltela lauaco, da yaqto' saishet da hua'aqa. Cha'ayectaxa da saishet da nache 'eetec de'era, nache ỹaỹaten taxa da ỹa'aqtaxanaxac, nache naralaxat taxa da lataxac, ¡nache Aỹem taxa ñeca'alaxatec!»

Juan 8:33

Nache somayepi 'enapeco': –Qomi' maiche qomi' llalqa so Abraham, qaq ỹataqta sa ỹauano' da huo'o ca qomi' l-lataqa. Qalaq ¿ta'ainco' da 'am qonapec da ishet da qomi' huesochiyiñi?

Mateo 3:9

Qataq saishet qome da tatapigui qarvilli da qoñiita': ‹Qomi' maiche qomi' llalaqpi so Abraham.› Cha'aye qami' shenapegalo da Ñim Lo'onatac 'Enauacna, ishet da ivira'a da ỹachegoxotaigui ne'ena coma'pi ca ỹataqta llalaqpi so Abraham.

Juan 8:56

So Abraham maye qarta'ai, somaye ỹataqta huo'o da ntonaxac co'ollaxa da choche iuennatega ca na'a'q da ñevira ana 'alhua. Qaq co'ollaq ilogui, nache somaye ỹataqta nlaqchigui da ntonaxac.